tgoop.com/DmoaaAlhwraa/16385
Last Update:
قصيده للظهور
الوزن مجرشه
الطور يخيمات
ــــــــــــــــــــــــــ
يموعود،،،
يمته اتهل علينه هنا يموعود
واجروح الگلب للشيعي تهود
وينزعها بعد اهدومه الســـود
نحسب ايام شگد نعد هلبت يجي ولينه
هالجمعه نقره وننتظر ع الموعد امتانينه
يلشوفته فرحة عمر تجلي اهموم البينه
يعود الفرح يلمنتظر من طلــــــتك علينه
والدموع،،،، تجففها بعد بيديك الدموع
والشموع نعلگها يوالي لجيتك اشموع
يموجوع،،،تاخذ ثارك وتشفي يموجوع
ام عـــ✍🏻ـــلي البابلي
ــــــــــــ««🤲🏻» ـــــــــــــ
تشفي الجرح من طلعتك كلنه بحزن ننتظره
ثارات مرهونه الك نحسب الثار الزهره
وبكربله دم السبط مانشف ينزف نحره
اظهر وضمدله الجرح ماشرب جدك قطره
والغياب ، نحسبله يبو صالح الغياب
والاسباب يمك تنعرف مولاي الاسباب
والحجاب عله ساعه الفرج ينزاح الحجاب
ام وليـــ✍️ــــد الموسوي
ــــــــــــ««🤲🏻» ـــــــــــــ
يضمد الجرح يبن الحسن ينزف بقى لظهوره
يتشفه گلب الزاجيه ويدخل عليها اسروره
يدريها مجروحة گلب و اضلاعها مكسوره
ينور الكون بطلعته يهل علينه بنوره
والايام،،،، ترجع للمحب بوجوده الايام
والاصنام،،، يقضي اعليها المهدي الاصنام
والاحلام تتحق بجيته كلها الاحلام
ام عـــــ✍🏻ــــلي البابلي
ــــــــــــ««🤲🏻» ـــــــــــــ
صارت حلم نغفه ونفز صحنه الوعد جاوينه
كلما تمر جمعه نشم عطرك تره يصحينه
باب الوجاهه بجيتك ندبنه بعجل مهدينه
الساعه انت والوحى ختمات الك سوينه
يموعود..بحر الجمر تانينه يموعود
بالخدود.. دمعات الحزن نشيان الخدود
والوعود...يوميه بوعد كلتلتنه الوعود
ام وليـــــ✍️ــــد الموسوي
ــــــــــــ««🤲🏻» ـــــــــــــ
ندريك توفي بالوعد نحسب اليوم بساعه
ونخاف لو جانه الاجل وارواحنه طماعه
تريد منك تلتقي وليك الامر والطاعه
ونشوف موعد جيتك وترد السبط واضلاعه
والسنين ترجع كلها للحره السنين
عناوين تبنيها البقيع تحط عناوين
الميامين منارات وقبب ليها الميامين
ام عــــ✍🏻ــــلي البابلي
ــــــــــــ««🤲🏻» ـــــــــــــ
تمت وبعون الله ورسوله
باقلام كل من الشاعرات
ام عــــ✍🏻ـــــلي البابلي
ام وليــــ✍🏻ـد الموسوي
نسال الله الفرج القريب بحق محمد وال محمد،،،،، نسالكم الدعاء
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/16385