tgoop.com/BBlack_18/87936
Last Update:
الظاهرة دي موجودة في بنات اليومين ديل و تقريباً المشاكل بتزيد و نسب الطلاق بتزيد بسبب النقطة دي.
من غير لف ولا دوران .. في كتير من الزوجات الآن .. السوفت وير بتاعها نازل من غير الفايل بتاع ( طاعة الزوج).
الزوجة دي معترفة أن أي منظومة في الدنيا لازم يكون ليها قائد ... والقائد ده بيتسمع كلامه (طبعاً في ظل أسس مؤسسية معينة) ... ومعترفة أن أي مركب لازم يكون ليها رئيس.. ما عدا البيت .. هي شايفة انها مش لازم تسمع كلام حد وانها ما ينفع تعمل أي حاجة من غير ما تكون مقتنعة .. رغم انها بتسمع كلام مديرها في الشغل عادي حتى لو هي مش مقتنعة لأن ده طبيعي في العمل المؤسسي .. بس زوجها لا.
لدرجة اني كنت بدي محاضرة عن إدارة المشاكل الزوجية .. وكنت بقول ان لو الراجل ومراته إختلفوا على حاجة وهم برا البيت فالتصرف السليم أن الزوجة تحترم رغبة زوجها في اللحظة دي (حتى لو مش مقتنعة) ولما يرجعوا البيت يبقوا يتناقشوا في الموضوع لحد ما يوصلوا لاتفاق مرضي للطرفين .. راحت بنت سألتني (طب ليه انا اللي اسمع كلامه مش هو اللي يسمع كلامي ؟!!)
انا شوفت فيديو لبرنامج المذيعات فيه مصريات .. كانوا مستضيفين ست سورية .. الست السورية بتتكلم أنها اتربت على طاعة الزوج .. يعني بتسمع كلام زوجها وانها لازم تحترمه .. وبتختار الكلام اللي بتقولو احتراماً ليه .. وانها لازم تميزه وهي بتوزع الأكل .. وانها لازم توفر له سبل الراحة لما يرجع من الشغل .. المذيعات كانوا مستغربينها جداً وكانوا هايقوموا ياكلوها 😁
الشريحة دي من الزوجات نشأت لأسباب مختلفة .. منها .. انها ممكن تكون اتربت في بيت الأم هي اللي كانت مسيطرة على البيت .. او لأنها تأثرت بالافكار بتاعت رابطة الاسترونج اندبندنت وومن .. او شعورها بالاستقلال المادي حسسها انها زيها زيه وانه ما ليه عليها حق الطاعة.
واللي ساعد على كده ظهور رجال ضعاف الشخصية فالست بتضطر تاخد مكانه.
البنت دي هتلاقي قاموس اللغة بتاعتها مليان بكلمة ( لأ ... انت مالك ... مش مقتنعة ... أنا مش جاموسة بتسحبها ... انا حرة ... انا كده واذا كان عاجبك ... اشمعنى انت .. الخ)
طبعاً الطاعة دي مش مطلقة وليها مفهوم وضوابط .. وطبعاً ما بنكر أن في رجالة مستبدين .. وانهم بيسيئوا استخدام حق الطاعة .. لكن ده مش معناه اننا نهدم المبدأ من الأساس.
في الحياة الزوجية .. الزوجة واجب عليها الطاعة بالمنطق المؤسسي بالأدلة الشرعية .. زي ما الزوج واجب عليه الرفق والرحمة بمن هم تحته .. أي طرف بيتخلى عن واجباته .. البيت بيحصله خلل رهيب.
انت كشاب مقبل على الزواج لو لقيت البنت اللي بتفكر ترتبط بيها بتنكر طاعة الزوج ومش معترفة بالقصة دي .. أخلع قولاً واحداً.
قال صلى الله عليه وسلم : ألا أخبركم بخير ما يكتنز المرء ؟ المرأة الصالحة ؛ إذا نظر إليها سرته ، وإذا أمرها أطاعته ، وإذا غاب عنها حفظته .. رواه أبو داؤود والحاكم.
BY ☕️ℂ𝔸𝔽𝔽𝔼𝕀ℕ𝔼☕️
Share with your friend now:
tgoop.com/BBlack_18/87936