tgoop.com/DmoaaAlhwraa/13936
Last Update:
قصيدة لخادمة الإمام الحسين "عليه السلام" ام مزهر رحمها الله. واسكنها فسيح جناته
ــــــــــــــــــــــــــــــــــــــــــــــ
حن الچ درب الحسيـــن
وكثر علــــيچ النـــــشد
وينـــــها ام مزهر يگول
عجب مامـــــــرت بعـد
ــــــــــــــــــــــــــــــــــ
چنت اشتمه عطــــــرها بكربلاء
بيها ريحة عفه واحجاب وحياء
ولو تسولف كلها چلــــــمتها ولاء
تڪول طوعه عدها حـــنيه واباء
ماسمعت الصوت ليش مو نطت زينب وعد
وينها ام مزهر يگول عجب مامرت بعد
ام عــ✍🏻ــلي البابلي
ــــــــــــــــــــــــــــــ
دام زينب تمشي انه امشي تكول
والدرب كله تون لبن البتول
عدت التسعين غاطيها النحول
وبعشكها احتارت ارباب العقول
خلت الدمعات ذكرى الكل محب عنها نشد
وينها ام مزهر يكول عجب ما مرت بعد
متيـــــ✍🏻ـــــــمة العقيله
ــــــــــــــــــــــــــــــــ
دموعنه تهمل الشخصج فاقدين
مسجله خطواتج بدرب الحسين
وحشه الج گربت يوم الاربعين
نهدي الج خطوات ونعلي الونين
كل سنه تواسي العقيله شلون خلته نسد
وينها ام مزهر يگول عجب مامرت بعد
ام وليـــ✍️ــــــد الموسوي
ــــــــــــــــــــــــــــــ
كل سنه اجدامچ يواسي الفاجدات
خطوه خطوه امسجله بدرب الابات
دمـعتـچ لحـســيـن تـجـري للـمـمات
للاضـــلاع وللــشــفــاه الــذابــلات
نعم عقبى الدار ردتي وربچ انطاچ السعد
ام ســ✍ــجاد العسكري
ـــــــــــــــــــــــــــــ
مثل ام مزهر اريد الزايره
بعفة الزهراء تمشي مخدره
لا حسن زايل يغرها ومنظره
تحصد الارضاء دنيه وآخره
وحسبي حسابج يبنتي المهدي بدربج گعد
وينها ام مزهر يگول
عجب مامرت بعد
✍🏻العلوية أم منتظر جمال الدين
ـــــــــــــــــــــــــ
عجب مامرت هذيج الخادمة
الساعدت زينب اوياها لاطمه
وعل جبين اوسام صار الها الدمه
بكل مواكب اثر بصمة راسمه
وياها فاطمة البتول تمشي والها سند
✍️زينب الواسطية
ـــــــــــــــــــــــــــــــــــــــــــــ
تمت وبعون الله تعالى باقلام
ام عــــــــــــــــــــــــلي البابلي
متـــــــــــــــــــــــــيمة العقيله
ام ولــــــــــــــــــــيد الموسوي
ام ســـــــــــــــــــجاد العسكري
العـــــــــــــــــــــلويه ام منتظر
زيـــــــــــــــــــــــــــــــنب خضر
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/13936