tgoop.com/DoaaAIamry11/18996
Last Update:
#محرم1443هـ #2021م
★•• لطمية لـ أول محرم ••★
كل عام الحزن يتجدد بشهرك
مجالس ترتعد يالمنذبح نحرك
آه يحسين ومصابه..
گلب كل شيعي عطابه..
تظل تسعر ولاتطفى أبد جمرك
..........................................
ابتدت حسرتنة للمأتم يبو اليمه
وعطرك بالمجالس سيدي انشمه
أخذنة الشوگ الك جينالك ابهمه
نواسي امك تجيب اردائك بدمه
تجينة بحالة مذعورة..
بوجنها الدمعة مهدورة..
ألمها يشرح جراح وعظم صبرك
❉━━━━❰･❉･❱━━━━❉
يتجدد صدى العالم الك يحسين
للمجلس تجيك ابلهفة لمعزين
خدامك تعلي الصوت الك ناعين
تلطم ع الصدر وتهل دموع العين
واملاك السما تنزل..
على الحاضر تجي اتظلل..
تسجل هالمجالس وتجيلك اتخبرك
❉━━━━❰･❉･❱━━━━❉
مصابك عايش ويانة ويحز بالروح
محرم من يهل يفتح علينة جروح
نحر دامي نذكره وبي حلم مذبوح
وصوت من العقيلة نستمع مبحوح
غصص هذا الشهر وآلام..
ترف راية حزن واعلام..
ولآخر نفس بينا يظل ياسيدي ذكرك
❉━━━━❰･❉･❱━━━━❉
نار البينا مولانا تظل للدوم
عليك ازغير وچبير اليظل مهموم
عاشورك ننطره انعد نظل كل يوم
ولايهيد الگلب ينزف يظل مالوم
نعيش الحالة والموقف..
لَوّن نحچي فلا نوصف..
شهرك لو أجانة بي نسم عطرك
❉━━━━❰･❉･❱━━━━❉
اليجيلك معتني وهمه عليك اجبال
يريت ايگلك ابطفك صرت أوصال
يطلب حاجته ابدمعة ويگول الحال
حتماً من يرد بيته بأيدينة اينال
تكرمه اللي يمد چفين..
عزائك بي تقر كل عين..
محد للكسر يجبر فقط جبرك
تــمــت بــعــون اللـہ
4/7/2021
✍🏻#ولائـية_وافتـخر (دعاء العـامـري)
❌لاأجيــز حــذف الأســم❌
❉━━━━❰･❉･❱━━━━❉
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/18996