tgoop.com/AmHadeerAlhlfi/5957
Last Update:
قصيدة ام البنين تخاطب ولدها العباس ع
يمه ياعباس شيل جنازتي
لاتخليها بغرب ياضنوتي
➖➖➖🖤➖➖➖
يمه ياعباس انهض بالعجل
خلص عمري ومابقى عندي أمل
ومابقت أيام ويحين الاجل
وانه وحدي شلون حيره حيرتي
➖➖➖🖤➖➖➖
مابقى بالروح امل يمه بعد
انه وحدي اخلاف عينك يالولد
ردتك الهذا الوكت يمه سند
وتحفر ابچفك يغالي حفرتي
✍🏻العلويه ام علي
➖➖➖🖤➖➖➖
سند ردتك يمه لو موتي گرب
تدري خلصت العمر لوعه وتعب
ماخمد بالگلب عالفرگه اللهب
بقت حد. الموت تلهب جمرتي
✍🏻ام زهراء الزيداويه البصراويه
➖➖➖🖤➖➖➖
جمرتي للموت ضلت مسعره
روحي اعليكم تون و مكدره
بيدك اتمنى توسدني الثره
هل حلم باقي ييمه ابحسرتي
✍️ ام حسين العامري
➖➖➖🖤➖➖➖
حسرتي تكتل ابد ماتنحمل
الحزن بفراگم شلاني شل
حيف طشاه الوكت ذاك الشمل
ابعيد عنكم طافيه تظل شمعتي
✍️ام نور الزهراء الزينبيه
➖➖➖🖤➖➖➖
جمرتي بگلبي ماتخمد. ابد
اجنازتي محد اوياها امن الولد
ايشيعوني مايجون اهل المجد
تبقه دوم اتسيل الهم دمعتي
خادمة أهل البيت ام أبراهيم الحلفي ✍️
➖➖➖🖤➖➖➖
تمت بأقلام شاعرات رابطة قتيل العبرات
غير مبري الذمه من يحذف اويغير اويتلاعب بالكلمات اويحذف اسم
BY المله والشاعرة أم حيدر الحلفي
Share with your friend now:
tgoop.com/AmHadeerAlhlfi/5957