tgoop.com/DoaaAIamry11/10139
Last Update:
#محرم1441هـ #2019م
★•• نعي اليوم العاشر ••★
*يُقرأ* ⬇️
‹‹•›› طور التغريد الحزين ‹‹•››
‹‹•›› طور لفى عاشور ‹‹•››
‹‹•›› ياجبريل نترجاك (عبدالحي قمبر) ‹‹•››
{كأني بلسان حال مولاتنا العقيلة عِندما قُتِلوا أخوتها في العاشر تندب قائلة}
حرت مابين اخوي حسين..واعاين ع التكفلني
وحيدة وتسعر النيران..والهم من يوصلني
فگدهم والله ياهالناس..حزن وهموم كملني
أشوفنهم على التربان
وگلبي يستعر نيران
أصيحن ويلي يالخوان
گعدوا عاينوا لحالي..مو حتى الصبر ملني
صفيت بحيرة ويه اطفال..واجمع بالحرم يمي
العده حاطونة من كل صوب..صفت نشابة بخيَمّي
شمر صوته اعتله اعلية..شتمني والدمع يهمي
أنة بت حيدره گتله
وراسي عالي ماانزله
صحت هيهات هالذله
أظل أنة جبل شامخ..وفخر لو ينذكر أسمي
∞≈≈≈≈≈≈∞∞≈≈≈≈≈≈∞∞≈≈≈≈≈≈∞
‹‹•›› نعي شعبي ‹‹•››
*يُقرأ* نصاري وگرناوي وعاشوري ومُلائي وجنوبي وعكراوي وغيرها…
كفيلي راح من ايدي والحسين
بقيت لوَّحدي وين التجي وين
جثث ظلوا على الغبرة الميامين
وترض اجسادهم خيل الملاعين
الكفيل اعلة النهر فطر دليلي
من شفته اعتله نوحي وعويلي
منظر بيش أوصفه الهد لي حيلي
صعب كلش صعب ويلي يويلي
هموم انة احملت بفراگ الاحباب
انهدم حيلي أنة من عظم المصاب
مصايب كربله منها الگلب ذاب
ما تكفي السوالف عنها بكتاب
شسولف ياخلگ من ابتدي احتار
لا رحموا شباب ولا من اصغار
لو أحچي واگلكم عالسده وصار
تذوب گلوبكم تستعر كـ النار
تــمــت بــعــون اللـہ
25/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
∞≈≈≈≈≈≈∞∞≈≈≈≈≈≈∞∞≈≈≈≈≈≈∞
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/10139