أنت مثقف💜📚

أنت مثقف💜📚

Photo

بعد تفوز باللوتري حتعمل شنو؟ 🤨
البوست دا للناس الحاليا بيجهزو للتقديم .. عشان أوريك الخطوات الحتحصل لو أن حظك بقا حلو.. "وأمريكا ندهت عليك" .. وقبلوك في اللوتري ..

⭕ 1. الترجمة والتجهيز
أول حاجة حتلم كل ورقة عن حياتك .. بداية من شهادة الميلاد .. شهادات الثانوي والجامعة (دا لو ماكنت من المساكين الجامعتهم قفلت) - قسيمة الزواج (لو ماكنت سنقل بائس) - شهادة ميلاد الأطفال (لو بقيتو تلاتة أخير)
⚠️ وأنبه هنا أن جوازك لازم يكون ساري لمدة أكتر من سنتين (ناس استيكر تجديد لمدة 6 شهور يشوفو ليهم سمبك اخير 😶)

تخيل كل النقة الفاتت دي رقم 1 ☝️ بس ..

⭕ 2. ملء استمارة DS260
دي إستمارة حتتسئل فيها سؤال منكر ونكير .. (عندك فرصة تملاها ان شاء الله خلال 4 شهور)
حتخت فيها كل وسائل التواصل حقتك .. عشان يشوفو بتهبب شنو في التيك توك والفيسبوك بتاعك 😏 (وهل بتتابع ايه افرو مثلا) 😒

⭕ 3. لازم يكون ليك عنوان في امريكا
العنوان دا لارسال Green card و Social security number .. طبعا بما انك من سكان الحاج يوسف والكلاكلة سابقا .. فماحيكون عندك أهل في امريكا .. بس لاتحزن 😌☝️ .. في جهات بتديك عنوان تكتبه (بمقابل طبعا 😒💵)

بعد كدا في الاستمارة تكتب (بيانات الأسرة كاملة .. الوظائف السابقة .. سجل السفر .. شهاداتك الأخدتها .. أسئلة عن الأمن (شاركت في مظاهرات أو غيره) .. أسئلة عن الأمراض (نعرف جسمك دا فيه بلاوي شنو).

⭕ 4. تجهز قروش السفر
ااااي ي حبيبنا .. في قروش .. فاكر حيسوقوك بأكسنت مضلع من بيتكم لأمريكا؟
محتاج كم مليار كدا عشان تسافر لأقرب دولة فيها قنصلية أمريكية وتعمل مقابلة (إنترفيو) .. ويمكن بعد دا يقولو ليك أرجع مابتنفع معانا ..

⚠️ أحب أنبه أن لو الإنجليزي حقك حلو حتعدي .. بس لو إنجليزيك (آي ضز نوط) فساعتها حتحتاج شخص ضامن في أمريكا.

⭕ 5. تتابع لمعرفة موعد المقابلة وتسافر
وإنت مسافر للمعاينة تقوم تدفس في شنطتك الأوراق الآتي ذكرها: (كشف الحساب - فحص خلو من الامراض "لازم من مركز طبي معتمد للسفارة" - ورق فيش وتشبيه - خلو من الخدمة الوطنية "أي والله 🙂☝️")

⭕ 6. ماااابرووووك 🔥 .. حتقابل القنصل
حترندك مع عمك دا بالانجليزي وتوريه لياتو درجة إنك مفيد لامريكا .. وحيسألك كأنك ماشي تتقدم لبته

وترجع تنتظر الرد .. وكن قبلوك تدفع حق التذكرة وتركب أمريكا من أقرب موقف .. وتفتري على أولاد خالتك ..

#صراحة البوست كان الهدف منه أنه أوريك الخطوات مابعد القبول في اللوتري .. بس في واحدة بتقرا البوست ومن نظرة وشها حاسي إني قفلها من الشغلة دي 🙊 ..
بس لا تستسلمي .. وعافري حتى تتجازف ليك وتبقي "إسراء أمريكا" زي خديجة أمريكا ..

#اخيرا .. هذا البوست مكتوب بناء على معلوماتي .. بس أنا ما بشتغل تقديم ولا عندي شغلة بالسيرة دي .. ولا متخصص اجراءات سفر .. أنا ما وليد النرويجي 🙊

#وطبعا حاسي في ناس حيقولو ماقدمنا ولا حنقدم زاتو وعنه ما أخدونا زاتو .. أصلا هذة الأرض لنا .. والوطن ليس فندق تغادره حينما .. الخ

وبعرف في ناس غتيتين حيعملو تاق لأصحابهم العايزين يقدمو في اللوتري عشان يعكرو عليهم مزاجهم 😂 .. عيب عيب 😶☝️ .. أنا ماربيتكم ع الامور دي .. وبس كدا 🚶‍♂️
#بزنس_برنس 😁✌️
#MEM #Mo_Tag #مو_تاج #Man_Of_Theory #رجل_النظرية #بزنس

www.tgoop.com/BBlack_20/74557

366 viewsمحمد الفاضل التوم, Oct 24 at 16:38

بعد تفوز باللوتري حتعمل شنو؟ 🤨
البوست دا للناس الحاليا بيجهزو للتقديم .. عشان أوريك الخطوات الحتحصل لو أن حظك بقا حلو.. "وأمريكا ندهت عليك" .. وقبلوك في اللوتري ..

