tgoop.com/DoaaAIamry11/10094
Last Update:
#محرم1441هـ #2019م
★•• نعي بحق أباالفضل العباس ع ••★
«» طور الفراق «»
يابو فاضل.. گوم يا راعي الشهامه
يابو فاضل.. ريتك تردلي بسلامه
يابو فاضل.. وانتظر منك علامه
أبقى اناطر.. وبأمل ترجع وانظرك
أبقى اناطر.. وبيدك الماي اعلة مهرك
أبقى اناطر.. بية وشصار ارد اخبرك
حلمي ترجع.. بية وتردني لوطَنَّه
حلمي ترجع.. گوم يالكلك محنه
حلمي ترجع.. تمشي ويانة ابضَعَنَّه
*——————••••••••••——————*
«» طور سامحيني «»
خوية .. خوية
لا تخليني وحيدة بديرة غربه
خوية .. خوية
صعبة متحمل بدونك والله صعبه
خوية .. خوية
ردلي واترك خوية من ايدك الجربه
خوية .. خوية
الماي ما ردته بعد لا اريد اشربه
*——————••••••••••——————*
«» طور الشيخ حسن العالي «»
*ياللي اعلة النهر نايم*
كفيلي انهض لي حاچيني
وامسح دمعتي بعيني
وحيدة لا تخليني
دير العين الي .. يا ضنوة علي
سهمك بالجفن نابت
واختك بيه لنصابت
روحي بشوفتك ذابت
منيتي أنة كون .. يحماي الضعون
بدونك ما ألي والي
أگعد عاين لحالي
علية الضيم متوالي
أديرن ع الحرم .. وانظرك ع السهم
عگبك خوية يسبوني
على الهّزَّل يصعدوني
وعليك تناطر عيوني
تهمل دمعتي .. و اجر بحسرتي
تــمــت بــعــون اللـہ
24/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
*——————••••••••••——————*
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10094