🥀 نتقدم بأعظم آيات الحزن والأسى والألم إلى مقام الرسول الأكرم وابنته الزهراء الطاهرة والأئمة المعصومين عليهم أفضل الصلاة والسلام،وسيدنا صاحب العصر والزمان عجل الله فرجه الشريف بذكرى شهادة أمير البررة، قاتل الفجرة، قسيم النار، حيدر الكرار، شهيد المحراب، أمير المؤمنين علي بن أبي طالب عليه السلام، رزقنا الله في الدنيا زيارته وفي الآخرة شفاعته. *عظم_الله_اجوركم*

مقطوعة نعـــي ..

الله وياك يحيدر الله وياك
.............................
وداعا ياعلي بگد جرح الوداع
وداعا يالرحت عن زينب ابساع
وداعا ياحلم لحظه انتهى وضاع
چذب غالي يرد لو اخذته الگاع

راح ملگاك يحيدر راح ملگاك
الله وياك يحيدر الله وياك
.............................
دعيت اشگد الي ترجع سلامات
وقريت اشگد الك يابويه ايات
يرب رده علي لحضن اليتيمات
يرب حضن الابو مامثله هيهات

ربي انخاك ترده ربي انخاك
الله وياك يحيدر الله وياك
.............................
يبويه بحضني حط راسك اسنده
بدمع جرحك اغسلنه واضمده
بحجاب امي جرح راسك اشده
بلـكي مـن الألـم يابويه يـهده

جرحك اذاك يبويه جرحك اذاك
الله وياك يحيدر الله وياك
.............................
اشوف گبالي نعشك بويه جابوه
الجسد وسط النعش يالوالي خلوه
بهيده يالحسن يحسين شيلوه
اخافن جرحه ياخويه تلچموه

حان فرگاك يوالي حان فرگاك
الله وياك يحيدر الله الله وياك..


ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

قصيده للوداع بحق الامام علي (ع)

الوداع الوداع ياحبيبي ياعلي
🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️

الوداع اليوم ياحامي الحمه
والدموع عليك تجري من دمه
والجفوف بحركه ع خد لاطمه
كلها تصرخ آه يافكد الولي

الوداع الوداع ياحبيبي ياعلي
🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️

انواسي زينب علولي خير البشر
بايد الظلاله اليوم حيدرنه انغدر
آه واويلاه نلطم علصدر
وبصرخه وحده انصيح ياحيدر علي

الوداع الوداع ياحبيبي ياعلي
🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️

لسه جرح الزهره ماطاب وهده
كل سنه مولاي احنه انجدده
هسه جرحك ياعلي توه بده
وعلغوالي ابد منبطل نعي

الوداع الوداع ياحبيبي ياعلي
🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️

نذكر الزهره يحيدرنه ونلوع
والله لسه عليها ماجفت دموع
نار بينه سيدي جوه الضلوع
والحزن بينه ابد ماينجلي

الوداع الوداع ياحبيبي ياعلي
🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️

ابد ماننساك ياحيدر ابد
كل سنه وياك انجدد عهد
وهذا يامولاي من عدنه وعد
فدوه لجلك اني اروح وكل هلي

الوداع الوداع ياحبيبي ياعلي
🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️🔸️
تمت بعون الله
✍#بقلم_خادمة_الزهراء_ع
#ام_حوراء_البركاوي)
ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

استشهاد الامام علي ع



هلي يا عين راح ابو حسين
بشهر الاصيام صرنه ايتام
****
گلبي محزون والعيون عسن گد السمه
اشگد تمنيت ترجيت يفيضن بس دمه
حدر الاتراب بالاخظاب وسف حامي الحمه
عايشه جروح عله الروح چبيره الموزمه

ظلت الآه صبري وياه
جفني ما نام صرنه ايتام
****
مات الاحساس والانفاس ولا بيها طعم
جمر الافراگ والاشواگ عله ضلوعي هجم
والدي راح اطگ راح على راح الالم
وحشه دنياي بگت هاي مثل وجه العدم

موحش الدار بصدري چم نار
سوده الايام صرنه ايتام
****
بداري انعاه وجر آه صرت لمصيبته
اشينفع اونين وابو حسين بقت بس ريحته
من يجي الليل اون حيل وطب الحجرته
اتدور اچفوف انه اشوف سبحته وتربته

الغالي مفگود وسفه ميعود
كلشي محتام صرنه ايتام
****
دمعي ما مات والاهات تفتر ما رضت
كلشي بالکون شكو عيون على حالي بچت
اشگد مساكين بالاونين لعد بابي اجت
ثاري يردون يمرون عله چفوف البخت

اليمسح الراس ما اله انفاس
دنگ الهام صرنه ايتام
****
تدري بالحال يلاهلال يريتك ما تطر
تبقه بسماك انه ارجاك بعد هذا الفجر
تطلع اتريد وانه الحيد دفنته بالگبر
بلون الاحزان والاشجان صرت هيكل صبر