⭕ 1. الترجمة والتجهيز
أول حاجة حتلم كل ورقة عن حياتك .. بداية من شهادة الميلاد .. شهادات الثانوي والجامعة (دا لو ماكنت من المساكين الجامعتهم قفلت) - قسيمة الزواج (لو ماكنت سنقل بائس) - شهادة ميلاد الأطفال (لو بقيتو تلاتة أخير)
⚠️ وأنبه هنا أن جوازك لازم يكون ساري لمدة أكتر من سنتين (ناس استيكر تجديد لمدة 6 شهور يشوفو ليهم سمبك اخير 😶)

تخيل كل النقة الفاتت دي رقم 1 ☝️ بس ..

⭕ 2. ملء استمارة DS260
دي إستمارة حتتسئل فيها سؤال منكر ونكير .. (عندك فرصة تملاها ان شاء الله خلال 4 شهور)
حتخت فيها كل وسائل التواصل حقتك .. عشان يشوفو بتهبب شنو في التيك توك والفيسبوك بتاعك 😏 (وهل بتتابع ايه افرو مثلا) 😒

⭕ 3. لازم يكون ليك عنوان في امريكا
العنوان دا لارسال Green card و Social security number .. طبعا بما انك من سكان الحاج يوسف والكلاكلة سابقا .. فماحيكون عندك أهل في امريكا .. بس لاتحزن 😌☝️ .. في جهات بتديك عنوان تكتبه (بمقابل طبعا 😒💵)

بعد كدا في الاستمارة تكتب (بيانات الأسرة كاملة .. الوظائف السابقة .. سجل السفر .. شهاداتك الأخدتها .. أسئلة عن الأمن (شاركت في مظاهرات أو غيره) .. أسئلة عن الأمراض (نعرف جسمك دا فيه بلاوي شنو).

⭕ 4. تجهز قروش السفر
ااااي ي حبيبنا .. في قروش .. فاكر حيسوقوك بأكسنت مضلع من بيتكم لأمريكا؟
محتاج كم مليار كدا عشان تسافر لأقرب دولة فيها قنصلية أمريكية وتعمل مقابلة (إنترفيو) .. ويمكن بعد دا يقولو ليك أرجع مابتنفع معانا ..

⚠️ أحب أنبه أن لو الإنجليزي حقك حلو حتعدي .. بس لو إنجليزيك (آي ضز نوط) فساعتها حتحتاج شخص ضامن في أمريكا.

⭕ 5. تتابع لمعرفة موعد المقابلة وتسافر
وإنت مسافر للمعاينة تقوم تدفس في شنطتك الأوراق الآتي ذكرها: (كشف الحساب - فحص خلو من الامراض "لازم من مركز طبي معتمد للسفارة" - ورق فيش وتشبيه - خلو من الخدمة الوطنية "أي والله 🙂☝️")

⭕ 6. ماااابرووووك 🔥 .. حتقابل القنصل
حترندك مع عمك دا بالانجليزي وتوريه لياتو درجة إنك مفيد لامريكا .. وحيسألك كأنك ماشي تتقدم لبته

وترجع تنتظر الرد .. وكن قبلوك تدفع حق التذكرة وتركب أمريكا من أقرب موقف .. وتفتري على أولاد خالتك ..

#صراحة البوست كان الهدف منه أنه أوريك الخطوات مابعد القبول في اللوتري .. بس في واحدة بتقرا البوست ومن نظرة وشها حاسي إني قفلها من الشغلة دي 🙊 ..
بس لا تستسلمي .. وعافري حتى تتجازف ليك وتبقي "إسراء أمريكا" زي خديجة أمريكا ..

#اخيرا .. هذا البوست مكتوب بناء على معلوماتي .. بس أنا ما بشتغل تقديم ولا عندي شغلة بالسيرة دي .. ولا متخصص اجراءات سفر .. أنا ما وليد النرويجي 🙊

#وطبعا حاسي في ناس حيقولو ماقدمنا ولا حنقدم زاتو وعنه ما أخدونا زاتو .. أصلا هذة الأرض لنا .. والوطن ليس فندق تغادره حينما .. الخ

وبعرف في ناس غتيتين حيعملو تاق لأصحابهم العايزين يقدمو في اللوتري عشان يعكرو عليهم مزاجهم 😂 .. عيب عيب 😶☝️ .. أنا ماربيتكم ع الامور دي .. وبس كدا 🚶‍♂️
#بزنس_برنس 😁✌️
#MEM #Mo_Tag #مو_تاج #Man_Of_Theory #رجل_النظرية #بزنس

BY أنت مثقف💜📚