tgoop.com/DoaaAIamry11/10137
Last Update:
#محرم1441هـ #2019م
★•• لطمية للأمام الحسين "ع" ••★
#تقرأ_بلحن ( يايوم اشوف اعتابك ) وبألحان أخرى
وقعنة بالدم يحسين
دوم احنة لك متعهدين
عهد وتوقع بدمانة .. عهد وتوقع
منغيره الحد البين
بولايتك متمسكين
عهد وتوقع بدمانة .. عهد وتوقع
ثابت عهدنه .. يالغالي عدنه
----------------------------------------
محبتك سيدي نبتة انبتت بينه
ويظل حبك رغم كل اليعادينه
تطيب جروح أذا صحنة يوالينه
يم بابك نجي وتسمع شكاوينه
ميظل أبد كل مهموم
لو نادى آه يا مظلوم
تكشف كربته وتعينه .. تكشف كربته
لو جاك دمعه مسچوم
تبرد لهفته من ايگوم
تكشف كربته وتعينه .. تكشف كربته
تحضر شددنه .. يالغالي عدنه
✾❁✾_______✾❁✾_______✾❁✾
ولو صعبت علينة وكثرت الأهوال
تهّد كل الشدايد لو تصير اجبال
بس نندب يمظلوم الطف بهالحال
تطَيب خاطر الينخى وتصفي البال
لو صحنة يابو السجاد
منك نريد احنة مراد
متردنة حاشه لا والله .. متردنة حاشه
يابو الكرم وابن اجواد
بالشدة ملجأ العباد
متردنة حاشه لا والله .. متردنة حاشه
أنته ضمدنه .. يالغالي عدنه
✾❁✾_______✾❁✾_______✾❁✾
فاز اللي مشى بدربك تمسك بيك
خسر كلمن هوى ولاگال انة مواليك
لا يأمل شفاعة بيوم اليناديك
يجيك أسود وجه بالمحشر يلاگيك
جنة بمحبتك نشعر
تحضرنة يوم المحشر
لا شك تجينة بهالساعة .. لا شك تجينة
كل ذنب عدنة تغفر
وبشوفك گلوب اتسر
لا شك تجينة بهالساعة .. لا شك تجينة
تصبح عَمدنه .. يالغالي عدنه
✾❁✾_______✾❁✾_______✾❁✾
عهد مكتوب حد الموت علينة دين
نظل طول العمر بيك احنة متولعين
نضحي ارواح الك نفدي لك العينين
يمولانـة ومحبتك جنة متيقنين
جننت كل هالأحرار
أي والله يبن الكرار
جون اويه عابس صرنة احنة .. جون اويه عابس
بيك العقل ظل محتار
يا نجم وابن الأقمار
جون اويه عابس صرنة احنة .. جون اويه عابس
باسمك نشدنه .. يالغالي عدنه
✾❁✾_______✾❁✾_______✾❁✾
نظل باسمك نردد والصدى نرفع
نغيض بهالذكر لاعدانه خل تسمع
على دربك نسير وعنه ما نرجع
نواليك ونخلي الما قنع يقنع
نعلو بخدمتك يحسين
لو قطرة نزلت من عين
ألنة الشفاعة تتسجل .. ألنة الشفاعة
نفخر فخر متشيعين
ماعدنة شك بهالدين
ألنة الشفاعة تتسجل .. ألنة الشفاعة
منَك مددنه .. يالغالي عدنه
تــمــت بــعــون اللـہ
14/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✾❁✾_______✾❁✾_______✾❁✾
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10137