tgoop.com/DoaaAIamry11/25815
Last Update:
••{{ أبوذية + نعي لـ ليلة الوحشة }}••
#أبوذية لحال مولاتنا الحوراء
عگب ذبح الزلم حرگو ..خِيَّمها
وحيدة بالفَله ماضل ..خَي يمها
هالليلة الحزن زينب ..خَيَّمها
منها اسباع نامو عالوطيــّه...
❉━━━━━❰･❉･❱━━━━━❉
#يقرأ مُشابه لـ نعي سيد فاقد ( دليني اليحب شيسوي لو تاه ) #فقط بداية اللحن لكن تختلف التحويله بالنهاية
شعلو شموعكم لاجل العقيلة
عليها مُظلمة وموحشة الليلة
متحيرة بأمرها .. وتحامي بخدرها
نياط گليبها اتگطعت للحسين
وچبدها توذر ابگطعت الچفين
وبحَرگَت خِيّمها .. هم زادو الهمها
يليل الحادي أرحم گلب زينب
تكفكف بالدمع ع اللي تسلَب
أخوها رَضّتَه الخيل .. عاشت عگبه بالويل
تلوذ ايتام بيها وتحتويهم
تنشف دموعهم تسمع حچيهم
يسألوها اعله اهلهم .. تحتار شتگلهم
تفَگدَت بالحرم وبهدوة الليل
لگت ماهي الرباب ونادت الويل
لگتها يم الحسين .. تبچي وتهمل العين
❉━━━━━❰･❉･❱━━━━━❉
#يقرأ بلحن ⤵️
[ يم الولد راح الولد ] أو [ الجفيري ]
أو [ الحدي السريع ]
هالليلة صعبة من تمر
وحشة على أم الخدر
لايتامها تگوم و تفر
وتكفكف بسكتة الدمع...
هون يليل بظلمتك
زينب الحرة ترجتك
صاحت عليّة امروتك
ماريد صوتي ينسمع...
وگفت وتندب يا علي
أحضرني ماضل حد الي
وبصدري هم ماينجلي
وگليبي بيهم منفجع...
تتنفس بشهگة وتون
والحزن غاطيها الحزن
ذبلان لاخوتها الجفن
والأمل منهم منگطع...
تــمــت بــعــون اللـہ
✍🏻#ولائـية_وافتـخر (دعـاء العـامـري)
❌لا أجيــز حــذف الأســم❌
❉━━━━━❰･❉･❱━━━━━❉
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/25815