بلال ضبح وبعصبيه : ليش الفضول !!! كان مكانه احسن انا اخترته هكذا صورته لوجدان واتفقنا هكذا..

رحاب: ذلحين اعصابك عادي ارجع غير انت وهي على ماتشتو !

بلال: لا غيرين من ذلحين مش على ماتشتين انتين

آيه عصبت من ردة فعله رجمت (رمت) المخده من يدها للسرير وخرجت من جنبه شلت(اخذت) شنطتها ونزلت بسرعه..

بلال تذكر سام في الحوش لحقها بسرعه بيدعيها في الدرج.. آيه. لحظه ايه.

في الكنترول.

فاروق وسط الزحمه شاف ماقدر يدخل لعند حد استخدم اسلوبه عشان يقدر يوصل للمختص

في الاخير

المختص: ياخي صعب من بين مدري كم تشتي ندور لك اسم طالبه

فاروق خرج من جيبه : واديلهم هذه للموظفين لو عيوافقو عمل اظافي يدورو اسمها واي مدرسه لان الموضوع مهم مسأله حياة او موت

المختص رجعها له : خير ان شاءالله هات رقمك بس اما هذه الحركات مش كل الناس تقبلها انا ضد هذه الرشاوي والأساليب.

فاروق: الله يكثر من أمثالك اصلا الواحد ماعد دري مايستخدم عشان يلقى الي يشتيه.

المختص : خلاص حفظت رقمك ولو وصلت لأي معلومه شانبيك..

فاروق وقف وسلم عليه : تسلم..

في بيته..

هاجر بتكلم اخت فاروق : عترجعي من مره؟

اخت فاروق : ايوه عنوصل مؤقتا عندكم لوما نشتري البيت

هاجر : حيا بش واهلا وسهلا تنوري بيتش هذا اصلا مابش داعي تشتري بيت

اخت فاروق: قد انتي احسن نسوان اخوتي الله يحفظش

فاروق وصل وهي بتتكلم: من بتكلمي ؟؟!

بيت رحاب.

آيه في الدرج بتكلم نفسها : ياسعم اننا شغاله بيتفلسف ويتأمر هكذا مدري وين كان حسي وانا معجبة

ويتأمر هكذا مدري وين كان حسي وانا معجبة به قد اخته اخبر به لما قالت معه صفات غير الي شفتها.

بلال : ايه لاتخرجيش الحوش اصبري

بلال : اصبري أتكلم سام خارج

آيه من غضبها وتفكيرها بينها وبين نفسها مابتسمع كلامه مش مركزه بتفتح الباب على اخر كلمه سمعتها.!!

كان سياره سام في الحوش وبينزلو الفراشات هو والعمال

دخلت بسرعه

بلال تستاهلي كوني اسمعي من حقش المجنانه هذه م عتوديش في ستين داهيه مره ثانيه

آيه بعصبيه: ماتتكلمش معي هكذا!

بلال: طيب اخرجي براحتش هكذا تشتي اتكلم معش ؟ الحجه عندي خايف عليش

آيه بطبيعتها المتهوره سمعت اول كلام واتاثرت ( يلا اخرجي) وماسمعت ( خايف عليش) حاله اي شخص لما الغضب يسيطر عليه ومايتحكم بغضبه..

رجعت المقرمه من فوق وجهها غطته وخرجت بسرعه للغرفه حقها..

سام اول ماشاف خرجت واحده غض نظراته ماشاف..

بلال خرج بعدها يشوف جنانها منصدم !!! من تهورها

سام: هيا شوف طريق نطلع الفراش مالك تاخرت

بلال هات الي في يدك ناولني: يلا اطلعو بعدي مابش حد

رحاب كانت في غرفته بتكمل ترتيب غرفته

بلال طلع فتح الغرفه: لاتخرجي في ناس في الصاله

رحاب: وين ايه

بلال طنشها وقفل الباب بضبح.

في غرفتها..

آيه معصبه من تصرفه وكلامه ورجعت تفكر انه عشان سام في الكوس يمكن خاف عليها تذكرت كلامه وهدأت بس زعلانه على تصرفاته المتغيرة ناحيتها

وصل صاحبهم الثالث وجلس في الرصيف الي جنب باب غرفتها : انا عليا اشرف عليكم من هنا

ايه سمعت صوت حد جنب باب غرفتها قربت بتسمعهم !!

سام: ورينا عضلاتك ماجيت تسوي ؟

صاحبه: يا اخي قدنا تاعب اليوم شغل من الصبح الان رجعت وبعدين يكفي جيت معاكم

بلال ضحك: الله يعينك ياخي يكفي جلستك هذه

صاحبه: الله يسامحك بتهزأني

ضحكو كلهم

آيه سمعتهم وضحكت..

الليل بعد ماخلصو ترتيب شقته.

رحاب: مش ملاحظ انك اليوم زعلت ايه

بلال: هيا ناهي تزعل طز ماقلت شي وبعدا صيحت فوقكن الثنتين ليش انتي مازعلتي

رحاب: انا اختك يا بلال البنت ضيفه وعادها صغيره يعني مش هو عليها ترتب غرفتك

بلال: مدري كنت معصب

رحاب: مالها دخل باعذارك اسلوبك غلط

بلال: طيب هيا ننزل الحوش واكلمها

رحاب : طيب راعي البس.

ام رحاب : مطر اين تسيرو

رحاب : بسرعه نكلمها وندخل

امها: مابش داعي ماقال شي يزعل

بلال : انا شاخرج يارحاب البسي والحقي

امه : ها كيف بيعاندني بس عنبسر مرته لو جت كيف عيمشي بعد كلامها لاتزعل

ايه بتسمع باب غرفتها بيدق : ادخلي يارحاب

بلال: ومن قال لش اننا رحاب

ايه طنشت.

بلال: ايه اخرجي اكلمش

ايه :ماردت

بلال: شافتح الباب!

ايه ساكته

بلال فتح باب الغرفه بس ظهره لعندها

ايه قامت ووقفت ورا الباب: انت مش هو على مزاجك تضحك وتقلب ايحين ماتشتي

بلال بصدمه: خير يا ايه ايش في لش فتره بتتعاملي معي بهذا الأسلوب !

آيه سمعته ومستغربه انه هو الي بيقول هذا الكلام غلقت الباب ومشيت بسرعه في الغرفه تلبس البالطو والحجاب

بلال مشي خطوه ورحاب واقفه بيكلمها : قوي معصبه ماكان الموضوع كبير لهذه الدرجه كم قد تحملت وداريت عصبيتها

رحاب بهررت وبتأشر له وراه : آيه تعالي

آيه سمعته: ولأنك داريت ووقفت معي اعتبرتك أخ مش أكثر انت الي فعلت لنفسك زحمه وفكرت الناس كلها ميته عليك

اذا مفكرني جاهله وممكن اتعلق بأي حد مثل ماقلت لرحاب كنت اخترت حد احسن منك مفكر مافي الا انت في الدنيا او ايش

بلال كان منصدم وانحرج قوي انها سمعته تأكد الان ليس تغيرت عليه !!!

رحاب ماقدرت تمسك نفسها ضحكككت : تستاهل مفكر نفسك اخر حبه في الكرتون

بلال شافها ومعصب: هو انتي الي قلتي عتنكري

رحاب بهررت: انا قلت !؟؟ او هو انت زيدت تاذيها

آيه : انتو الاثنين غلطانين في فكرتكم عني وعندي اهون ارجع بيتنا ولا اسمع كلام مثل هذا

بلال حس بأحراج : والله مازيد اضايقش وعد و لان انتي عاقله هكذا قوي انا شاعاملش مثل رحاب سواء زعل او مزح

آيه: مش منتظره معاملتك لي أساسا مشكور على وقفتك معي ذاكرت لي وماكلمت سام اننا عندكم وبس غيره ماظن عاد في داعي نتكلم من مره.

بلال : مش هو بمزاجش شاكلمش غصبن عنش انتي وهي ( اشر لرحاب ) واي حد

ايه طنشت ورجعت غرفتها ومنصدمه من الموقف الي حصل !!

حتى رحاب تفكر فيني هكذا ليش هولا الناس فارحين بنفسهم قوي !!

مش عارفين انا لولا الظرف هذا الي انا فيه ماكنت قبلت هذه الغرفه و لو اهلي معي سوا وتقدم لي ماكنت وافقت عليه..

سرحت شويه ( يعني اذا هذا الزنط كله وعاد جلستي بايجار لو مالقيت شغل كيف عيفعلوا بي !))

مشيو بلال ورحاب داخل لبيت وبيفكروا في كلامها

رحاب: هذه البنت ماعتقدر تعيش هكذا هاربه وتتحسس من كل موقف وتصرف..!!

بعد أيام ( يوم الخميس )صحيت بتسمع الاغاني والطبل والبرع ماقدرت تنام متضايقه من الازعاج في الحوش

جلست فوق السرير رفعت شعرها وربطته ورتبت سريرها واقفه بتتفرج المكان الي هي فيه قررت تدخل تساعدهم مستحيل تجي خالتها من الصبح وعيب ماتكون جنبهم يوم مثل هذا حتى لو شافوها قررت واقنعت نفسها انها مش خايفه وماغلطت وهم الي طردوها ومايشتوها من البدايه ليش تخاف !

رجعت وتذكرت كل الي حصل معها ولبست وخرجت من باب غرفتها وغلقتها ودخلت

رحاب انبسطت شافتها قدامها ومازعلت : حيا ايه منوررره إجلسي صبوح.. هذه مرت عمي الله يرحمه وهذه خالتي الكبيره وهذه الصغيره خالتي اصغر مني بسنه

ايه ابتسمت لهم بصمت..

بارت 65

ايه ابتسمت لهم بصمت..

