tgoop.com/DoaaAIamry11/10131
Last Update:
#محرم1441هـ #2019م
★•• نعي بحق الرضيع ع ••★
(كأني بلسان حال والده أبي عبدالله ع)
رضيع وماشرب من قطرة الماي
نبلة حرملة چن گطعت احشاي
من صابت رضيعي..بي زادو فجيعي
نشف ريگه يويلي هالزغيرون
حملته وخذته بلكيهم يحنون
لا من رحمة رحموه..بيدي وسهم صابوه
چن طير انذبح وبأيدي رفرف
فتح الگماط لمن موته أشرف
شبگني والدما يسيل..آه شگد شفت ويل
-----------------✹✹✹✹✹-----------------
*يُقرأ* ⬇️
°° الحدي الركباني °°
°° طور التخميس °°
°° الفائزي القطيفي °°
°° الفائزي البحراني العراقي °°
[كأني بلسان حال والدته عندما تنظر إلى مهده تجده خاليا ماذا تقول]
يوليدي جيت اعله المهد والگيته خالي
رد لي ييمة بغيبتك دوهنت حالي
حضني يريدك يالولد يبني يغالي
يا ما اسهرت وياك انة طول الليالي
مهدك أهزه يالولد عبد الله اناديك
صوتك يجيني واسمعه لمن أناغيك
غابت علية بسمتك يبني وبواچيك
ظليت اعيش اعله الأمل ترجعلي أتانيك
-----------------✹✹✹✹✹-----------------
*يُقرأ* ⬇️
°° طور الجفيري °°
°° الحدي السريع °°
°° يم الولد راح الولد °°
خالي المهد من الولد
صوته عّلي غاب وخمد
چنت احلم يكون السند
خلوني وسفة بحسرته…
ناري المصابه ما تهيد
راح ارتحل عنه بعيد
بالغصب وي زمرة يزيد
حرموني حتى شوفته…
يوليدي يا ريع الگلب
بالگلب نيرانه لهب
فگده عليه شگد صعب
من عندي غابت صرخته...
ردت بوداعه اقبله
للحومه لمن أوصله
وقطرة اميه ابلله
وانظرها آخر صورته...
تــمــت بــعــون اللـہ
25/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
-----------------✹✹✹✹✹-----------------
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10131