tgoop.com/DoaaAIamry11/10069
Last Update:
#محرم1441هـ #2019م
★•• نعي لفاطمة العليلة "ع" ••★
#يقرأ_بـ { طور الجفيري } { حدي سريع } { يم الولد راح الولد }
يلي نويتوا اعله السفر
أبقى لدربكم انتظر
بلكي يجي منكم خبر
ويرد لهفتي والحنين
جمرتي تبرد يا هلي
لمن يصل ردكم ألي
كل همي والله ينجلي
وينقشع مني كل أنين
شوفت خبركم لو وصل
منكم يطيبين الأصل
ينسيني كلشي اللي حصل
لن گلبي بجفاكم حزين
گلبي لبُعِدكم منهضم
ما يحمل افراگ وألم
عن عيني غبتوا بلا علم
رحتوا وبعدتوا مدري وين
*——————••••••••••——————*
#يقرأ { نعي شعبي } أي كافة أطوار النعي الشعبي
مشيتوا ياهلي ودم هلت العين
من هذا السفر شب بية نارين
نار فراگكم راوتني البين
ونار لغربتي وانطي الوجه وين
عالباب انة اناطر واسأل الجاي
مشدوهة الفكر ومدوهنة الراي
لا ليل انة انامه وزايد ابچاي
عفتوني وحيدة ومالي حماي
تمنيت بضعنكم يالرحلتوا
طير يرفرف وينظر صوركم
بجناحي أغطيكم و افيي
عن حر الشمس مايوصل الكم
*——————••••••••••——————*
رحلتوا للغرب يهلي وبعدتوا
وظلمة دياركم لمن رحلتوا
تسايلني عليكم .. يهل غايب حچيكم
مريضة ورايدة وينه اليباري
گمت اتلفت ايمني و يساري
وانة دياري خلية .. عگب أهل الحمية
بُعدكم زّيد الهم والآذية
شفت بغيابكم والله المنية
صغيرة ومحمل فراگ .. نار بگلبي حراگ
عّلي لا من خبر جاني بغربكم
يهل دمعي صفى دوم بدربكم
يغيابي بطيتوا .. علية ما أجيتوا
تــمــت بــعــون اللـہ
29/7/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
*——————••••••••••——————*
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10069