خاله رحاب الصغيره: ماشاءالله محلا ابتسامتش رقيقه قوي ملامحش جميله

ايه انحرجت وضحكت مستحيه بتلعب باصابعها شافت رحاب : بأيش اساعد ؟

ام رحاب بتضحك على احراجها : يو لا اخزاش ، مش هن داريات الوش الثاني !

ايه مبتسمه ساكته

مرت عم رحاب: اول نشرب قهوتنا وصبوح( فطار) وبعدين نبدأ نجهز للغداء لما يجين بناتي يساعدين

ام رحاب: ماتعرفي تفعلي يا ايه؟

ايه: بعض اشياء وبعضها شابسر وافعل مثلهن

جلسين يحكين قصص تضحك ومواقف قديمه ..

آيه حست ان ذاكرتها خاليه من هذه التفاصيل والذكريات الحلوه حاولت ماتتذكر اي شي ماضي ..
يمكن من افضل عيوب الي فيها انها بتتضايق وتعصب لما تذكر مواقف سيئه حصلت معها.
هذا الشي بيخليها تتجاوز الكثير .

بيت فاروق ..

فاروق تغيرت تصرفاته اصبح عصبي جدا ومدخن بكثررره متوتر وقليل النوم وكثير التفكير نفسه يتحرر من خوفه من كلام الناس والمجتمع كيف بنته ضايعه وساكت بس مش قادر خايف الأخبار الي ماتترك للناس خصوصيتها تتدخل في موضوعه ويأثر على شغله وعياله

هاجر : بس يكفي سجاير ارحم روحك

فاروق : كيف ارحم روحي ضيعت بنتي من يدي كيف كنت لامعي عقل ولا ببنفكر كيف سخيت على بنتي !

استاهل عقاب الله هذا رد الله عليا عشان اهملت امي وضيعتها ايام لاسالت ولا اتصلت ولا دريت ايحين ماتت ذوقني الله في بنتي

هاجر ضااابحه من موقفه ووضعه تشتي تستاذن تخرج مع ام سام بتحاول تهون عليه مثل كل مره وتعمي بصيرته : هي الي ماحترمتك وفعلت بك هكذا

زوجها عصب وضرب على الماسه: ولا تقلي كلمه عليها والله انو انا السبب حد يفلت بنته في الشارع حد يفلت امه انتي ابليس انتي لو واحد من جهالش ان قد جننتي

هاجر: نفسي اعرف انا ليش كل مره ترجع اي غلط فيني

فاروق: لانش بتتكلمي وقت ماتشتي بالصح الي لش والي على غيرش ماتقصري اعظم من الشيطان توقعي

هاجر : انا تعبت من عيشتك من يوم ماجيت هم في هم كبرت وربيت لك بنتك وانت ما ملى عينك شي وتتهمني بتقصير رايحه بيتنا وانت دور بنتك وربيها وأفعل الي تشتيه.

(( بيت العريس ))

كان الوقت بيمشي بسرعه الشغل صعب ومتعب بالنسبه لها ماتعرف شي وكل شي معاجله بس كانت مستمتعه وتعرفت على اهل رحاب حبوبات ومرحات

الليل خلصين من شغل المطبخ وقبل ماتوصل العروسه

خالة رحاب سحبت ايه من يدها: هيا جي ادخلي شويه نجلس

رحاب شافتها: اصلا مابش حد صدقيني مابلا نسوان الحاره قربت تشاورها ( لاتخافي محد يعرفش شاقلهم صحبتي معلمه في المدرسه) خلصت تشاورها وضحكين

ايه طيب..

سمعين صوت زفه العروسه وصلت السياره للحوش
دخلين الديوان والنسوان موجودات ...!!

بارت 66

آيه كانت منحرجه من تجمع النسوان وجالسه في طرف الباب..

دخلت العروسه..

ايه

كانت منذهله بجمالها وفستانها كانت متوقعه تكون واحده عاديه اقل منها جمالا..

رحاب : يا سااااتر كيف المكياج بيغير زيدته قوي الوان ثقيله

خالتها : قد بدأتي تستلمي عيوب مرت اخوش من الان ؟

رحاب ضحكت: هيا اسألي امي كيف كانت و ان المكياج زياده هي حاليه بس المكياج غيرها

ايه لفتت لها: والله انها حاليه وفستانها وتسريحتها

رحاب: انتي الي مايعجبش العجب !! عجبتش ؟

سمعت صوت عمتها من خارج بتدعي ( تنادي) رحاب: هيا اسرعي قلي لهن يتغطين اخوش دخل

الكل بدأ يلبس و ايه لبست عبايتها والحجاب..

بلال دخل وسلم على العروسه ووقف جنبها يتصوروا متوتر..

الكل كان لابس ومتغطي شافها واقفه جنب الباب بتضحك

آيه: بتضحك ماقدرت تمسك نفسها (السيف لابسه بالمقلوب )

بلال مبتسم من ضحكتها بيأشر ايش ؟؟

العروسه بتشوف ايه وتحس على بلال جنبها حركتها

وفيها فضول تعرف من هذه البنت !!

ايه قربت من رحاب : روحي صلحي له السيف شكله مضحك

رحاب شافته وضحكككت وراحت لاخوها..

بعد ما راحين النسوان وطلعو العرسان...

رحاب شافت ايه قامت تستأذنهن : وين؟

ايه: اسير ارقد

رحاب: ادخلي غرفتي

ايه: لا شاسير

رحاب : لاعد تخرجي هذا الساع من العناد قد انتي هنا معنا سامرات

ايه جلست معاهن وانبسطين كلام وضحك للصبح مع خالة رحاب

ثاني يوم وقت صلاة الجمعه..

رحاب طلعت تساعد العروسه ترتب ملابسها في الدواليب ( الخزانه)..

ام رحاب: ايه لحقي رحاب بالشنطه هذه نسيوها امس ماطلعوها

ايه اخذت الشنطه وطلعت وهي فارحه تشوف العروسه وتتعرف عليها

رحاب: ادخلي يا ايه

ايه : هذه الشنطه كانت نازل

العروسه : اشتي اسأل من هذه؟

رحاب لفتت لآيه

آيه ماعجبها اسلوبها عشان قالت هذه : اسمي ايه

العروسه: ايوه ايش تقربي لهم !

آيه بابتسامه: ولا حاجه

العروسه: مافهمت !؟

آيه: عادي وين الصعب في الموضوع انا مش من اقاربهم.

صوت باب الشقه حق بلال في حد يدق

رحاب غمزت لأيه تسكت ومبتسمه للعروسه بتغالط بموضوع ثاني : بروح اشوف الباب وننزل هيا ايه

ايه : اول شوفي من وبعدا اجي

رحاب راحت تشوف الباب.

في الغرفه.

العروسه : بصراحه استغربت تكوني مش قريبتهم واحس عليش تعرفي وتمزحي مع الكل

آيه: طبيعي مستأجره وعايشه معاهم

العروسه بصدمه: مستأجرين هنا بس يعني مش أهل!

آيه : ايوه عادي مش كل المستأجرين بيكونوا من نفس الأسره وانا استأجرت وتعرفت عليهم

العروسه :استأجرتي و أمش تسمح لش تكلمي بلال هكذا !

ايه: اولا امي الله يرحمها ثانيا انا وحدي مستأجره هنا

العروسه: بتمزحي صح!

آيه: ليش امزح

العروسه: اول مره اشوف في حياتي واحده عايشه لوحدها وبيت ناس؟

ايه: ليش اول مره تشوفي في ناس خيرات ماعندهم أهل ولابيت

العروسه : ايوه بس في أقارب

ايه: بعضهم مابش

العروسه: اسفه قلبت عليش المواجع الله يرحم أهلش

ايه تشتي ترد عليها شافت واقف في الباب ابتسمت عادي بس كان في عليها نظرات.

بلال شافها جالسه معها اهلا وسهلا بآيه : يكفي اختي شليتيها خلي لمرتي حالها

العروسه بتبتسم مجامله

آيه وقفت ماعندها شي تقوله له شافت للعروسه : ان شاءالله الايام جايه ونتعرف اكثر

العروسه هزت راسها لها بابتسامة

ايه طنشت بلال ومشيت من جنبه بعد ماحست من كلام عروسته استنقاص لها

بلال دخل الغرفه وقفل بيشد دقنته باصابعه وبيشوف انه ودف

العروسه: ليس كذبت عليا !من اول يوم معاك فيه بكذبه ؟

بلال بهدوء وببطء بيحاول يشرح لها : اسمعي اولا صلي على النبي

العروسه : تعرف اخس شي عندي الكذب ليش كذبت في شي مخبيه عني ثاني ! في شي بينكم ؟

امس تمزح وتضحك معاك واليوم تطنشك ليش هكذا؟

بلال صاح: صلي على النبي مش لهذه الدرجه مالش ؟؟ البنت مثل اختي الصغيره اعاملها بس

العروسه: طيب ليش كذبت ؟

بلال مسك يدها: والله ماهي كذبه هكذا قلتلش عشان ماتنكدي علينا اول يوم ،بعدين انا نفسي افهم يعني شي غريب معقول في واحده تغير على زوجها وتتهمه من اول يوم ؟ يعني لاقد حبيتيني ولاعرفتي أسلوبي ولاشي وبتحكمي وتألفي افكار في راسش

العروسه: لأني حبيتك غرت عليك

بلال: كنت عارف انش عتغيري بس اتمنى منش تعتبريها اخت صغيره لش وماتجرحيها بكلام في باطن الناس اشياء خاصه و جروح لاتغرش المظاهر الشديده الي نشوفهم بها و آيه قصتها قصه عترجع تكلمش هي لما تحسش قريبة منها وعتكوني احسن مني

مرته: ماعليا من حد ، انا طبعي مسالمه وفي حالي بس لو حسيت حد ياذيني

مرته: انا ماعليا من حد ، انا طبعي جدا مسالمه وفي حالي بس لو حسيت حد ياذيني ويقرب ياخذ شي حقي ارجع واحده ثانيه

بلال ضحك:الي يسمعش يقول كنتي متمسكه بي وتحبيني ومدري ايش طلعتو عيننا لوما كملت الزواجه شروطكم كل يوم شكل ولمعلومتش انا لو كنت اشتي حد في راسي كنت اتزوجتها عادي جدا مش مجبر عليش ولا على غيرش

مرته هدأت من كلامه وتفهمت الموقف..

