tgoop.com/Daher88/3409
Last Update:
ابوذيات لأستشهاد السيده رقيه ع
ـــــــــــــــــــ ❁ ❁ ❁ ــــــــــــــــــــ
رقيه ع تخاطب الرأس الشريف
عگبك شنهو ظل بالعمر ... وشباگ
ونه المحرومه منك حضن ... وشباگ
عدوك تدري بالطف شخذ ... وشباگ
تراچي وراسك وضحكة رقيه
ـــــــــــــــــــ ❁ ❁ ❁ ــــــــــــــــــــ
رقيه ع تخاطب الرأس الشريف
وتصف مبيتهم في خربة الشام
الحزن من بتنه ظنك راح ... لع بات
معانه ولا حجاب انشال ... لَعباة
البعمري بديهن شفت ... لعبات
وآنه انطوني راسك لعبه ليه
ـــــــــــــــــــ ❁ ❁ ❁ ــــــــــــــــــــ
الحسين ع يقول
رقيه الكبرت بيها ... وناميت
حزينه وتحضن بنحري ... ونامت
عجيبه شلون احاچيها ... ونا ميت
اثاري ارواحنا تسولف سويه
ـــــــــــــــــــ ❁ ❁ ❁ ــــــــــــــــــــ
يزيد عليه اللعنه مخاطبا الحوراء زينب عليها السلام
جبتكم سحل يا زينب .. مُتربين
علامچ عالطشت زينب .. متربين
اظن احساسچ يگلچ .. متر بين
الطشت والموت المتاني رقيه
ـــــــــــــــــــ ❁ ❁ ❁ ــــــــــــــــــــ
ابو سجاد الاسدي
https://www.tgoop.com/Daher88
BY الرادود ظاهر الخيگاني للنشر والتلحين
Share with your friend now:
tgoop.com/Daher88/3409