tgoop.com/DoaaAIamry11/27005
Last Update:
#قصيدة بحق عريس كربلاء القاسم ع
لسان حال مولاتي رملة ع
ردت الولد لايام كبري••
بيده ينزلني بگبري••
آه يالولد يبني .. آه يالولد يبني
""""""""""""""""""""""""""""""""""""""""
ردته الولد بيده على گبري يسَندني
وافرح واشوفن ثمرتي آه يالولد يبني
تالي على الغبره عفت وسفه بزر بطني
وشلون اكمل دنيتي وابني بعد عني
عفيه يروحي بعد صبري••
ردت الولد لايام كبري••
آه يالولد يبني .. آه يالولد يبني
✍#ام_سيد_حسن
✦✦━━·❆·━━━━·❆·━━✦✦
ماحسبت يمشي الولد و يعوفني بهمي
گلبي انكسر لمن وگع صار البچي سهمي
جفني فلا غمض أبد ودموعي دم تهمي
راح الولد آه ياخلگ زَيَّد عَلَّي هظمي
بالمر أگضي ايام عمري••
ردت الولد لايام كبري••
آه يالولد يبني .. آه يالولد يبني
✍#ام_مهدي_الفرطوسيه
✦✦━━·❆·━━━━·❆·━━✦✦
فگد الأبن ماينحمل جمرة وتشب بالروح
راح السند ليّه وبقى عگبه الگلب مجروح
حيلي انهدم من طيحته لمن شفت مطروح
ثياب العرس صار الدمه ابدال الفرح بس نوح
دمعي على الوجنات يجري••
ردت الولد لايام كبري••
آه يالولد يبني .. آه يالولد يبني
✍🏻#ولائـية_وافتـخر (دعاء العامري)
✦✦━━·❆·━━━━·❆·━━✦✦
ريت انعمت عيني ولشوفن مرمي عالتربان
راح الولد راح الولد وسفه انذبح عطشان
من دم وريده حنته يازينة الشبان
نايم على الغبره صفى ويلي بلايه اچفان
جمر الفگد يلهب بصدري••
ردت الولد لايام كبري••
آه يالولد يبني .. آه يالولد يبني
✍🏻#ام_سيد_يعقوب_الموسوي
✦✦━━·❆·━━━━·❆·━━✦✦
ردته ذخر ليّه ويضل آه يبني يالغالي
ساعدهه الله أم الولد لو فگدت الوالي
محترگه روحي من الفگد مهظوم دَلالي
وين التعب وين الربى بيته صَبح خالي
وبطيحة ابني أنكسر ظهري••
ردت الولد لايام كبري••
آه يالولد يبني .. آه يالولد يبني
✍🏻#آلّشآعرهً آلــــّعــلّويِـــه آلّمٌوسويِــــۿ
✦✦━━·❆·━━━━·❆·━━✦✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tgoop.com/DoaaAIamry11
BY ♢الُشِاْعرَةِ وَلُائـيَةِ وَافَتْـٌخرَ♢
Share with your friend now:
tgoop.com/DoaaAIamry11/27005