ايه في غرفتها معصبه وجالسه سارحه ليش كلمتني هكذا ليش الكل بيحتقر الموقف الي انا فيه يعني ايش فيها انا حره استأجر واوقع وحدي

رحاب خرجت تدعيها غدا : ايه ؟؟

ايه: انا شابعه وشرقد تغدوا براحتكم .

رحاب : طيب لما تصحي من النوم تعاالي اجلسي معنا قبل ماتروح خالتي اليوم

ايه ردت بصوت مرتفع: تمام

وبينها وبين نفسها هذه العائله نص تحرجني بطيبتها واحترامها لي ونصها تنرفزني بتصرفاتها ونظراتها واحتقارها لي ..

مر كم يوم وهي متهربه منهم ومن نظره زوجة بلال لها كانت بتتهرب من اي حد يوضح لها صحة قراراتها

باب بيت فاروق بيخرج بسيارته من الحوش..

سام واقف باب البيت بيصلح سيارته : ياعم فاروق

فاروق :خير ؟

سام: اخطى معك للشارع الرئيسي اسير ادور هذه القطع للسياره

فاروق اشر له بيده يطلع

سام استغرب مش عادته يخرج بهذا الشكل دائما مرتب ملابسه واسلوب كلامه معهم محترم طلع معه: كيف الحال سلامات ياعم مالك ؟

فاروق هز راسه بدون كلام بمعنى : ولاشي

سام: امانه يا عم لو يلزم شي انا ابنك كم ما اشتيت

فاروق لفت له : مش كل شي ينحل بالفلوس يا سام ولا بنوصل لهذه الدرجه لو فلسنا

سام: تشتي الصدق ياعم انا داري مالك قد البيت حاكو بيتنا انا ماحبيت اتدخل بصراحه لأنك ماتحاكيت ماحبيت احرجك بس اذا تشتي مساعده او اتحرك انا بدلك ولايهمك

فاروق وقف له جنب محل قطع غيار سيارات: باقي لي اخر محاوله والان في طريقي وعلى الله

سام: خلاص انا جاي معك كيف واين رايح ؟

فاروق كان معصب اخر فترة ومرهق جسديا وفعلا محتاج حد يكون معه بد ماتخلت عنه زوجته وراحت بيت اهلها : قالوا في بنت بنفس اسم ايه اختبرت ثانويه بس البنت مادرست مستحيل تختبر

سام: نشوف نجرب حظنا ان شاءالله مايكون تشابه اسماء بس

فاروق انا بصراحه يا سام اعصابي هذه اليومين قوي للاخر:اذا عتنزل انت يكون افضل وهذه لو احتجت تمشي نفسك ( خرج رزمه فلوس)

سام : تمام مابش داعي لها مانحتاج الا نعرف اسم واي مدرسه

فاروق: وغيرك ماعينفعك بحرف غير برشوه مع الأسف رغم اني ضد المبادئ هذه بس ما شهمل اي فرصه ترجع لي بنتي

بارت 69

سام سحبها منه ونزل المدرسه ( بعد ماوصل لفاروق اتصال من الكنترول ووزاره التربيه ( الموظف علي) وقال له اسم بنته الرباعي وفي اي مدرسه الي قدمت منها الاختبار.

دخل المدرسه ..

الحارس : مابش حد في المدرسه غير الوكيله مابحد المديره

سام: كان ليش فاتحين غلقو

الحارس: بيسجلو الابتدائي

سام: وانا جيت اسجل اخي

طنشه ومشي بسرعه للادراه

الوكيله: تفضل

سام متوتر : السلام عليكم

الوكيله: وعليكم السلام

اعتذرت و ردت على التلفون

في معلمه كانت جالسه شافت المكالمه طولت اضطرت تشوف : تفضل تشتي تسجل؟

سام : لا بس اشتي اتأكد ملف بنت اختي تحتاجوه او لا

المعلمه :صف كم هي ؟

سام: ثالث ثانوي

المعلمه: اكيد قد تسلم ماتدخل الاختبار الا بالملف

سام: اصلا لقينا الاصل عندنا في البيت وهي امتحنت فخايف تحصل لها مشاكل اثناء تسليم النتيجه

المعلمه : ايش اسمها ؟

سام : ايه فاروق... وكمل الاسم

المعلمه بتشوف الكشف جنبه اسم رحاب: هاا هذه الي توسطت لها الاستاذه رحاب. .اللقب !!

وقف عند اسم ولقب صاحبه بلال ويعرف ان اخته اسمها رحاب ومعلمه

سام: اها يعني كيف الاستاذه رحاب قد سجلتها هي ؟

المعلمه: ايوه تطمن أوراقها تمام وسارت للوزاره وتفاهمت معهم تقرب لك الاستاذه رحاب !

سام ابتسم وتوترر وماعرف يتصرف: ايوه .. استاذن انا

الوكيله: بس دقيقه لو سمحت

سام: طيب اجنب سيارتي سوا وارجع... خرج بسرعه وجالس يفكر وهو بيمشي نسي ان فاروق واقف منتظره كان سارح وبيربط لحظه السوق مع بلال

فاروق مشي بالسياره جنبه ووقف: ها كيف؟

سام طلع : والله ياعم موجوده فعلا في المدرسه اسمها

فاروق: كيف عرفت ؟؟

سام : الشهايد حقها بالمدرسه الي كانت فيها و ... سكت

فاروق : ايش؟

سام حس بهم كبير مايقدر يخبي عنه : والاستاذه الي توسطت لها وتعرفها وسجلتها معروفه اخت صاحب لي لو تخلي لي الموضوع واستدرج منه واتاكد بعدا اكلمك؟

فاروق : ابدا ولا دقيقه اراعي ولا اركن على حد في موضوع مثل هذا اين البيت وانا اسير لاعندها بنفسي.

في بيت بلال..

بلال دخل بسيارته هو ومرته وبينزل الاشياء الي في السياره

وجدان دقت باب غرفه ايه..

ايه فتحت الباب

وجدان : ادخل ؟

ايه وقفت ورا الباب وفتحته لها : ادخلي

وجدان بتتلفت وتتفرج للغرفه صغيره وكل شي فيها !! حبل ملابس من الطرف للطرف والزاويه

جنب الطاقة شوله صغيره والصحون فوق الطاقه دبه ماء وقلص

سرير وفوقه كتب !!

ايه ساكته بتشوفها بتتفرج

وجدان : فكرت مستأجره شقه

ايه : مثل مابسرتي شقه على قدري

وجدان : مرتاحه هكذا لو انا لاموت وفين الحمام لاتقلي خارج

بلال خلص ووقف : كيف انتي ي ايه ولا عد ابسرناش

ايه : الحمدلله

بلال: يلزمش شي او شي ؟

ايه: لا شكرا

بلال: هيا يا مره.

وجدان : اسبق انت شاجلس عند ايه شويه

بلال تمام : طلع البيت

وهي جالسه معاها

ايه : ايوه مرتاحه الحمدلله.

وجدان : مابش معش اي حد من اهلش !

ايه: الا في

وجدان : ليش ما سرتي عندهم مش احسن من عند حد غريب؟

ايه: اوقات الغرباء بيوقعوا أهل احسن من الاهل نفسهم

وجدان : صح كلامش ، يلا سهل عتتزوجي وترتاحي

رحاب دخلت على هذه الجمله وبتمزح معها: مش كل من تزوج ارتاح انتي بس عشان شليتي اخي احسن واحد

وجدان : معش حق الله يحفظه طيبته وكل شي فيه.

ايه شافتها وداخل نفسها بتهني لها انها تزوجت بلال : فعلا طيبته واحساسه بغيره واهتمامه خلاها تعجب به في البدايه بس بعدها كرهته من بعض مواقف وصرفت نظرها عنه اول ماتزوج.

رحاب : بعدين ايه ماعتتزوج الا بعد ماتشل حقها !

ايه: ايش من حق؟

رحاب : مش وقته الان الوقت المناسب شاقلش يا ايه.

وجدان : الصدق مافهمت اللغز هذا ولا قد فهمت اصلا كيف فقدت اهلها

رحاب غمزت لوجدان وشافت ايه بترتب الكتب متهربه من نظراتهن وكلامهن ماحبت تحرجها : سيري اتعرفي على زوجش اول واعرفي قصته وبعدا قصتي وبعدا الدور لآيه اخر شي .

سمعت امها بتدعيها..رحاب استاذنتهن ودخلت

وجدان انبسطت انها لوحدها معاهن : ينفع اعرف قصتش ولا بتتحسسي لو حد ذكرش

ايه : لا عادي

وجدان: كيف ماتوا اهلش؟؟

ايه : امي ماتت بمرض وابي عايش بس اهم شي عنده مرته وعمله..

وجدان : يوو وكيف سمح لش تعيشي وحدش !

