tgoop.com/DmoaaAlhwraa/16360
Last Update:
مربعه بهوسات للرجوع الى الدار﷽
ـــــــــــــــــــــ
ردت للمدينه اخت الحسين
تجر وناتها وبس تهمل العين
ــــــــــــــــــــــــــــــــ
ردت للمـــــــــدينه والگلــــــب نار
تجر وناتـــــــــها وتنـا شد الدار
مامـرو هلـــــــي يادار خـــــــطار
هد حيلي شوفج يادار))
ــــــــــــــــــــــــــــــــــــــــ.
مااجولج هــــــــــلي يادار اهلنه
حيطانج بقــــــت تــجـــــهر الونه
لاعباس اخــــــــــيي نـــــشد عنه
حزنانه متروسه اهموم))
ـــــــــــــــــــــــــــــــــــ
خلينـــــه نتــــــــــــگابل انه وياج
زيدي النوح خل ابجي اعله مبجاج
هاظمني الوكت عالراح خلاج
مهمومه غاطيج اتراب)
ــــــــــــــــــــــــــــــــ
راحو كل هلي ورديت وحدي
اعاتب بالدهر ايدي اعله خدي
محتاره شــگول بياهو ابدي
كفالي لو شيخ العيله))
ـــــــــــــــــــــــــــــــــــــ
نامت بالترب ذيج الشوارب
وگلبي اعله المشو يادار ذايب
من زغري شفت بس النوايب
واحزاني متربيه وياي))
ــــــــــــــــــــــــــــــــــ
عمت عيني عليهــــم زلم وحيود
ابو الاكبر يويلي وصاحب الجود
والنام بترب يادار مـــــــــيعود
شيعوده الضل بترابه
ـــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/16360