tgoop.com/AmHadeerAlhlfi/5911
Last Update:
#قصيدة_للزهراء_جديدة
#حال_أمير_المؤمنين
#المستهل 👇🏻👇🏻👇🏻
بيدي ادفنتها ام بيتي
بـالكـبـر يـا عافيـتـي
يازهرة الروح يازهرة الروح 2
•───✧◐🕊🌻🕊◐✧───•
يالعشت وياها العمر ماكملت للتالي
يازهرتي الجانت سند ياامي وام اطفالي
يالخير كله بفاطمة راحت ومـابـقـالي
اظلمت بعيني دنيتي والبيت منها خالي
كاسرني يافركاها
فاطمتي ماانساها
يازهرة الروح يازهرة الروح 2
•───✧◐🕊🌻🕊◐✧───•
بيتي بغيابج فاطمة مظلم وطايح سكفه
شله بحياته وبالعمر الفارك عزيزة اولفه
دنيايه وحشه بغيبتج حبج لوحده بكفه
تعبان لو جيت اكعدت يمج اطيب واشفه
اخذتي بغيابج روحي
فراكج أمزيد جروحي
يازهرة الروح يازهرة الروح 2
•───✧◐🕊🌻🕊◐✧───•
وكت الغسل من غسلت جسمج الطاهر بيدي
مرت اديه اعله الضلع وتفاجئت من ايدي
معقوله مكسور الضلع شفته ولويته لجيدي
خافيته عنـي ام الحسن يادمعتي دم زيدي
تكتم ألمها عنـي
قصدها لتألمني
يازهرة الروح يازهرة الروح 2
•───✧◐🕊🌻🕊◐✧───•
عمر الورد مايندفن بااول ايام اسنينه
بخصوص ايام القطف ناخذ الزهره الزينه
نداريها چن روح بجسد تنطينه عطر وزينه
بس وردتي بااول حلم كسروها كوم الشينه
كسرو غصنها الأشرار
بـنت النـبـي المختار
يازهرة الروح يازهرة الروح 2
•───✧◐🕊🌻🕊◐✧───•
الله ومحمد فاطمة عليج بذكرهم يرضون
كل الجره بيج وسده ربنا ورسوله يعلمون
انتي الجليلة الطاهرة لجيّـتـج هم ينتضرون
والصار بيج من العده الشيعه لمصابج يبجون
انتي لشفيعة لشيعتج
بالحشر كلها بخدمتج
يازهرة الروح يازهرة الروح 2
•───✧◐🕊🌻🕊◐✧───•
#جديد2023
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى مولاي امير المؤمنين ومولاتي فاطمة الزهراء والمحسن
والى الأستاذة القديرة في معهد تراتيل الزهراء …..
https://www.tgoop.com/um_ali313
BY المله والشاعرة أم حيدر الحلفي
Share with your friend now:
tgoop.com/AmHadeerAlhlfi/5911