ايه: مش داري انا هربت

وجدان وقفت وانصدمت: بتتكلمي صدق؟؟

ايه: والله

وجدان: يامجنونه وبلال وعمتي ورحاب عارفين؟

ايه : ايوه ليش جريمة؟

وجدان: ايوه جريمه ماينفعش بنت في عمرش تهرب وحدها وتخلي اهلها يقلقوا هكذا

ايه: مابش معي حد يقلق لو قلقوا ان قد لقيوني بس مايشتوني

وجدان: يا ايه مابش حد مايشتي بنته بس ياخبلا اوقعي ذكيه وغصب عن خالتش ارجعي هو بيت ابوش مش هو بيتها او بتضربش؟

ايه: خلاص ذلحين عرفتي القصه مشتيش نصايح حد

وجدان : طيب لاتزعلي صح الموضوع يزعل بس لو كانت خبيثه معش ف هو لان انتي صغيره الان كبرتي وتدافعي على نفسش انا لو مكانش وبلال مدح في شخصيتش وقال قويه شخصيه والله لارجع واطلع عينها

باب بيتهم وقفت سيارة فاروق و دق الباب !

ايه : انتي ماكنتي مكاني عشان تحكمي هكذا .

وجدان : لحظه ابسر الباب حين انا لابسه

من ؟؟ فتحت الباب

سام : وين بلال ؟

ابوها ماصبر : ايه هنا ؟

وجدان: لحظه..!


وذلك بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

💢 تعلن قناتنا المتواضعه☺️
قناة فقرات فخامة صنعاني😎🇾🇪
عن مسابقه وجوائزها اكيده ومضمونه
وعلى مسؤليتي انا فخامة صنعاني♨️

♻️الطلوب. من كل متسابق ارسال اجمل صورة للمناضر الطبيعيه والسياحيه من بلادهم
ويرفقها بـ ( الأسم + المنطقه)

💢وبشرط يحصل المتسابق على اكثر من 200 اعجاب❤️ ومن بعد الـ200 اعجاب وبعدها سيتم اختيار 2 فائزين حسب الاكثريه

💢وجائزه المركز الاول 50 ريال سعودي
🔅 وجائزة المركز الثاني 5 الف ريال يمني

❌وممنوع الرشق او مغادرة المصوتين

⭕️وستبدأ المسابقه عصر اليوم الثلاثاء
وستنتهي يوم الاحد الساعه الـ5 مساءً

للمشاركه لاهانا. @ALFkamah

والنشر هانا https://www.tgoop.com/+TGSgUIP9frBlMTU0

*اللَّهُــــــــــمَ*
*إنا نسألك ان تجعلنا من*
*الشاكرين لنعمك*
*القانعين برزقك*
*الذاكرين لفضلك*
*والمسبحين بحمدك*
*والمستغفرين*
‏بالإستغفار : ستسعدون ، ستنعمون
وستُرزقون من حيث لا تعلمون ❤️
👈🏿 أستغفر الله العظيم وأتوب إليه .

#صبحكم الله بالقبول 💜
🌹 *صَـٍّـبَـٍّآٍْحْ الَـٍخـٍّير*🌹

@ALFkamah

🤏لعشاق الروايات 🩵🩷

✿سيتم انزال ( الجــــــزء الــرابع)
من روايه ( انتقمت لنفسي )

للكاتبه والروائيه المتألقه (عبير الكبسي)


وجدان : لحظه.. يا ايه جاوبي
ايه بخوف : من ؟؟
بلال شاف من الطاقه ونزل بسرعه مسرع ...

وجدان : مدري واحد رجال

ايه بصوت واطي : قولي غلطان

ابوها دهف الباب بيده ودخل الحوش

بلال وصل الحوش شاف سام وابوها انحرررج..

داخل البيت..

ام رحاب ورحاب في الطاقه ( الشباك ) واقفات : شفتي قد بينقلش وانتي مع ولاتفهمي الان لو يحبسو اخوش لو يفعلو له مشكله

رحاب: قوا اهدأي يا امي محد يقدر يفعل لبلال شي هي جت برجلها محد خطفها وعتقلهم هكذا لو شلوه القسم .. بس محد يقدر يتهمه هي جت برجلها ومستأجره وننكر انحنا نعرف شي

امها : و سام ماجا يفعل ! نزيد نتبهذل ويسمعو بنا الناس

رحاب تحاول تهدأ امها : خليني اسمع الله يحفظش

أمها : قسمن بالله لو يوقع شي انه انتي السبب انا شالبس واخرج ابسر ابني

رحاب ضبحت وخرجت من الغرفه واقفه باب الحوش ماقدرت تتحمل الي شافته لبست وخرجت

في الحوش..

بلال صيح فوق مرته : انتي اطلعي البيت. .

وجدان دخلت وبتكلم عمتها الي حصل.

بلال شاف سام : لو سمحت تراعي في السياره ! عملك انتهى على. ما اظن وبيض الله وجهك ياصاحبي

سام : عنتفاهم بعدا

ابوها صيح وبيضربها : هكذا تخليني مثل المجنون فلت عملي وخالتش حنقت من المشاكل الي فعلتها لها بسببش واخر شي انتي بيوت الناس على اخر الزمن بنتي بيت الناس

ايه بتحاول تحمي نفسها وتدافع ولابكيت : انت الذي خرجتني من البيت ومرتك الي قالت انك سافرت وليش رجعت ماتت امك وانت مش داري هاجرها كل هذه السنين

بلال مستغرب كيف بتدافع ولاخافت ولابكيت من الهزوره الي هزورها ابوها

رحاب سحبت ايه بكل قوتها ..

ابوها تعب وجلس ف الارض ..

بلال: ممكن تتفضل ياعم ندخل نتكلم

ابوها شافه بضبح وبعصببببيه: عادحنا عنتكلم !! عاد فيها كلام ؟؟؟ قلها تحمد الله ماقتلتها وسيحت دمها ..

توقعاتكم بينشوفها المشكله بعد مانزل البارت الي بعده لاني اكمل انزل بارت واروح اكتب الي بعده فورا.. 😆

رحاب شافت ابوها معصب بيعرق ومتوتر ويده بترجف همست لايه في اذنها: سيري ادي ماء بسرعه

ايه : مشيت

ابوها : وين سايره والله لاسحب بشعرش من داخل البيت لدخل لداخل

ايه طنشت ومشيت

رحاب: سارت تدي لك ماء ياعم ممكن تهدأ

فاروق: كيف اهدأ بنتي لها ايام وشهور مابحد لا ليلي ليل ولا نهاري نهار

رحاب: مش انت داري ايش الي خلاها تهرب مافكرت تسال نفسك

فاروق : ايش ماكان السبب مابش بنت تهرب من بيت ابوها

رحاب: انت الي شليتها بيت جدتها او ماشي؟

فاروق: شليتها بيت جدتها ماطرحتها في الشارع من انتي اصلا وايش قرابتش لها لما تجي لعندش

رحاب: ايه ذكيه ماراحت لاي حد لقيتها انا اجبرتها تجي معي وبعدين هي مستأجره رفضت تجلس معنا في نفس البيت هذه غرفتها.

ايه جت بقلص الماء ناولته ..

فاروق : شرب منه شويه ومعصب اول ماشافها قدامه رجم القلص للارض اكتسر وقام وقف

ايه بتتفرج لرحاب وبلال بنظرات توسل

ابوها سحبها : يلا يكفي تبداع قدام الناس حسابنا في البيت..

رحاب: ممكن تهدأ شويه اشتي اتكلم معك

فاروق: تتكلمي في ايش هذه بنتي من انتي !

رحاب عصبت: ناهي بنتك ماحد نكرك لو كانت بنتك صدق مثل مابتقل اعرف كيف تتعامل معها وتتفهمها

ايه شافت رحاب خافت اكثر تفتح الموضوع مع ابوها : خلاص شاسير الف أدواتي وأرجع جي ساعديني

ابوها: سريع عاد معها أدوات

رحاب مابش معش شي هي شنطه هربتي بها سيري اديها وحدش اشتي أكلم ابوش

ايه راحت معصبه من الكل ومن وجدان ومن الموقف الي انحطت فيه حست انها ندمت انها قللت من نفسها بهذا العمل الي سوته.. تمنت لو ماهربت ولا حصل هذا كله مش خايفة من الرجعه والي بيحصل قدر مانحرجت قدام الناس واهل رحاب

رحاب : ياعم الله يحفظك ايه عترجع معك بس هي امانه برقبتك هي يتيمه ومعها خاله ماتقت الله فيها والي فعلته فيها مش قليل بس ايه مابتكلمك بكل شي

فاروق: انتي ماتعرفيها ولا تعرفي ماقد فعلت بنا والمواقف المحرجه الي طرحتنا فيها مع الناس والجيران والمدرسه انا كل يوم اسير أتعهد واوقع شكاوي خلق الله

رحاب: بس تغيرت لما لقيت حد تفهمها اتغيرت في فتره بسيطه قبل تختبر ودرست واختبرت ومستواها شاطره بس مالقيت حد يتعامل معها سوا كلكم بتتعاملو معها على انها مشكلجيه.. رجاء هذه المره اوقف مع بنتك لاتخليها تضيع منك ايه حالتها كانت لو مش بنت قويه انها وصلت للانتحار

فاروق حاسس بكل الي قالته وهذا الشي الي وصل له اخر فتره بس ساكت وبيكابر قدامهم : انا مراعي لها فوق السياره..

قام وقف شاف بلال : الله المستعان بس تذكر كم لاحقتك !!

بلال ساكت ومنقهر على وضع ايه ومش قادر يتدخل ويقول
(مش كل شي بيمشي مثل مانتمناه اوقات بنخطط لاشياء بس خوفنا من نفس الشي الي بنخطط له بيخلينا نفكر فيه كثير ونتعمق فيه ويتحقق الشي الي بنخاف منه ))

بلال ساكت ومنقهر على وضع ايه ومش قادر يتدخل ويقول كلمه عشان لايزيد لها المشاكل..

