tgoop.com/FayoFaye/59
Last Update:
OF TUFFACHUU
Namaa gaditti of ilaaluun mul'ata ofii of keessatti maseensanii kufaatiif of saaxiluudha. (DG)
Namoonni miirri gad aantummaa itti dhagaa'amu dafanii kufaatiif saaxilamu. Miirri gad aantummaa afuuffee qilleensa hin qabne ta'uudha. Afuuffeen qilleensa hin qabne sochii gochuu hin danda'u. Gargaarsa qaama biraan iddoo tokkoo gara iddoo biraatti sochii taasisa. Akkuma kana namoonni gaafa miira of tuffii yookaan miira gad aantummaan mo'aman dandeetti isaanii fayyadamii wanta tokko hojjechuu hin danda'an. Miirri gad aantummaa eenyummaa namaa ishee dhugaa nama dhabsiisa. Namoonni akka of shakkan godha. Amantii isaan of irratti qaban ajjeesa. Namoonni amantii of irratti hin qabne immoo hojii isaanii keessatti milkaa'uuf baay'ee rakkkatu.
Ofii isaaniif kabaja dhabuu fi namaa gaditti of lakkaa'uu irraan kan ka'e namoonni yeroo baay'ee iddoo isaaniif hin malletti argamu.
Kabaja ofiif kennuu dhabuun dhiibbaa guddaa nama irraan geessisa. Akkuma Oromoon "Horii abbaan gaanfa cabse ormi ija jaamsa" jedhu yoo ati ofii keetiif bakka gad aanaa ofiif laatte, namni biraan immoo sadarkaa ati ofiif laatte gaditti sadarkaa siif laata. Yoo ati kabaja of dhowwatte namni kabaja siif laatu hin jiru. Yoo ati sadarkaa kee xiqqeessitee namaa gad of goote malee namni namaa gad si gochuuf aangoo hin qabu. Kanaafuu ofii kee namaan gaditti hin ilaaliin! Eenyummaama kee dhugaan jiraadhu! Of irratti amantii guutuu qabaadhu! Sadarkaa siif malu ofiif kenni! Sababni isaas yoo ati mataa keetiif kabaja barbaachisu hin kenniin kan si kabaju hin jiru. Kabajamuuf dursa ati ofii kee kabajuutu sirra jiraata. Namoonni yeroo ati of kabajju yoo si argan si kabaju. Kanaafuu of hin tuffatiin! Kabajas of hin dhowwatiin!
Join godhaa!
👇👇👇👇
@QarooDG
@QarooDG
BY Fayisa Tesfa Oljira
Share with your friend now:
tgoop.com/FayoFaye/59