tgoop.com/AmHadeerAlhlfi/5967
Last Update:
هوسات لطلب الحوائج
بإسم مولاتنا ام البنين عليها السلام 😭💔
....................
موشرط اوصل الگبرچ لون گلبي يحترگ
انا بس اسمچ اجيبه ماتظل ضيجة خلگ
خوب هاي العگده كلمن عاگدتها ومن صدگ
گبل لاتعگد الشيله وگبل لابابچ تدگ
تلگاها...... محلوله ابزودچ
.......................
اشكثر شدات مرن واشكثر صعبات حيل
بيهن احتاريت حيره والنهار ابعيني ليل
منهن ادموعي يصبن خرز يسگط بالشليل
مااسولفهن على احد بس على ام هدم الثجيل
كل اسراري...... واعليها انفض
....................
اكو ظيم الموش هيّن لاسهل من ينحچي
تسولفينه بالمناشغ والمدامع والبچي
گومن امشنا ابدمعنا على ام حيهن نرتچي
هي تفهم بالمدامع اشد من كثر الحچي
اتلاگينا...... خيّره ام عباس
....................
يله نتوجه بأسمها الطاهره ام البنين
تفگدچ اتگلچ بطيتي اشلون طحتي وماتجين
گولي تعبانه اوغلاتچ او دايخه وروح الحسين
ماتضيعچ لاحشاها امجربه ام گلب الحنين
اتمشينه...... واعليها احسين
......................
امانة لاتنسوني من دعائكم
*ام علي رضا الحسيني*
رحم الله من يقرأ سورة الفاتحة إلى روح مولاتنا ام البنين عليها السلام
والى روح والدي
خضير بن زوينه
https://www.tgoop.com/umaliridashrify
BY المله والشاعرة أم حيدر الحلفي
Share with your friend now:
tgoop.com/AmHadeerAlhlfi/5967