رحاب رجعت لاعند ايه وبتسألها كيف وايش الي حصل ؟؟

ايه : سام ابن جارنا وصاحب بلال هو الي قال لابي بس كيف عرف ! بلال كلمه؟

رحاب: مستحيل انتي عارفه كم اكثر من مره حاول يحميش وينكر !!

ايه : المهم قد حصل الي حصل اشتي بس منش طلب عادي تبقى الاشياء هنا احتياط! يمكن ارجع

رحاب: اكيد كل شي حقش على ماهو وانا شاتواصل معش بالتلفون اول بأول تمام !

ايه تمام حضنتها وبكيت عشان بتفارقها اول مره تحس انها تعودت عليها ولقيت حد يفهمها..

بلال شاف ابوها خرج للسياره دخل واقف جنب باب غرفه ايه : ايه !

ايه خرجت : ايش حصل ؟؟ كيف فتحتي لابوش الباب ؟

ايه : مش مهم كيف قد حصل الي حصل

بيسمعو الباب بيدق..

بلال: اذا تحتاجي شي اتصلي تمام معش أخ و أمانه لاتهمي شي مهما حصل هذا بيتش ترجعي فيه ولاتخافي

ايه : طيب شكرا على كل حاجه

بلال شانصحش نصيحه اخ:مره ثانيه لاتفكري بالهروب لو ايش ماحصل القوه الي داخلش هذه خرجيها في وجه كل من يظلمش وتحديه غصبن عنه الي مايعجبش قولي لأ الشجاعه مش ان انتي تهربي من بيتكم اليوم شفت ابوش كان قوي قلق عليش ماعتقد عيزيد يهملش ويتهرب منش.

لذلك اي حد يحاول يخليش تفكري في هذا الشي تفلتي ابوش وبيتش وحقش فيه اوقفي في وجهه وخليه هو الي يهرب مش انتي تمام

ايه كانت سارحه في كلامه : ان شاءالله..

خرجت بخطوات ثقيللللله على قلبها من البيت.

طلعت السياره ومشيت

رحاب وبلال دخلوا بيتهم

بلال شاف وجدان : ايش حصل كيف جا ؟

وجدان الباب دق وكنت لابسه قلت شافتح انا


بلال: ايوه ؟

وجدان : قال وين ايه فكرت اي حد يعرفها مش انا فاهمه الموضوع

بلال: الله يهديش يعني من عيجي يدورها يلا خير.

فوق السياره..

ابوها : ليش خرجتي من البيت ! ايش الي حصل؟

ايه : أسأل مرتك ؟!

ابوها: سالتها وسمعت منها واشتي اسمع منش ليش ؟؟

ايه : بدأت تحكي له الي حصل كله

ابوها ماصدق: طيب عمتش في البيت عنسمع القصه سوا !!

ايه باتسغراب : عمتي جت ؟؟ يعني الثنتين في البيت ؟

ابوها: عمتش بس ومعش فرصه تتحاكي كل شي براحتش وهي مابحد مابش حد يضغط عليش يعني ابسر اخرتها معش يا ايه مفكره الي حصل هذا شاسكت عليه !!!

ايه : ماعد تفرق اي شي تسويه قد سويت كل شي متعوده

ابوها بعصبية : انتي عارفه ايش الي بيبرقطني ! انش مابتحسي انش بتغلطي ابدا

ايه بعصبية : وكأنه محد بيغلط غيري وانت ومرتك مابتغلطو !!

قلتلك ميه مره انت ماتشتيني وبتحس بخزي اننا بنتك ليش هذا كله مدري عشان شوية مشاكل قلت اننا سويتها !!

فكرت في يوم تسألني ليش سويتها ماشي طبعا ولامره طيت تسال ليش سويتي هكذا دايما تصيح وتضرب وتحبس وتهدد انك عترجمني اننا بهذلت بك ولا عمرك مره سألت ليش يا ايه ضربتي فلان وكسرتي حاجه علان !!

عمرك ما سألتني من ضربش من زعلش من غثاش كل همك نفسك ومرتك الي بتجلس تعبي راسك عليا

ابوها ولا اتكلم كلمع وقف قدام باب بيتهم

خير الان انزلي ولاتتكلمي مع عمتش بشي

ايه فتحت باب السياره ونزلت: انا طالعه غرفتي ولا اشتي اشوف حد ولا حد يكلمني ويشوفني.

ابوها ضبح من عنادها ونزل بعدها

في البيت..

ايه دخلت بسرعه من الباب وقدامها عمتها

عمتها. ايه وين كنتي؟حسبش الله كيف خليتي اخي بقي له شويه ويجنن ؟

ايه طنشتها وفلتت لها الباب ومشيت لغرفتها دخلت طرحت شنطتها فوق المكتب حقها شافت عمتها صوتها بدأ يقرب بتلحقها مشيت بسرعه وقفلت الباب بالمفتاح

فاروق دخل وقفل الباب

اخته بسرعه رجعت لعنده: على وقاحه قفلت فرفتها في وجهي !! اين لقيتها ؟

فاروق : ممكن ماعد تدخلي ببنتي لا انتي ولا هاجر !!

اخته : هاجر لو تدرا ماعد عترجع

فاروق : عترجع غصب عنها عشان جهالها ومعد حد له دخل بها ايه في غرفتها

اخته: الله المستعان قد انا غريبه ماذاحين

فاروق: والله ماتوقعت اختي توقع عون للغريبه بنت الناس وتظلم بنت أخوهة اليتيمه.

في غرفتها بضبح بتتفرج الاشياء والالعاب حق اخوتها الي كانت تخزنهن هاجر عندها مرفوعات في دولابها نزلتهن ونظفت سريرها وفرشت يرقان ( لحاف سرير جديد) ..

خرجت الاشياء المكدسه عندها لفتهن كلهن في كراتين فاضيه وخرجت

ابوها كان في الصاله يلوي ويرجع يسمع ايش بتسوي !

ايه شافته : اين اطرح هولا!!

عمتها : ليش خرجتيهن عادهن جداد ؟

ايه : لأن غرفتي مش مخزن

ابوها : اطرحيهن في المخزن لما تجي خالتش

ايه نزلتهن المخزن وشافت العابها وهي صغيره وادوات كانت تحرمها منهن جمعت الاشياء الي تشتيها ورجعت الباقي وقفلت طلعت غرفتها وجلست تنظف وتكنس.

بيت رحاب ..

رجاب راحت غرفتها جلست تتفرج الكتب الي جنب سريرها في الارض فتحت الكتاب الاول استغربت انها وصلت للنص وطرحت بين الورق غصن شذاب من حق العرس ابتسمت ودمعت شافت الكتاب الي جنبه نفس الشي قرأت وبقي فيه 4 صفحات

استغربت ان ايه ماكانت تقضي وقتها على الفاضي بس ماتوقعت انها تقرأ كل هذة الكتب !! تمنت انها تخرج منها بفايده وتتغير حياتها للأفضل..

غرفة بلال ..!
في غرفته..

بلال جالس سارح خايف لو يحصل شي لآيه ولو تهرب ماترجع لاعندهم ، مسك تلفونه بيفكر يتصل بها !! رجع يتردد

مرته: مالك طيب من وقت ماراحت وانت مش على بعضك عادي يعني سارت لابوها الحمدلله رجعت لأهلها

بلال بزعل: مش انتي داريه يا وجدان الموضوع الله يحفظش

مرته: يعني تشتي تقنعني انكم احسن من اهلها !

بلال: اوقات في حاله ايه والي مثلنا ايوه احسن لها من ابوها

مرته: تبقى انت غريب لها لو ايش ماكان والناس عتتكلم عليك وعليها.

بلال: اخر همي الناس مابيفعلو لواحد غير الكلام

مرته: طيب ليش لهذه الدرجه زاعل عليها عادي خلاص مايحتاج هذا كله

بلال شافها مش متفهمه الموضوع خاف ينكد عليها ايش ذنبها وعادها عروسه قرر يكتم مشاعره لنفسه

آيه : ايش رأيك نخرج نتعشى الليل ونغير جو ؟

بلال كان بيراسل سام يشتي يقابله: تمام على طول الي تحبيه ؟!

وجدان حست براحه انها راحت بسبب غيرتها من ايه واهتمام الكل بها وما عرفت كل تفاصيل قصه ايه عشان تتعاطف معها مثلهم

( تشوفوا معها حق البنات المتابعات لو واحده فيكن مكان وجدان كيف موقفكن !! )

بعد المغرب ( بيت فاروق)

وصلت هاجر وجالسه مع اخت زوجها تتكلم..

هاجر : الحمدلله على السلامه فرحت انش جيتي

اخت زوجها: لاتفرحيش هو الا شهر امد مايتشطب بيتي الصدق مع بنت زوجش ماقدرش اجلس ايش الاخلاق الي معها تخيلي تقفل الباب في وجهي ولاتسلم على عمتها

هاجر: هي هكذا والي فعلته فينا شويه ! بس عشان تصدقيني

اخت زوجها : صدقتش والله يعينش ويكتب اجرش

فتحت باب غرفتها بدون ماتكلم حد وراحت المطبخ تسوي لها عشاء

هاجر خططت هي واخت زوجها واحده تراقب ايه وواحده تفتش غرفتها تشوف وين الذهب

هاجر دخلت الغرفه وعصبت خرجت بسرعه : تخيلي فرشت الغرفه بحقي الادوات !!

اخت زوجها : اصاه لاتفضحينا ذلحين شوفي الذهب اهم

هاجر رجعت بسرعه للغرفه بتدور كل مكان ..

اخت زوجها شافت ايه خرجت من المطبخ رفعت صوتها عشان تسمعها هاجر: كنتي تراعي لنا نتعشى كلنا سوا

هاجر بترجع السرير بسرعه مرتب مثل ماكان...

