tgoop.com/FayoFaye/78
Last Update:
Waadaan waadaa galeen, Waadaan gale eeguuf waadaa ofiif gale. Waadaan waadaa ta'ee akka hin hafneef waadameen waadaa eege. Waadaa waadame waadamee baadheen, waadaa, waadaa dhugoomu taasisuuf waadaan fudhadhe.(Kitaaba WAADAA)
Yoo eegame waadaadha
Kanaan achi hima himamsaa
Yoo ari'ee dhale malee
Eessa isaatu goromsaa
Tabba fiigee yoo hin baane
Dargaggummaan yoomiifii
Waadaa ofii eeguunis
Bar mataa ofiifii
Waadaa hin cabsinuu
Aadaa keenya durii
Kan seente ba'adhuu
Waadaa kees xumurii
Waadaan sitti ulfaatus
Hirmiidha Kan hin nyaatamne
Bu'uurri isaa dhugaadha
Dhugaa tasa hin haalamne
Of bira hin tuttursin
Waadaan ha raawwatuu
Warri waadaa nyaate
Gahaannamii wawwaatuu
Itti yaaddee seentee
Waan humna kee garasii
Yaadadhu siin jedhamaa
Meerre waadaan barasii
Deebisuuf rakkatta
Jechatu si hanqata
Gatii har'a boonte
Dhugaan si baqata
Maal raawwattaree
Yeroon hoo dhumatee
Mataatti baattee deemta
Waadaa waadamee gubate
Gabaa galtuttii
Harree hin oofani
Wawwaatanii bo'anis
Murtoo hin oolani
Erga akkas tahee
Maaf waadaa hin xumurru
Qooda gaabbiin booda
Hidhii of murmurru....!
Fayisaa Tasfaa ti (Fayyoo Fayyee)
BY Fayisa Tesfa Oljira
Share with your friend now:
tgoop.com/FayoFaye/78