قرنفل🌾

*يعني ايه ASMR ؟*

في نوع كده من الفيديوهات بقى منتشر في الفترة الأخيرة و هي فيديوهات *الاسترخاء عن طريق ASMR..* ببساطة الفيديو بيكون عبارة عن تجربة بتستهدف بعض حواسك عشات تسترخي.. أن مثلا شخص يتكلم بصوت واطي جداً كأنه همس.. او مثلاً يخليك تشوف و تسمع طرقعة الأصابع.. او مثلا تسمع صوت احتكاك سن القلم الرصاص بالورق أو تشوف و تسمع صوت البحر أو تسمع صوت فم حد و هو بياكل .

*طيب الكلام ده فعلاً بيعمل استرخاء ؟*
وفقاً لناس كتير جربوه فأيوه بيعمل استرخاء.. بل إن في بعض الناس اللي عندها قلق *Anxiety* بتستخدمه في حالة ان تكون القلق زايد جداً عندهم.. و كمان بيساعد على النوم في حالة وجود الأرق *Insomnia* .

و من الناحية العلمية ففي بحث اتنشر في مجلة *peer j* و هي مجلة طبية محكمة.. البحث ده كان بيقول إن التقنية دي في الاسترخاء بتساعد على تقليل ضربات القلب و بتخلي الشخص بسهولة جداً يخش في المود بتاع *التأمل* .

هتتفاجئ دلوقتي لما اقولك إن في ناس بقو واخدين النوع ده من الاسترخاء كسلعة و هما مش فاهمين أصلا ايه مبادئ عمله.. يعني لو فتحت اليوتيوب او التيك توك هتلاقي قائمة طويلة عريضة بالقنوات اللي أصحابها بيعملوا ASMR.. و طبعا الموضوع عشان شعبيته الكبيرة فأي حد بيتفرج على الفيديو بيبقى راضي جداً.. و ده اللي مخلي الموضوع لحد دلوقتي محدش بياخده بجدية من ناحية الأبحاث لأن هو كأنه مجرد تريند رغم أنه ممكن يكون مفيد .

في البداية مكانش أصلا اسمه ASMR بل مكانش له اسم أصلا.. لأن أول حد عمل فيديوهات ليه على اليوتيوب كانت قناة اسمها *whispering life* سنة ٢٠٠٩ و من بعدها بسنة بقى في واحدة اسمها *جينيفر ألين* هي اللي سمت الموضوع ده باسم ASMR .

لو هنيجي بقى من ناحية العلاج النفسي فهو قريب شوية من مهارات التهدئة الذاتية في DBT و ممكن نستخدمه كمان في العلاج.. و لكن المشكلة كلها دلوقتي أن كل اللي مش لاقي حاجة يعملها بيقوم يعمل النوع ده من الفيديوهات و لذلك مع الوقت مش هيكون ليه تأثير أصلا .

www.tgoop.com/BH217/85431

306 viewsOct 15 at 22:13

*يعني ايه ASMR ؟*

في نوع كده من الفيديوهات بقى منتشر في الفترة الأخيرة و هي فيديوهات *الاسترخاء عن طريق ASMR..* ببساطة الفيديو بيكون عبارة عن تجربة بتستهدف بعض حواسك عشات تسترخي.. أن مثلا شخص يتكلم بصوت واطي جداً كأنه همس.. او مثلاً يخليك تشوف و تسمع طرقعة الأصابع.. او مثلا تسمع صوت احتكاك سن القلم الرصاص بالورق أو تشوف و تسمع صوت البحر أو تسمع صوت فم حد و هو بياكل .

*طيب الكلام ده فعلاً بيعمل استرخاء ؟*
وفقاً لناس كتير جربوه فأيوه بيعمل استرخاء.. بل إن في بعض الناس اللي عندها قلق *Anxiety* بتستخدمه في حالة ان تكون القلق زايد جداً عندهم.. و كمان بيساعد على النوم في حالة وجود الأرق *Insomnia* .

و من الناحية العلمية ففي بحث اتنشر في مجلة *peer j* و هي مجلة طبية محكمة.. البحث ده كان بيقول إن التقنية دي في الاسترخاء بتساعد على تقليل ضربات القلب و بتخلي الشخص بسهولة جداً يخش في المود بتاع *التأمل* .

هتتفاجئ دلوقتي لما اقولك إن في ناس بقو واخدين النوع ده من الاسترخاء كسلعة و هما مش فاهمين أصلا ايه مبادئ عمله.. يعني لو فتحت اليوتيوب او التيك توك هتلاقي قائمة طويلة عريضة بالقنوات اللي أصحابها بيعملوا ASMR.. و طبعا الموضوع عشان شعبيته الكبيرة فأي حد بيتفرج على الفيديو بيبقى راضي جداً.. و ده اللي مخلي الموضوع لحد دلوقتي محدش بياخده بجدية من ناحية الأبحاث لأن هو كأنه مجرد تريند رغم أنه ممكن يكون مفيد .

في البداية مكانش أصلا اسمه ASMR بل مكانش له اسم أصلا.. لأن أول حد عمل فيديوهات ليه على اليوتيوب كانت قناة اسمها *whispering life* سنة ٢٠٠٩ و من بعدها بسنة بقى في واحدة اسمها *جينيفر ألين* هي اللي سمت الموضوع ده باسم ASMR .

لو هنيجي بقى من ناحية العلاج النفسي فهو قريب شوية من مهارات التهدئة الذاتية في DBT و ممكن نستخدمه كمان في العلاج.. و لكن المشكلة كلها دلوقتي أن كل اللي مش لاقي حاجة يعملها بيقوم يعمل النوع ده من الفيديوهات و لذلك مع الوقت مش هيكون ليه تأثير أصلا .

BY قرنفل🌾