دخلت ايه واقفه : ماتشتي ؟؟

هاجر: ليس شليتي حقي اللحاف حق السرير عادو جديد ماقدر فرشته ولا تستاذني

ايه: من اليوم ماعد شاستاذن شي البيت هذا بيتي ولي فيه مثل مالش فيه بزلط ابي

عمتها:ايه عيب عليش تحاكي مع امش سوا

ايه شافتها باحتقار وضحكت : ماشارد عليش واقلش ايش معنى ام وخاله لأنش ماتعرفي امش ولا اتصلتي لها يوم تسالي عليها انتي وأبي

هاجر: بتبسري على وقاحه ؟

عمة ايه: ياسعم من اين جت من الشارع كيف عتكون ردودها اخرجي بس من هنا خليها

عمة ايه: ياسعم من اين جت من الشارع كيف هتكون ردودها اخرجي بس من هنا خليها ساع الكلبه وحدها

خرجين وايه غلقت بعدهن الباب بالمفتاح وجلست تاكل رسلت لرحاب رساله تطمنها

خارج الغرفه..

هاجر : والله مالقيت فلس ولا ذهب مابقيت بقعه قشعت السرير وبين ثيابها وتحت السرير ولا لقيت حاجه

اخت زوجها: يعلم الله لمن ادتهن او من ضحك عليها وسرقهن بعدا مادريت ولا رضي يحاكيني اخي وين كانت عند من ؟؟ عندش خبر !

هاجر: ولا رضي يقلي ولا دريت .

جنب المطعم في السياره

بلال جاوب سام في التلفون: وينك اها ايوه شفتك يلا جاي لعندك..

قفل ولفت لوجدان: شاستاذنش ياروحي اكلم سام وارجع

وجدان : طيب مراعيه لك

بلال وصل سلم على صاحبه : الله المستعان على الذي فعلته اليوم يا صاحبي

سام مسك دقنه: ياعيباه يا بلال هذا الوقت كله مخبيها وانت داري انحنا كنا ندورها

بلال: كيف دريت انها عندي ؟

سام : ابوها ما فلت مكان ومادور عليها فيه وبعدا شك حين سحبتو نسخ لشهايدها سار الكنترول بحث على اسمها و أي مدرسه وعرف انها مع اختك

بلال : كنت تتصلي تكلمني

سام: بصراحه كنت غاثي على وضع ابوها وماقدرش اخبي عليه موضوع مثل هذا وهو جارنا ثانيا انت خبيت عليا وضحكت على عقلي وجلست تدورها معي هذك اليوم و كأنني قدامك ابن خمس سنوات

بلال حس بغلطه : حصل خير بس تتوقع يكون قاسي معها !

سام بنظره تعجب: ليش مهتم بها لهذه الدرجه عادك عريس!

بلال : يا اخي كيف افكاركم ماناش داري وايش فيها بنت صغيره في سنها هاربه ومعها مشاكلها واسبابها تعاطفت معها وعاملتها مثل اختي يعني فيها شي !

سام : لا للأمانة اعرفك مابش مثلك واخلاقك

بلال: خير ان شاءالله.. استاذنك مراعيين لي فوق السياره نرجع نلتقي ونتكلم سوا ان شاءالله.

سام تمام مد يده سلم عليه وتوادعوا :

( الشباب برأيكم من الي له الحق يزعل من الثاني سام او بلال )؟!!

بيت بلال.. وصل هو ومرته وسهرانين مع امه واخته

رحاب منشغله وبتقرا رسايل ايه ومبتسمه وبترد

بلال شافها : من بتكلمي؟

رحاب لفتت له بابتسامه : ايه

بلال بفرحه: امانه ! ماقالت لش كيف هي حصل معها شي ؟؟

وجدان شافت ردة فعله وتضايقت قامت : تصبحوا على خير

ام رحاب لفتت لبلال ورجعت شافتها : وانتي من اهله

رحاب سكتت وقفت الرد عن سؤاله وبتهمس بصوت واطي لبلال : قلتلك مرتك عتغير لا تجلس تتكلم عليها واصل

بلال : عادي تتعود بينتكلم قدامها مش وراها ولا بينقول شي غلط عتتعود

امه : عاد البنت عروسه ماينفع تغثيها هكذا سير ابسر مرتك يا ابني

بلال : طيب ..

شاف رحاب وعاد السؤال : ايش قالت لش؟

رحاب : مالها شي قالت محد كلمها وجالسه لوحدها في غرفتها وابوها تغير عن قبل بيسمعها ويسكت.

بلال : الحمدلله ، سلمي عليها

امه صيحت : استحي على نفسك واطلع ابسر مرتك

رحاب شافته وضحكت ...

بلال ضحك وطلع بسرعه : ماقد رقدتي ؟

وجدان : ويعني لو قلت هكذا معناها شارقد !!
انا قلتلك هكذا عشان تحس بي مايعجبنيش اهتمامك بها زياده ومابش بينكم شي ولامعرفه ولا قرابه !!

بلال : طيب خير لاتزعلي نفسش ولا ، انا ماحب اخبي شي وتتكلم من وراش عشان لاتزعلي حابب اكون واضح لانه لو نيتي غلط ماتكلم قدامش هكذا

وجدان :صح بس مدري كيف بينغير

بلال ضحك: طيب دلا عليا ماقد تعودت حد يغير عليا هكذا اول مره اتزوج

وجدان ضحكت : طيب يا اول مره محسسني عمرك 40 سنه

بيت فاروق..

هاجر : اشتي أسألك بس خايفه ترجع تصيح وتزعل بس انا بينهم لو ايه نسيت الذهب حق امها والزلط في المكان الي اديتها منه

فاروق: ليش ! مالقيتي الذهب ؟

هاجر: ماشي

فاروق: دورتيه سوا ؟

هاجر: ايوه ولابقيت بقعه

فاروق خرج من عندها ودخل غرفه آيه..

ايه قامت تفتح الباب بعد ماسمعت صوت ابوها

فاروق : حين سرتي بيت جدتش من آدالش الذهب ؟؟

هاجر واققه ورا الباب من خارج تسمعهم

آيه: جاركم

فاروق: من منهم ؟

ايه: ماعرفش كان في البيت

فاروق: وكيف اداه لش ماقال ؟

آيه: ولاشي ناولني

فاروق : وليش ماتكلميني

ايه: ليش انت تواصلت بي بعد مارجمتني وسرت ؟

فاروق : خلاص بطلي لقانه ذلحين علقتي على الموضوع هذا معش خبر غيره انا لاذلحين ماقد حاسبتش على هربتش هذه والله ماعديها هكذا! !

انتي عارفه كنت شاخسر كل شي شغل وبيت وخالتش بسببش قلعتها بيتهم

هاجر واقفه ورا الباب رافعه يدها وتدعي عليها

ايه: وماهمك تخسرني انا زاعل على مشاغلك الي شلتك عن بنتك اليتيمه كل هذه السنين

هاجر. واقفه وتأشر لاخت زوجها تجي

اخت زوجها قربت بتشاورها : اسمعي على مسكنه وتمثيليه بتفعل لابوها

ابوها: وين الذهب يا ايه !!

ايه ببرود : انسرق مني

ابوها :كيف انسرق ووين ؟

ايه : ليش زاعل ومعصب هكذا ؟ الذهب الي كان معي قيمه تلفون من تلفوناتك

ابوها عصب منها رفع يده يشتي يضربها ورجعها : اخر مره تتكلمي معي هكذا بتسمعي ؟

ايه: ماسألتنيش كيف عشت ومن وين صرفت وانا هاربه كل هذه الأيام؟

فاروق : يا الله خراجك احنا وهذه البنت اليوم هذا

بعصبيه : اين انسرق الذهب قلتلش؟

ايه : نسيت باب غرفتي والحوش مفتوح وخرجت السوق ورجعت و مابحد الذهب

هاجر دخلت بسرعه: قلتلك بنتك كانت في الاسواق وانت تكذبني ولا صدقتني وبهذلتني قدام الناس.

ايه: انتي ايش دخلش ! ماتتدخليش بشي بيني وبين ابي

هاجر: مش على ماتشتي يعني عنجلس نمشي على كلامش وتصرفاتش المجنونه هذه !! مش عارفه ايش سويتي؟

فاروق مسك هاجر وبصوت واطي : خلاص اخرجي انتي شاتفاهم معها انا

هاجر: ليش ! قلها كيف فعلت بي بسببها وبهذلتني قدام الناس

فاروق سحبها ومشي معها لخارج الغرفه " راعي هنا من الان محد له داخل بالثاني لا انتي ولا هي

هاجر : طيب ولو تموت ماعد اتدخل بها

فاروق وهو بيقفل الباب عليها: موافق

رجع الغرفه وجلس مع ايه : اول احكي لي بالتفصيل وين سرتي وكيف جلستي عندهم ! وفين الذهب ؟

ايه : الفلوس صرفتها محد صرف عليا شي والذهب مثل ماقلتلك

فاروق سرح في الي قالته وجلس يقلب المواضيع والشك في راسه وقرر يتفاهم مع بلال بدون ماتعرف ايه بشي.

ايه : انا اليوم سكت احتراما لأنك سكتها ماذلحين رجعت البيت بس والله مارجع على قولها ومثل ماتشتي.

فاروق : سمعتي باذنش قدامها ماقلت او ماشي؟ لا انتي ولا هي محد له دخل بحد.

