tgoop.com/BANOTANEKADEA2001/120195
Last Update:
منقول الخطوط مش مجرد حروف!
إزاي تختار الخط اللي يعكس شخصية براندك؟
قبل ما تختار أي خط، اعرف إنه بيقول كلام كتير عنك من غير ما يتكلم!
زي ما اللبس بيظهر شخصيتك الخطوط كمان بتفرق جداً في شكل البراند
أنواع الخطوط ورسالتها:
1. الخط الكلاسيكي (زي Times New Roman):
- دا خط جدع وثابت، بيقول: "انا قديم أهلاً وسهلاً، وعندي خبرة ومصداقية"
- ينفع لبراندات محترمة زى البنوك أو الجامعات.
2. الخط المودرن (زي Sans-serif):
- خط خفيف وبسيط بيقول: "انا عصري وعايش مع الزمن وبحب البساطة"
- ينفع لشركات التكنولوجيا أو البراندات اللي بتستهدف الشباب.
3. الخط المرح (زي Comic Sans):
- دا خط مرح شوية، لكن لو براندك لعب أطفال أو محتوى كوميدي، يبقى هو بطلك
4. الخط الأنيق (زي الخطوط اللي فيها زخارف):
- خطوط بتتلبس بدلة وتقول: "انتوا فين يا ولاد؟"
- مثالي للماركات الفاخرة أو منتجات التجميل.
5. الخط الجريء (Bold):
- خط صوته عالي وبيقول :
"انا هنا، ومحدش يغلط!"
- يناسب البراندات الرياضية أو اللي عايزة تبان قوية (زي Nike).
إزاى تختار الخط الصح؟
- اسأل نفسك:
براندك شخصيته إيه؟ (جدع، مرحة، أنيقة، ولا متهورة؟) ساعتها هتقدر تحدد انتا محتاج انهي نوع
- متجمعش خطوط كتير:
واحد أو اتنين يكفوا عشان متعملش زحمه للعين
BY خربشات بنوتة نكدية 🖤🦋
Share with your friend now:
tgoop.com/BANOTANEKADEA2001/120195