tgoop.com/DmoaaAlhwraa/16300
Last Update:
قصيده لسان حال ابا عبد الله الحسين ع
بيوم الاربعين عند رجوع السيده زينب ع
ــــــــــــــــــــــــــــــــــــــــــــــــــــــ
ياهلا بجـــــية عزيزة فاطمـه
ياهلا بلبوة علي حامي الحمه
.....ــــــــــــــــــــــــــــــــــــــــــــــــــ
خويه كواج الله يا نبض الكلب
من مشيتي وعيني تربي اعله الدرب
متاني جيتج عسن لامرچ تعب
نحمد الله وعسن روحج ســـــــالمه
ــــــــــــــــــــــــــــــــــــــــــــــــ
كلبي فرفح يالعقيله استقبلچ
عني طالت غيبتچ مشتاگ الچ
ليش متغيره يسر هيبة هلچ
وليش بالهم يالعزيزه مــــــــحزمه
.......ــــــــــــــــــــــــــــــــــــــــــــــ
خويه وي عطرج يهب نار وجمر
وجاي الي مجروح يالحره الخدر
سولفيلي شسوه بيكم هالسفر
وشنهو شفتي من الجيوش الظالمه
متــــــــــ✍🏻ـــــــــيمة العقيلة
.ـــــــــــــــــــــــــــــــــــ
چني حسيت بجرح وسط الدليل
ودمعچ الطاهر يبت حيدر يسيل
گولي يختي منهو بيكم ضل يعيل
وادري بيچ اعله الدلال معلمه
ـــــــــــــــــــــــــــــــــــــــ
سامحيني لو حبل حز الچفوف
وجرحچ الينزف المايرهمله روف
خاف صابچ من ظلام الليل خوف
والمتون من السياط مورمه
ــــــــــــــــــــــــــــــــــــــــــــــــــــــ
انه اعرفچ ترفه بچفوفچ ورد.
ويكسر الخـــاطر احسنه البعد
اعليچ زينب بالصبر هـــذا وعد
باچر هناك الجزاء بالمحكمه
ام عـــ✍🏻ــــلي البابلي
ــــــــــــــــــــــــــــــــــــــ
تمت وبعون الله تعالى باقلام
مــــــــــ✍🏻ــــــتيمة العقيله
ام عـــ✍🏻ـــــلي البابلي
لانجيز شرعا حذف الاسماء،،،
نسالكم الدعاء
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/16300