tgoop.com/Aso_Najjari/5226
Last Update:
💠دوکتوری بێ تاوان💠
دوکتوری بێچارە چ بکا؟ چاوی من چارەی نییە
شینی یاران شینی کرد خۆ چاوە، ئاوبارەی نییە
چاو هەتا کەی گەش ببینێ؟ دڵ ئەوەند ڕەش هەڵگەڕا
شاعیرو ڕەشبین؟ نە، ئەو قەت هێزی ئەوکارەی نییە
تێر بوە لەم سەیری جەنگ و کوشت و ئاوارەی جیهان
چاوێ لێڵ نابێ خەمی ئەو خەڵکە ئاوارەی نییە
هەر کەسێ شەڕ خوازە خوا بی باتەوە، خوارە خەتی
چاوی من هەر گیز سەوادی ئەو خەتە خوارەی نییە
حافزی سیپارەبی، پارەت نەبێ چارەت نییە
خۆڵ وەسەر ئەو دەردە دارەی کەوتو وەو پارەی نییە
دەرکراوی شارو دێم، ڕێبواری ڕێی دەریای ئەوین
کێیە ئاواتی مەلەی ئەو بەحر و ڕۆبارەی نییە؟
ماری پیریی دێ و پەلاماری وشەی شیعرم ئەدا
نا مەترسن، تەبعی من قەت ترسی ئەو مارەی نییە
هەر سەرێ مەستی ئەوین بوو حیرس و ئازی کەم دەبێ
هەر ئەویندارە، مەترسی نەفسی ئەممارەی نییە
تا بمێنی نووری چاو و هێزی پێی ئاسۆ وەکوو
مامە هێمن ماچ دەکا خاکی وەتەن چارەی نییە
#ئاسۆ
#ورمێ 14 8 02
BY مامۆستا ئاسۆ
Share with your friend now:
tgoop.com/Aso_Najjari/5226