تبْصِر ..✨

الاسبوعين الي راحوا چانوا كلّش مُتعبين الي جسديًا ونفسيًا التعب چان مبيّن عليه.
ولوما التعداد وعطلته چان اعلنت انهياري رسميًا.
فـ بنّص ايام التعب كذا مرّة سألت نفسي هسة ليش ما اختاريتي كلية شوية اسهل؟
او اقلها اختاري كلية قريبة من بيتنا،
مش معقول هم اختصاص صعب وهم بعيدة عن اهلچ.
فـ يب كذا مرّة خضت حوارات لوم وي نفسي.
وبقى التساؤل ببالي انّو شنو الحكمة من كل هاللود والتعب!

مشت الايام وكملت امتحاناتي ونزلت لأهلي،
اول يوم الي بالبيت اتصلت بنية من معارفي گالت چان عندي كذا اعراض ورحت للطوارئ وانطتني فلان علاج وهاهية،
اشو ما راحت الاعراض؟
استمر عليهن لو شسوي؟
سألتها شوية ع تفاصيل الاعراض،
ربطت ببالي الاعراض وي فد مرض معين،
بس ما اگدر اجزم ١٠٠٪.
اولًا اني ما فاحصته،
ثانيًا هذا كلام بمكالمة فقط.
فـ گلت الها عيني رجعي مرّي ع الطوارئ وشرحيلهم التفاصيل وخل يسوولچ تحليل حمل هم،
گالت لا شدّخل الحمل ما اتوقع،
گلت الها ميخالف ما خسرانه شيء،
تذكّرت انّي قاريه انو الحمل يفاقم الاعراض مال هالمرض.
المهم هي هم ما قصّرت احترمت رأيي
وراحت للطوارئ وشرحت للمقيم الثاني التفاصيل وگالت له انو الدكتورة(الي هي اني😂💅) گايلتلها خل تسوي تحليل حمل هم.
فـ المقيم فاحصها ودازها تحاليل،
وطلعت فعلًا حامل ونفس المرض الي ببالي توقّعه المقيم هم وبقّاها للصبح بالردهة.
فـ بعد كم ساعة مرّيت ع الطوارئ حتى اشوفها،
سولفت وي المقيم گتله فلان دزيز مو؟
گال اي ع الاغلب بس هم ننتظر الاخصائي الصبح يشوفها،
گال: انتِ گايلتلها تسوي تحليل حمل؟
گتله: اي.
گال: عاشت ايدچ والله،
يعني انتِ اشطر من المقيمة الي شايفتها الصبح.
اوائل؟
گتله: لا.
يا جامعة؟
نهرين.
اهاااا، مو اگول معلومات مرتّبة.
جامعتكم راقية.

المهم،
الاخصائي الصبح گايل الها لو باقية بالبيت وما جايه هنا باقية تحت نظر المقيم للصبح چان الله يعلم شنو حالچ هسة،
ووصّوها تبقى تراجع طبيب معين اضافةً للنسائية الي لازم تبقى تراجعها لحد الولادة.

وحصّلت كومة عاشت ايدچ من المقيم والاخصائي،
وكومة رحم الله والديچ منها ومن زوجها.

فـ إي،
الله يختارلنا الاشياء بعناية ودقّة،
ويعرف شلون وشوكت يراوينا حكمة هالاختيار.🩵

ومرّات تشوف نفسك عادي وجهودك عادية لأنك تقارن نفسك وي مئات الاشخاص الي بإختصاصك،
لكن من تجي للواقع ربنا يخليك بمواقف تعرف بيها جهودك شگد عظيمة وعلميتك زينة،
لأنّو المقياس الحقيقي هو قدرتك ع التعامل مع الموقف الي گدامك،
والمريض الي وثق برأيك وطلبه.