بين الاچفان اغلى انسان
اندفنت احلام صرنه ايتام
****

ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

علي يا علي. *علي ياعلي. *علي ياعلي علي يا علي
///////////////////////////////
شيلو اجنازتي عن زينب اخفوهه
وي طرت الفجر يا بويه شيلوهه
من عيون زينب لا تفوتوهه
ما تحمل الم ملچومه تدروهه
الهسه اتون علئ الدار**بحرگه وتذكر الصار
علي يا علي علي يا علي علي ياعلي علي يا علي
%%%%%%%%%%%%%%%%%%%
بويه الحسن باچر من تشيعوني
الگبر امكم الزهره بالله زوروني
واباب المغيسل من تنزلوني
خل احسين بيده ايغمض اعيوني
حته امن افتح العين***بيهه اصور الحسين
علي يا علي علي يا علي علي يا علي علي يا علي
%%%%%%%%%%%%%%%%%
اوصيكم وصيه اتمعنو بيهه
زينب اه يزينب ادري ياذيهه
بعدي ومن اروحن بويه واسيهه
ومن تگصد الگبري انته باريهه
خلهه تهيل التراب** بحرگه وتذكر الباب
علي يا علي علي يا علي علي يا علي علي يا علي
%%%%%%%%%%%%%%%%%%
جيب ايدك يكافل ارد اكلفنك
وبحقي عليك الساعه احلفنك
زينب. ياخو زينب طلبتي منك
يا راعي الكفاله وانه اعرفنك
گدهه واشهد بهاي-ظلك وحده افياي
علي. يا علي علي يا علي علي يا علي علي يا علي
%%%%%%%%%%%%%%%%%%
وين احسين روحي ارد اشمنه
وبحرگه اموادع ارد اودعنه
واشرحله الطفوف وبيهه اعرفنه
لن باچر يظل ابكربله امحنه
ابدمه بالفله ذاك*وزينب تنسبي اهناك
علي يا علي علي يا علي علي يا علي علي يا علي
%%%%%%%%%%%%%%%%%%
ما مقسوم اشارك وارفع الرايه
بالطف واعتذر يا بويه من هايه
بس عفت الكفيل البيه الكفايه
ابدالي وبالطفوف ايسوي السويه
البيهه رفعت الراس***ابني وزودي عباس
علي يا علي علي ياعلي علي يا علي علي يا علي
%%%%%%%%%%%%%%%%%
فاضل الغريباوي

ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS

والئ اسد الله ورسوله امير النحل




والله لو مصحف نزل
عالجبل هد الجبل
اصدع وضل بس غبار
هيچ احس براسي صار
من وگع خير العمل




😭😭😭😭😭😭😭😭😭😭

ياهو مثلك ياهو يوصل مستواك
اشرق الكون بضحكتك والضلام ابمستحاك
حيدره قران ناطق والقره ما فسراك
اثنين بس عرفو مقامك ربك وطه هذاك
مرحب بيوم ارتجل
سمع باسمك واعتزل
شاف حچيك مو كلام
اقوه من ظرب الحسام
تالي نصين انعزل
والله لو مصف نزل

😭😭😭😭😭😭😭😭😭

انفتح قرانك ياطه وبشر الظد بالجحيم
ابليس بيهه ايشوف رحمه اله ابن ملجم رجيم
لليحبك جنه صارت واليظدك للحطيم
اشهد ان لا الا حيدر قائد الكون العظيم
چم صعب باسمك سهل
للندب جيت بعجل
تنقبل بيك الصلاة
بحبك اتكون النجاة
كلشي بيك انته اكتمل
والله لو مصحف نزل

😭😭😭😭😭😭😭😭😭

الموسئ،هارون انطه ربك ظهره چان ابمحنته
اليوگف وما عاف اخيه بوجه كلمن ظدته
وانته حاظر چنت موسئ،وانته اصلك عصته
وكل نبي طاح ابمصيبه تحلهه حيدر شدته
بحيدر ايكون الامل
مو شخص والكل شمل
علي يمحير العقول
بيش اوصفك شرد اگول
شعمل حيدر ما عمل
والله لو مصحف نزل

😭😭😭😭😭😭😭😭😭😭

حيرتني بكلشي واشهد شفتك بكلشي عجيب
بسرعه تاخذ روح خصمك والاجل بيدك رهيب
بالعلم لو بالبلاغه شفتك استاذ واديب
الكل جرح الگاك بلسم انظر اچفوفك طبيب
اتگوم الطاح ابشلل
اترده لهله المعتقل
ابعزمه مو لان الحديد
بكل وگت حيدر جديد
اسمه ظوه المستهل
والله لو مصحف نزل

😭😭😭😭😭😭😭😭

يا طواسين وطلاسم ياجفر ما تنعرف
واليوصفك حار كلش بالوصف ما تنوصف
نقطه بسم الله انته وحيرتهم بالحرف
يابحر والكون كله ما عبر حته الجرف
ابعقل الي يضدك خلل
والتضد حيدر حلل
ابحبك ايزيد اليقين
كعبه طه وانته دين
وعلي بس انته الفحل
والله لو مصحف نزل


😭😭😭😭😭😭😭😭😭😭



فاضل الغريباوي🚩🚩🚩🚩🚩🚩🚩
ملا عمار
٠٧٧٠٨٩٤٨٦٤٤
https://www.tgoop.com/Fal4wQQAAAAAFFZbS