tgoop.com/DmoaaAlhwraa/13890
Last Update:
قصيده للمشايه
•••❁⊱⊱⊱⊱▨⚜️▧⊰⊰⊰⊰❁•••
لو طريقك موت٠٠٠٠نمشي بي ونفوت
مانعوفك لا وحكَ ضلع البتول
•••❁⊱⊱⊱⊱▨⚜️▧⊰⊰⊰⊰❁•••
باربعينك نمشي وي جابر سوه
نروح نتلكَه العقيله بنينوى
مانعوفك لا وحكَ راعي اللوه
لاوحكَ عباس٠٠٠لكَطعت الانفاس
صرخه للتاريخ كل احنه نكَول
مانعوفك لا وحكَ ضلع البتول
ام علي البابلي
•••❁⊱⊱⊱⊱▨⚜️▧⊰⊰⊰⊰❁•••
كبار كلهه اتحزمت ويه الزغار
تصيح لبيك وتنادي بهل شعار
يالثار الله من يطلب الثار
هتف عالي الصوت٠٠نستمر للموت
ونبقه انصارك يبن فحل الفحول
ما نعوفك لا وحك ضلع البتول
ام علي البابلي
•••❁⊱⊱⊱⊱▨⚜️▧⊰⊰⊰⊰❁•••
مانعوفك لاوحك ام الحجاب
انت ياحسين التنجي من العذاب
ألك وسط كلوبنه حركَه ومصاب
جمرتك بالروح٠٠٠٠يا دوه المجروح
بوصفك تحيرت اصحاب العقول
مانعوفك لا وحك ضلع البتول
ام مرتضى الخفاجيه
•••❁⊱⊱⊱⊱▨⚜️▧⊰⊰⊰⊰❁•••
نبقى انصارك يبن عقد الوله
واليخدمك انت لا متذلله
صوت كل شيعة علي بسمك عله
عالنهج ماشين ،،، يا نسل ياسين
ما يهمنه اشما حجه عنه العذول
مانعوفك لا وحك ضلع البتول
✍ام سجاد العسكري
•••❁⊱⊱⊱⊱▨⚜️▧⊰⊰⊰⊰❁•••
انت منهاج الشرف والشرفاء
انت معنى التضحيه ومعنى الوفاء
انت عنوان الصدق والكبرياء
تنذبح عطشان ٠٠٠مسلب وعريان
والعواري بصدرك الطاهر تجول
مانعوفك لا وحك ضلع البتول
ام مرتضى الخفاجيه
•••❁⊱⊱⊱⊱▨⚜️▧⊰⊰⊰⊰❁•••
وحگ ذاك الصدر يبن الطاهره
ما نعوفك احنه دنيه واخره
ندري احبابك اوياك امقصره
جينه ندمانين ،،، نهمل العينين
لجن هم تخلص الشده وهم تزول
مانعوفك لا وحك ضلع البتول
ام سجاد العسكري
•••❁⊱⊱⊱⊱▨⚜️▧⊰⊰⊰⊰❁•••
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/13890