tgoop.com/DmoaaAlhwraa/16319
Last Update:
قصيدة كإني بلسان حال مولاتنا زينب "عليها السلام"
*كضنّي ايام الونيين*
*امشينه عمه لحسين*
اشچي الحال عنده
واشوفن شنهي رده
يرضه بالمتن خلو نياشين
«»«»»»«»
عرج يبو الباقر وامشي بينه
لفحول الرساله ولد ابينه
افرغ ضيمي والسادي علينه
واگلهم يانجس ورم ادينه
احط وفرش شليلي
لابن امي وخليلي
اگله بعازتك ياخلفة الزين
ام حسين المحمداويه
ــــــــــــــــــــــــــــــــــــــــــــ
امشينه لوالدك نشكيله الآلام
واراويه بالمتن آثار الاورام
واحچيله السده بوليه الظلام
واگله عزيزتك مدفونة بالشام
ماتت من ضربهم
ومن قسوة گلبهم
تلهج باسمك وماتت يالحنين
✍🏻العلوية أم منتظر جمال الدين
ــــــــــــــــــــــــــــــــــــــــــــ
اريد اگعد واسولفله على الصار
الزمن بام الخدر يابو علي جار
دفنــــه ازغارنه و طشرنه طشار
وبكل ديره حادي الضعن من دار
خوله وي رقيه
ومحد ضل اليه
گوم وياي ياصدر الدواوين
ام علي البابلي
ــــــــــــــــــــــــــــــــــــــــــــ
عـمـه ياعلي رد بـيـنـه يمه
ريـحـة امـي بيه وارد اشمه
وابچيله لحد ماعيني تعمه
واشوفنه ندي لو نشف دمه
وشكي عنده الهموم
بلكي ايفزلـي ويگوم
انسه اشصارلي لو فتش العين
خادمة آل البيت
ــــــــــــــــــــــــــــــــــــــــــــ
اريد اشكي الأخوي المر عليه
واگل الصوط ذبل چف ادیه
واسولف قصتی من الغاضریه
من اهد عباس حمای الحمیه
حال الضيم حالي
ولاوالي البـــــقالي
ودانی عدوکم وين ما وین
خادمة اهل البيت عليهم السلام العلويه ام سيد مهدي الموسوي
ــــــــــــــــــــــــــــــــــــــــــــ
وداني عدوي ابعيده الدروب
راسك من نظره گلبي ايذوب
يقره آيات يحرسنه اومهيوب
سهرانه الليالي ودمعي مسچوب
عالخد دمعي ايسيل
اجيتك راگده الحيل
مسبيه اجت بنت السلاطين
*الحاجه ام احـــ✍ـــمد الحچامي*
ــــــــــــــــــــــــــــــــــــــــــــ
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ/8/صفر 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/16319