tgoop.com/DmoaaAlhwraa/16508
Last Update:
مولود للسيدة زينب "عليها السلام"
وحــق لِــحجاب والـشيلة وعَلمها
مـــنّ الــبـاري مــو كـسـبي عِلمها
عفيفة وطاهرة وطلعت علـَ أُمها
بحــشمــتها وسـترهـا الهاشمية
🎀🎂🎀🎂🎀🎂🎀🎂🎀🎂🎀🎂
هــلا بجيـتچ هــلا يــا لبــوة الشام
الچ اهدي الحروف امسگمة اسگام
فرحان الگمر
بميلاد الطهر
مُـــبارك كــل سنة نهنيچ كــل عام
ــــــــــــــــــــــــ 🕊️ــــــــــــــــــــــــ
نهني ابمولدچ عباس وحسين
يا اجمل ورد حــــلّى البساتين
سيدة العفاف اويا أصل دين
نجدد هالفرح للدوم باقين
خادم وافتخر
بميلاد الطهر
مُـــبارك كــل سنة نهنيچ كــل عام
زيــ✍🏻ـنـب الـواسطي
ــــــــــــــــــــــــ 🕊️ــــــــــــــــــــــــ
خادم واكتب بمولدج اشعار
نورج بالمهد من الله اسرار
نزلت هاالملك للوصي خطار
مبارك يا علي يا حامي الجار
نكتبلج شعر
بميلاد الطهر
مُـــبارك كــل سنة نهنيچ كــل عام
ام. وليــــ✍🏻ــــد الموسوي
ــــــــــــــــــــــــ 🕊️ــــــــــــــــــــــــ
نزل نورچ يهل شعت الگمره
نبارك مــــــولدچ يااحلى دره
يلموصوفه مـــثل امچ الزهره
حضرنه محفلچ نهتف و نقره
عين امج تقر
بميلاد الطهر
مبارك كل سنه نهنيچ كل عام
ام عـــــ✍🏻ـــــلي البابلي
ــــــــــــــــــــــــ 🕊️ــــــــــــــــــــــــ
نقـــره بالــحفل ونــعلي الافراح
كــل حـرف الـنكتبه الــچ مدّاح
ورده والچ نــهـــدي ورد قــدّاح
صلوا اعله النبي حتى الملك صاح
حيا ام الخدر
بميــــلاد الطهر
مُـــبارك كــل سنة نهنيچ كــل عام
زيــ✍🏻ـنـب الـواسطي
ــــــــــــــــــــــــ 🕊️ــــــــــــــــــــــــ
نحيي الطاهره المولوده زينب
قليل بحقها النقراه ونكتب
اسمج من عرش ربنه تنصب
الزينب ننتمي وصارت المذهب
قدوتنه وستر
ميلاد الطهر
مبارك. كل سنه نهنيج كل عام
ام وليــــ✍🏻ــــد الموسوي
ــــــــــــــــــــــــ 🕊️ــــــــــــــــــــــــ
قدوه النه وفخر بت الامــامه
كل من عشگ هالحـره علامه
مبين لو وصفـــــــها بكل هيامه
تلكاه لو حچه يحچي بكرامه
يحجي بكل فخر
بميلاد الطهر
مبارك كل سنه نهنيج كل عام
ام عــــــ✍🏻ــــــــلي البابلي
ــــــــــــــــــــــــ 🕊️ــــــــــــــــــــــــ
تمت وبعون الله تعالى باقلام
زينـــــــــب الواسطي
ام ولـــــــيد الموسوي
ام عــــــــــــلي البابلي
لانجيز شرعا حذف الاسماء،،،
نسالكم الدعاء،،،
بتاريخ 4 جمادي الاول
https://www.tgoop.com/DmoaaAlhwraa
BY دموع الحوراء
Share with your friend now:
tgoop.com/DmoaaAlhwraa/16508