tgoop.com/Amabeha5533/185237
Last Update:
باليل من شفت الضلام…يا يمه
ياهو ليناغي من أنام….…يا يمه
ما أنام اله أعلى صوت.…يا يمه
ومن ترحين أنه أموت..…يا يمه
يتم الصغر گدري
ومنچ خذت صبري
مو مال خمس أعوام
خمسين چن عمري
يا يمه گلبي ما شفه ضل دامي
وأنه توني أوگف أعلى جدامي
صغيره حزنچ ما يكفي لطولي
شما أرهمه يطول وي أيامي
~~~~~~~~~~~~~
ما راعوا بنت الأمين..…يايمه
من دارنه شبوهاا نار.….يايمه
يوم العذاب أعلينه صار...يايمه
كسرولچ ضلعچ
بالباب أثر دمچ
ينكسر گلبي وياه
كلما يهل دمعچ
أعلا أمي حرگوا الباب الكفر
أربعين الرفسوا أبطن طهر
كلهم انذال ولا بيهم رحم
طاح محسن وضلع بي چم كسر
أيامي
~~~~~~~~~
ذابله عيونه وراچ………يا زهره
بكل رگن عينه عليچ….يا زهره
لنضره منچ يرتجيچ…..يازهره
أختلف كل وضعه
مهموم ضل ينعى
بغيابچ الكرار
عايش على الدمعه
يا بويه بليل الجنازه ادفنها
لتخلي اي عدوان تگرب منها
تدري مكسورة ضلع يابويه
يعينك الله لمن تچفنها
وي أيامي
~~~~
عگبچ من رحتي لحُسين…يا زهره
مخنوگ وأبصدره الونين...يا زهره
والحسن مثل الشمع....يا زهره
سگته يهمل بالدمع…...يا زهره
عگبچ خوتنه
الدهر شتتنه
من بعد حنيتچ
أنطفت شمعتنه
من هجمت أشباه رجال أعلينه
أبلايه أم من الصغر ضلينه
جدي مو وصه بالعتره وراه
چا ليش محد منهم اليحمينه
ل وي أيامي
~~~
موش سبط أعضم نبي…ياخويه
ليش گبرگ ضل خفي.…ياخويه
أصغير ما تحمل كبر…..ياخويه
فوكه عضمك منكسر…ياخويه
محسن يا همي
أسمك جره بدمي
الما يعرف أمه
طيحك يبن أمي
صح أنكسر ضهرك برحم البتول
ولا شفت حسين أدوسه الخيول
تدري شنهي الهون عليه المصاب
ما شفت أعلى الرمح راسك يجول
~~~~~
🪶سجاد علي البهادلي
BY قناة قصائد والحان منبريه
Share with your friend now:
tgoop.com/Amabeha5533/185237