tgoop.com/AmHadeerAlhlfi/6300
Last Update:
قصيده لإمام السجاد عليه السلام
✍🏻✍🏻✍🏻
آه يمصايب الطف
بين الراس والجف
والاعظم عليه زينب سبيه
وخواته بالحبل هنه ورقيه
آه يمصايب الطف
✍🏻✍🏻✍🏻
جم مصيبه وجم آلم يحمل يگلبه
وهوه مابين السلاسل بين ضربه
وشاف عماته وخواته والله صعبه
كون ميت ماشفت هاي الرزيه
والاعظم عليه زينب سبيه
آه يمصايب الطف
✍🏻✍🏻✍🏻
تعذب بدنياه ماشايف الراحه
كلهه اهون عمتي دخلت خرابه
وساعه اصيحن ياحسين ويامصابه
بويه اگعدشوف شنو الصار بيه
والاعظم عليه زينب سبيه
آه يمصايب الطف
✍🏻✍🏻✍🏻
شوف ماگدر عله حال اليتامه
وضعي يابويه صعب ماهو بسلامه
الموت بين بيه وبين علامه
ريتك وياي وتجي هاي المسيه
والاعظم عليه زينب سبيه
آه يمصايب الطف
✍🏻✍🏻✍🏻
ريت تحضرني يبويه وتجي يمي
الجامعه مطبوعة يابويه عله جسمي
بس عضم وداعتك ماهو لحمي
ادفني بيدك يابعد كل حيل بيه
والاعظم عليه زينب سبيه
آه يمصايب الطف
✍🏻✍🏻✍🏻
ادفني واحضر عمي العباس وياك
بيدك تغسلوني ماريد هالناس
ادري بي ماكو اجفوف امهشم الراس
احاه يبويه جثتك ضلت رميه
والاعظم عليه زينب سبيه
آه يمصايب الطف
✍🏻✍🏻✍🏻
تمت بعون الله تعالى الى خادمه اهل البيت عليهم السلام الشاعره والمله ام حيدر الحلفي لنا ولكم الاجر والثوابhttps://www.tgoop.com/AmHadeerAlhlfi
BY المله والشاعرة أم حيدر الحلفي
Share with your friend now:
tgoop.com/AmHadeerAlhlfi/6300