tgoop.com/DmoaaAlhwraa/16474
Last Update:
تجليبه لمولاتنا الزهراء ع
..............................
عين الـي تهل للـزهره مأجـوره
ضلعها منكسر والروح مكسوره
..............................
خـل دمـعـك يـهـل ويـنـگـع اثيابك
شـنهي موقـفـك لـو يحتـرگ بابك
بعده مانشف دمعك على احبابك
ودم طفلك يفيض ويترس اعتابك
وكـثـر مـر بـعـد وتـخيـل الـصوره
بقلم خادمة آل البيت ع
..............................
اتخيل وظعها وشوف حالتها
وزينب تنتحب شمت عبايتها
تجري دمومها مخفيه ونتها
خل دمعك يصب ون المصيبتها
غمضت عينها والدار مهجوره
ام ✍️حسين الحسني
..............................
نکسر ضلع ام حسن والعین تجری ادموع
مکسورة قلب راحت يويلي اتلوع
على فراگ الاحباب الحیل شوا موجوع
حگها چف اديها بالدعا مرفوع
والنیران بالدلال مسجوره
خادمة اهل البيت عليهم السلام العلويه ام سيد مهدي الموسوي
..............................
مكسورة ضلع والسطره فوگ الخد
وشافت ضيم ويلي ام الحسين اشگد
محسن طاح يم باب الاسى توسد
وبروح العقيلة النايبة تشتد
زغيرة ام الحزن باللوعه مقهورة
مريم العبوديه اسيرة الاحزان 💔
..............................
زغيره وبالعمر ماشافت الراحه
ينزف ضل كلبها دوم بجراحه
تخلص اليل كله تو ن وصباحه
عكب عين النبي بالزمره مغدوره
✍️ام احمد الهاشمي
..............................
عگب عين النبي بانت حقيقتهم
بالشر والـــــغدر عقدوا سقيفتهم
على اعتاب الوصي كتبو روايتهم
وهمه من زمن مكشوفه غايتهم
وكل واحد المنهم مثل بدوره
ام عـ✍🏻ـلي البابلي
..............................
مغدوره ام حسن مـن زمـرة الظلام
يتبعون النبي بس همه موش اسلام
جــازوا بــضـعـتــه بالـغـصـه والالآم
حسافه بـت محمد ياخـلـگ تنضام
ولاجلها ربـكـم امـشيـد المعموره
خادمة آل البيت ع
..............................
..............................
(( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ 1446هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/16474