فـ يبّ،
الحمد لله حمد الشاكرين.🩵

منقول

www.tgoop.com/Amalalantidar313/36433

24 viewsعلي ولي اللًه, Dec 1 at 08:02

الاسبوعين الي راحوا چانوا كلّش مُتعبين الي جسديًا ونفسيًا التعب چان مبيّن عليه.
ولوما التعداد وعطلته چان اعلنت انهياري رسميًا.
فـ بنّص ايام التعب كذا مرّة سألت نفسي هسة ليش ما اختاريتي كلية شوية اسهل؟
او اقلها اختاري كلية قريبة من بيتنا،
مش معقول هم اختصاص صعب وهم بعيدة عن اهلچ.
فـ يب كذا مرّة خضت حوارات لوم وي نفسي.
وبقى التساؤل ببالي انّو شنو الحكمة من كل هاللود والتعب!

مشت الايام وكملت امتحاناتي ونزلت لأهلي،
اول يوم الي بالبيت اتصلت بنية من معارفي گالت چان عندي كذا اعراض ورحت للطوارئ وانطتني فلان علاج وهاهية،
اشو ما راحت الاعراض؟
استمر عليهن لو شسوي؟
سألتها شوية ع تفاصيل الاعراض،
ربطت ببالي الاعراض وي فد مرض معين،
بس ما اگدر اجزم ١٠٠٪.
اولًا اني ما فاحصته،
ثانيًا هذا كلام بمكالمة فقط.
فـ گلت الها عيني رجعي مرّي ع الطوارئ وشرحيلهم التفاصيل وخل يسوولچ تحليل حمل هم،
گالت لا شدّخل الحمل ما اتوقع،
گلت الها ميخالف ما خسرانه شيء،
تذكّرت انّي قاريه انو الحمل يفاقم الاعراض مال هالمرض.
المهم هي هم ما قصّرت احترمت رأيي
وراحت للطوارئ وشرحت للمقيم الثاني التفاصيل وگالت له انو الدكتورة(الي هي اني😂💅) گايلتلها خل تسوي تحليل حمل هم.
فـ المقيم فاحصها ودازها تحاليل،
وطلعت فعلًا حامل ونفس المرض الي ببالي توقّعه المقيم هم وبقّاها للصبح بالردهة.
فـ بعد كم ساعة مرّيت ع الطوارئ حتى اشوفها،
سولفت وي المقيم گتله فلان دزيز مو؟
گال اي ع الاغلب بس هم ننتظر الاخصائي الصبح يشوفها،
گال: انتِ گايلتلها تسوي تحليل حمل؟
گتله: اي.
گال: عاشت ايدچ والله،
يعني انتِ اشطر من المقيمة الي شايفتها الصبح.
اوائل؟
گتله: لا.
يا جامعة؟
نهرين.
اهاااا، مو اگول معلومات مرتّبة.
جامعتكم راقية.

المهم،
الاخصائي الصبح گايل الها لو باقية بالبيت وما جايه هنا باقية تحت نظر المقيم للصبح چان الله يعلم شنو حالچ هسة،
ووصّوها تبقى تراجع طبيب معين اضافةً للنسائية الي لازم تبقى تراجعها لحد الولادة.

وحصّلت كومة عاشت ايدچ من المقيم والاخصائي،
وكومة رحم الله والديچ منها ومن زوجها.

فـ إي،
الله يختارلنا الاشياء بعناية ودقّة،
ويعرف شلون وشوكت يراوينا حكمة هالاختيار.🩵

ومرّات تشوف نفسك عادي وجهودك عادية لأنك تقارن نفسك وي مئات الاشخاص الي بإختصاصك،
لكن من تجي للواقع ربنا يخليك بمواقف تعرف بيها جهودك شگد عظيمة وعلميتك زينة،
لأنّو المقياس الحقيقي هو قدرتك ع التعامل مع الموقف الي گدامك،
والمريض الي وثق برأيك وطلبه.


فـ يبّ،
الحمد لله حمد الشاكرين.🩵

منقول

BY تبْصِر ..✨