tgoop.com/FayoFaye/75
Last Update:
KITAABA KOO
Atimoo....
Atimee, ija keenya saaqxee
Kan tureyyuu jaamaa
Yoonaa wallaalummaatu
Sammuurra nu garmaamaa
Koompaasii jireenyaatu
Si keessatti argamaa
Namni sirraa gorraan
Ofumaaf wargama
Atii, kennuu malee
Tasa fudhachuun barre
Xiqqaaf guddaa utuun jedhin
Kan nama biran tarre
Isa daandiirraa kaate
Haalaan qajeelchita
Kan mul'atan qabnes
Galmasaa bareechita
Situ nuuf oomishe
Gootota gita hin qabne
Fiixeen kaayyoosaanii
Kan salphaatti hin dabne
Addunyaa kana ijaaruuf
Humnikee miti laayyoo
Miiltoo dhaloota qubee
Si jaallanna akka aayyoo
Abdii nutti horteem
Waa'ee keetu nu marara
Utuu ati hin jirree
Wallaalummaan nu darara
Hibboo nurratti walxaxeef
Situ nuuf tahe fala
Goota keenya jenna
Yoo jennes siif mala
Ihiiim! Erga si barree
Ofii keenya hubanne
Utuu sin barin dura
Bara baay'ees gubanne
Dhaabbata dhalootaati
Gaafa jilbi isaan muduqu
Nuu jiraadhu tokkichakoo
Wallaalummaan haa buruquu
#FAYISAA_TASFAA
JOIN👇
@FayoFaye
@FayoFaye
@FayoFaye
BY Fayisa Tesfa Oljira
Share with your friend now:
tgoop.com/FayoFaye/75