ايه : و اي شي تسمعه منها لاتصدق أسألني انا

فاروق: تمام

ايه : اشتي فلوس

فاروق: ليش؟

ايه : فوقي للناس الي كنت عندهم

فاروق : طيب قليلها تجي لهنا تشلها انتي ممنوع تخرجي وحدش ماعد تخرجي الا معي

ايه : ليش ؟؟

فاروق : بدون نقاش هي كلمه وقولي حاضر

ايه : جلست تفكر انه كانت خايفه من خالتها تقول لرحاب تجي بس الان بتحاول تستفزها بأي طريقه تنتقم لكل الي سوته فيها

فاروق: بكره الصبح والمبلغ الي تشتيه عندش

ايه: شكرا

فاروق : اي شي تشتيه وحد يضايقش كلميني مفهوم ؟

ايه هزت راسها موافقه. .

فاروق قام فتح الباب شافهن الثنتين بيمشين بسرعه بربشه كانين يسمعين قفل الباب وخرج

ايه حست براااحه أبوها اتغير كثير عن قبل وجلست تبحث في النت عناوين الكتب الي كانت تقرأها عند رحاب عشان تكمل قرائتهن..

خرجت للمطبخ تشرب ماء

جالسات في الصاله يتكلمين عليها شافنها قدامهن لقين فرصة يسألين براحتهن لان ابوها نوم

عمتها : عتبطلي عنادش يابنتي خلينا ندور الذهب حق امش ولا في حسش من شي

ايه جالسه تشوفهن وهي بتشرب الماء ببرود وتوزع نظراتها بينهن ولا نطقت بكلمه نظرات تحدي واحتقار لطمعهن بعد كل الي حصل

هاجر معصبه من حركاتها : لاتكلميهاش شكلها فيها حاله نفسيه

آيه ضحكت على الكلمه فجأه وجلست تضحككك ضحك هستيري دخلت غرفتها وقفلت

هاجر : شفتي الوقحه

اخت زوجها : نفسي انتفها بأسناني مستفزه

هاجر: والله مافلتها لاوريها الجنان سوا اوريها كيف التربيه

ثاني يوم..

بيت رحاب

وجدان : قوا يا بلال خليني اسير مع رحاب اعتذر منها

بلال : يمكن احراج لها خلي رحاب تسير بس

وجدان : انا داري خايف عليها تزعل حين تبسرني ؟

بلال بضبح : وجدان رجاء خلينا متفاهمين محترمين بعض قد.شرحت كل شي لاتجلسي ترفسي في هذا الموضوع خيرات !! كثر اللغاجه في نفس الموضوع عتدخل الفكره راسي صدق.

وجدان سكتت وحست انها شكوكها وغيرتها باتغيره عليها

بلال شافها ساكته : طيب سيري انتي حرة

وجدان فرحت وقامت تتجهز بسرعه

بلال : عشر دقائق وانتي تحت شاسبق اعاجل رحاب تخلص

نزل في الدرج وهو بيعلق ضابح من تأخيرهن ساعه قدام المرايه..

بيت فاروق..

هاجر بقصت العامله : ليش تسمعي كلامها وتسوي لها كل شي لاتصدقيها

اخت زوجها : هذه بس الي تقلش ايش تسوي في البيت لاتسمعيش الصغار

العامله كان في يدها طقم فناجين الشاي وصحن التقديم

ايه سمعتهن وخرجت من المطبخ مشيت لاعند العامله طرحت يدها ع كتفها : امشي قدامي

هاجر تشتي تلحقها

ايه قفلت المطبخ ع طول بالمفتاح

العامله : لو سمحت ايه انا ماما تقول بس اسمع كبار انت صغير

ايه بعصبيه ع اسلوب هاجر: من بيدفع لش راتبش هي او ابي؟

العامله : بابا بس هذه في تقول انا مش كويس واروح مافي فلوس

ايه : ماعليش منها بينقلش ابي هو الي يكلمش وانا اليوم اخلي ابي يكلمها .. اسمعي والله لو ماتحترميني قدام ظيوفي وتصدقيها لاخليش تروحي صدق فاهمه !! بينقلش صدقيني يجو الناس تسوي من هذا الشاي بالحليب وتقدمي هذه الحلويات والفطاير في البوفيه بالترتيب

العامله : تمام

ايه : فاهمة او اعيد

العامله : مفهوم

ايه فتحت الباب وخرجت من المطبخ دخلت غرفتها تكمل باقي اللبس والاكسسوارات مشطت شعرها وسرحته على جنب كانت مختلفه متغيررره ومتحمسه تجي رحاب وتشوفها..

هاجر شافت العامله اشرت بيدها: تعالي

العامله :شويه بجي ذلحين

اخت زوجها: يا ساتر يعلم الله ماقد هددت المسكينه داخل

هاجر قامت معصبه : انا ا وريها ناقصني الشغاله تجي تزنط عليا في بيتي

فاروق سمعها وهو نازل من الدرج : خير مافعلت ؟

هاجر: اكلمها ولا بتجاوب والله لاوريها

ايه خرجت من المطبخ في يدها الصحن : لانني هددتها لو ماتحترمني مثل ماتحترمش وتسمعني قبال ضيوفي شاطردها

فاروق شاف مرته: وليش ماتسمعش كلام بنتي ؟

هاجر عصبت من كلمه بنتي : ناهي بنتك من نكرها ماعديش عيشه هذه

ايه واقفه بتتفرجها وعمتها ومبتسمه لهن من ورا ابوها

فاروق : ماتشتي شي؟

ايه : شكرا

فاروق خرج ظرف من جيبه وناولها: هذا المبلغ عديه

ايه: بدون ما اعد خلاص تسلم

فاروق شاف هاجر واخته : يلا خاطركن ماتشتين شي

بيتفرجين له بنظرات تعجب !!

فاروق خرج من البيت

ايه طلعت الطيرمانه ( صاله استقبال مفروشه فرش عربي في اعلى طابق بالبيت مكشوف شبابيكها كلها على حديقه المنزل)

اشرفت على الترتيب وبخرت المكان وجالسه في الطاقه تتفرج شافت سياره بلال ردت الستاره ونزلت بسرعه تستقبلهن

هاجر : دلا على روحش لاتتتكسري

اخت زوجها: عادش بتخافي عليها

هاجر: ماعليش شي عتبسري ماشفعل ياسعم شاسكت هكذا

ايه وقفت في باب الصاله الطابق الارضي

رحاب ووجدان دخلين من البوابه بيتفرجين الالعاب والحوش كبير وواحده واقفه قربين منها..

وجدان لفتت لرحاب بتعجب : هذه ايه ؟؟

رحاب: شكلها هي !

ايه كانت لابسه تنوره جنز قصيره وبلوزه بيضاء دانتيل نصها والنص شيفون مفصصه بلؤلؤ ابيض و شعرها على جنب كان طويل حاطه ميك اب خفيف

رحاب وصلت شافتها حضنتها : ااايه ؟؟ ايش الرقه هذه كلها ماعرفتش

هاجر رجمت جمله: من جيب عمك ماهمك

اخت زوجها: ذوق امها الله يحفظها

ايه خلصت تسلم على وجدان ولفتت لها: الله يرحمها

هاجر : يو من غير شر عليا

رحاب شافت ايه وبصوت واطي: شكله مابش داعي اسلم على حد من اولها الاستقبال واضح

ايه ضحككت اطلعي ماعليش من حد

حطت يدها حول وجدان : تفضلي اهلا وسهلا

وجدان بدون كلام او تعليق بتتفرج باستغراب ! ايش يخلي بنت كانت عايشه في هذا كله تهرب وتعيش في هذك الغرفه وبيت ناس !!

رحاب: ماشاءالله كم باقي درج انقطع نفسي

ايه ضحكت: اخر طابق هيا ادخلي

رحاب: بسم الله ماشاءالله

ايه اخذت منهن عبايتهن وخرجت تعلقها

رحاب: مش مصدقه

وجدان: انا مصدومه ! ايش يخليها تفلت العز هذا كله والفهنه وتخرج

ايه وهي داخله سمعتهن: مش كل شي بالمظاهر احيانا امراء عايشين في قصور وبيفلتوها بسبب اختلافات عائليه

رحاب حاولت تبرر لآيه : يعني بصراحه يا ايه انا كمان مش مصدقه انش قدرتي تعيشي في هذك الغرفه

آيه ضحكت: انا الوحيده الي مصدقه و والله كنت مرتاحه على الأقل غريبه وبيت ناس ماعرفهم مش مثل هنا غريبه وسط اهلي وناسي

رحاب: بس ماشاءالله شايفتش مش مسكينة مثل مافكرت وحكيتي لي بتردي عليها !

ايه : ايوه تعلمت حاجه من جلستي وحدي

((الهروب من المشاكل مش حل ، الحل اني اواجهها وماخافش منها))

رحاب: هذا الصح وقلته لش ولاسمعتي

ايه: اوقات نسمع بس مانستوعب ولانقتنع الا بعد موافف

وجدان شافت العامله دخلت رتبت الاطباق فوق السفره .

وجدان بتتفرج شي وبتسمع شي ماقدرت تصبر اكثر نفسها تعرف ايش الي حصل : ايش الي حصل معش لما هربتي من البيت ؟

ايه ذكرت انها نفس وقت مافتحت الباب لابوها كانت بتحكي لها ولو كانت استوعبت وحست فيها انها خافت تداعيها لاي حد غريب
(يعني الشكوى للناس ماتنفع ولاتغير شي من حالة الانسان بالعكس تخلي الطرف الاخر الي محد يعرف طباعه ونواياه يمسكها نقاط ضعف ويأذي الشاكي وقت مايلقاها فرصه )

وجدان شافتها سكتت وسرحت كثير: عادي اذا ماتشتي تكلميني براحتش

ايه ابتسمت لها: يكون احسن لانضيع وقت خيرات قليلي كيف مرتاحه تأقلمتي على البيت الجديد وبلال بيجننش صح

وجدان حست بغيره شويه : لا بالعكس الله يحفظه مابش احلى منه طبيعته مزاحه تفهمه وبعدين احنا اصلا ماتزوجنا الا وقد بنحب بعض قوي

ايه كتمت ضحكتها حست بغيرتها : اكيد اذا هكذا يعني يحبش لأنه صراحه طلع عيني معانده ولقانه انا وياه ماكنا نسد ابدا. ..

