♢الُشِاْعرَةِ وَلُائـيَةِ وَافَتْـٌخرَ♢@DoaaAIamry11 P.25775

♢الُشِاْعرَةِ وَلُائـيَةِ وَافَتْـٌخرَ♢

••{{ لطمية ثقيلة لـ ليلة العاشر الوداع }}••

مساهرة عيونچ الليله .. آه يزينب
عَزّم حسين برحيله ..آه يزينب
،،،،،،،،،،،،،،،،،،،،،،،،،،،،،،،،،،

تشهگ بحسرة الحزينة بليل الوداع
والفجر لو طر يروح من ايدچ ابساع
تزودي من شوفته ياحرة هالساع
باچر العاشر محرم يصفى عالگاع

ايفارگ الخل الخليله ..آه يزينب
مساهرة عيونچ الليله ..آه يزينب
✹✹✹<><>✹✹✹<><>✹✹✹

مساهره الليله بقيتي وچنتي ياحال
عينچ تعاين له فر ايودع العيال
يروح منچ هالعزيز ويشده البال
ايعينچ الله بهالوداع وگلبچ اشگال

فراگه ابد مابيچ حيله ..آه يزينب
مساهرة عيونچ الليله ..آه يزينب
✹✹✹<><>✹✹✹<><>✹✹✹

عالرحيل انويت ياخويه تگله
آخ يفراگك كلف گلي شيحمله
گليبي من تغيب چم علة تسله
عالوجن سيل الدمع ظلت تهله

يصبرچ الله يالعقيله ..آه يزينب
مساهرة عيونچ الليله ..آه يزينب
✹✹✹<><>✹✹✹<><>✹✹✹

هاي هيه وتگضي عشرتكم سويه
ظهر عاشر من يصل بيه المنيه
بعد ما يبقى أخو تگعد ابفيه
چم جرح عينچ تنظره وچم رزيه

رحلتچ تالي طويله ..آه يزينب
مساهرة عيونچ الليله ..آه يزينب
✹✹✹<><>✹✹✹<><>✹✹✹

شگد ثگيله الليلة مرت بين الاحباب
گضت بالهم والبچي بخيمة الاطياب
موداع وكل گلب منهم جمره لهاب
وانتي تشكين لأخيّچ نار الغياب

عگبه حملچ من يشيله ..آه يزينب
مساهرة عيونچ الليله ..آه يزينب

تــمــت بــعــون اللـہ
✍🏻#ولائـية_وافتـخر (دعـاء العـامـري)
❌لا أجيــز حــذف الأســم❌
✹✹✹<><>✹✹✹<><>✹✹✹
https://www.tgoop.com/DoaaAIamry11

♢الُشِاْعرَةِ وَلُائـيَةِ وَافَتْـٌخرَ♢

نشر قصائد ونعي وهوسات لمناسبات أهل البيت
🔴 بوت التواصل مع الشاعرة⬇️
@Doaa114bot

www.tgoop.com/DoaaAIamry11/25775

3.2K views♢وَلُائــيَةِِ وَافَتْـٌخرَ♢, Jul 14, 2023 at 03:11

tgoop.com/DoaaAIamry11/25775

Create: 2023-07-14
Last Update: 2025-01-23 08:13:29

BY ♢الُشِاْعرَةِ وَلُائـيَةِ وَافَتْـٌخرَ♢

Share with your friend now:
tgoop.com/DoaaAIamry11/25775

Telegram News

••{{ لطمية ثقيلة لـ ليلة العاشر الوداع }}••