اول مره احمد الله انه مابش معي اخ كبير

رحاب : بس ذلحين يا مسكينه معش بلال اخوش واي وقت تحتاجيه موجود

وجدان ضبحت من الكلام عنه : ممكن اشرب ماء

ايه :يووه نسيت اضيفكن هيا قومين تفضلين

في غرفتها..

عمة آيه: انا شارفع التسريحه وشوفي تحتها

هاجر : بتشوف !! مابش شي

عمة آيه: نزيد ندور مستحيل ينسرق الذهب بتكذب

هاجر ايوه اقلش جي ادي كراسي واطلع ابسر الدواليب يمكن لما خرجت اللحاف طرحته

عمة آيه: ايوه فكره..

هاجر : جلست تقلب كل مكان مالقيت شي شافت حقها العلبه حق طقم لؤلؤ ، ابسري ؟؟

اخت زوجها: يووو تقلي الذهب هذك هو صدق حق امها او سرقته!

هاجر: والله ماعد دريت هذه البنت جننتنا مشاكل واصل.

اخت زوجها: انتي داريه خليه بقعته وارجعي قبال ابوها اساليها

هاجر : جي نطلع نتسمع الظاهر هذه الشله الي كانت عندهم لانه محد صاحبها اعرفها.

خارج في الشارع..

سام كان خارج بسيارته شاف بلال واستغرب ايش جا يسوي قدام بيت ايه !

بارت82

بلال رفع يده يسلم عليه

سام حب يسأله بطريقه غير مباشره ليش جا : ليش ما اتصلت لي قبل ماتجي افرض كنت خرجت!

بلال اشر على البيت بيده: جيت اوصلهم البيت

سام: خير او في شي؟

بلال: الله واعلم قالو وصلنا قلت تم

سام : هيا ادخل

بلال حسها غير كل مره وكأن اخر موقف اثر عليهم: لا خليك على راحتك سير مشوارك ، شويه ويخرجين شاروحهن ومعي مشاوير

سام حس انه زاعل منه: طيب على راحتك



بلال رسل لوجدان رساله : كيف الوضع ؟؟

وجدان ردت له : انا برأيي تسير تتمشى شويه وترجع بعد المغرب مرتاحات

بلال رد بمسج: تم عادو احسن مش حالي يجي ابوها وانا واقف هنا.

في بيت فاروق ..

هاجر دخلت هي و اخت زوجها. .

رحاب استغلت وضع انشغال وجدان بأتصال زوجعا ومراسلته خارج الديوان وبتكلم ايه..

رحاب: اقلش شي يا ايه وماتزعليش افضل حل ان انتي رجعتي ماكنت اشتي اقلش هكذا وانتي عندنا خفت تهربي وتسيري مكان ثاني

ايه : ساكته

رحاب: عتكملي دراستش!

ايه: ايوه شادخل معهد لوما اقرر ما شادرس في الجامعه..

خارج عند الصاله الي جنب الديوان ..

هاجر شافت وجدان : حيا بكن

وجدان ابتسمت : الله يحييش

عمة ايه: كم قدلكن تتعارفين ؟

وجدان: انا ماقدلي خيرات عادني تزوجت

هاجر: وهذك الي معش اختش

وجدان: اخت زوجي

هاجر: اها او عينكم عليها جايين تخطبوا !

وجدان باستغراب : من نخطب؟

هاجر: ايه

وجدان: انا مابش معي اخوه الحمدلله وبلال قدو زوجي

عمة ايه ضحكت: ناهي من قال بلال قلك قدو زوجي

وجدان حست باستخفافهن والتحقيق الي بيحصل : جينا لانحنا فقدنا لها

هاجر: ماشبعتوش منها وهي عندكم ماجننتكم

وجدان : اهل زوجي بيمدحوها مخلقه ومحترمة وطيبه وانا ابسرتها هكذا

ايه ورحاب بسمعين كلام خارج قامت ايه

وجدان ..! ادخلي

هاجر: وجدان واحنا ماهو ننقلع ؟؟

وجدان دخلت وبتكلم رحاب على اسلوبهن..

ايه واقفه سانده يدها للباب شافتهن بنظرات

هاجر قربت وبعدت يد آيه من الباب : خلينا نتعرف عليهن ونرحب بهن

حيا بكن

رحاب بتتفرجها بدون رد بعد ماشافت أسلوبها. .

هاجر جالسه قدامهن في الجهه المقابله لهن واخت زوجها جلست جنبها

رحاب بصوت واطي بتكلم ايه: طنشي بس خليهن ع راحتهن يجلسين واحنا نتكلم هكذا.

ايه : تمام

هاجر : كيف لو ما جت ايه عندكم !

رحاب : اسأليها وهي عتجاوبش ليش بتسأليني؟

هاجر: ياسعم ماعرفتيش طبعها

رحاب : قد جيت اليوم اتعرف على طبعها

عمة آيه: ياسعم تشتي تقلي لنا ان انتي ماتعرفيها ؟؟

وجدان منصدمه فيهن

رحاب: ايش عيفرق معش الان لو جاوبت ؟

هاجر: قلنا نسألش نشتي نوصل لموضوع مهم

بارت 83

هاجر: قلنا نسألش نشتي نوصل لموضوع مهم

رحاب: اسألي مباشرة على الموضوع المهم مابش داعي للفه هذه كلها؟

عمة آيه: ماشاءالله واللسان شكلها ماصاحبتهن الا وهن ساعها

هاجر راعي خلينا نفهم : اشتي ادرا كيف لوما جت ووين طرحت اداتها ضيعت ذهب وفلوس

رحاب بأسلوب قصف عشان تفهم على نفسها هاجر : ليش او هو الذهب حقش؟؟

هاجر: مش هو حقي بس يعلم الله من اين ادته واين شلته يحق لي اقلق وافهم مابتفعل بس الله يسامحهت بتأمن الغريب اكثر من الي ربتها ساع امها

آيه: محد ساع امي الله يرحمها.

رحاب: انا مالي دخل بمشاكلكم العائليه سدوا

هاجر: ياسعم تشتي تقلي لي مش انتي داريه بشي ! هيا شلت ذهب حين جت عندكم وهربت وقالت لنا ضاع كيف الخبر هذا

رحاب: وكيف دريتي انها جت عندنا ! ماجت

عمة آيه شافت وجدان : يوه يوه اخت زوجش بتكذبش هيا بتبسري ؟

رحاب بتشاور ايه : تشتي ننزل غرفتش؟ او اتصل لبلال

آيه: مع خليش هنا ولاتجاوبيها طنشي

رحاب ضحكت : كسرت راسي قلك اطنش

هاجر: ليش عاد المشاوره عتخلنا نشك فيكن

وجدان جالسه تتفرج رحاب وآيه ومنصدمه في خالتها وعمتها كيف هن !

رحاب مطنشتها وبتكلم آيه: كيف ابوش معش اهم شي

آيه: تعير قوي الحمدلله اول مره احسه هكذا أب يدافع عليا

رحاب: حالي وانتي وريه انش مهتمه فيه وبتسمعي الكلام وانش عاقله لو استفزتش قباله لاتجاوبيها احترام له

آيه: تمام . ايحين عتطلع النتايج ؟

رحاب ضحكت: الله والهمه اول مره اشوفش هكذا كنت اتحايل عليش محايله واضحك عليش عشان تدرسي

هاجر قامت وهي واخت زوجها وبصوت عالي: ماقد بسرت قله حيا هكذا مشاوره وسط بيتي

آيه: مش هو بيتش ومحد عزمش تطلعي .. طلعتي وسكت قلت اوقع محترمه واديتي لنفسش الهدار بهذه المواضيع..

هاجر : حسابي معش بعدين عند ابوش عادحنا على ليله مش انتي داريه مافعلتي تمام بعيني

عمة آيه: والله ان الواحد يفتجع من السرق الي داخل البيت أكثر من خارج..

خرجين من الديوان

آيه اقتهرت يتكلمين عليها هكذا

وجدان : يو كيف متحملتهن هولا !

رحاب : لاعد ترادديها طنشي احسن شي ابسري كيف طنشتي وانقلعين.

آيه : انا عادي مافي حسي منهن بس العفو منكن انتين لو ازعجنكن

رحاب: عادي ماعليش مننا اهم شي انتي اوقعي قويه واتحملي ولاتفلتي ابوش وبيتش مره ثانيه

بعد المغرب فوق السياره..

رحاب : يووه يا بلال لو تبسر كيف بيتهم وكيف ايه ولبسها

وجدان: بيتهم مادخله من لبسها

رحاب ضحكت: ناهي هو داري اصلا كيف جت كانت حالتها حاله جلس يمكنها من الشارع واصل

بلال: ليش مال بيتهم؟

وجدان : مرتاحين قوووي كيف قبلت تعيش في هذك الغرفه حقكم

بلال: تحصل

وجدان : طبيعي ردة فعلك مابسرتش الي ابسرناه

رحاب: هم هكذا الرجال مش مهولين مثلنا

بلال : انا لما شفت ابوها ولبسه وسيارته وبيتهم من خارج عرفت انها كانت مرتاحه وكنت استفزها عشان ترجع بس كانت بفتره مشاكلها مافكرت صح.

رحاب :الله يعينها صدق على هذك الأسره خالتها وعمتها اعوذ بالله منهن ادين لي الضيق وهي ساعتين كيف متحملتهن

بلال ساكت..

وجدان:مالك ضابح؟

بلال:ولا شي بس مالي دخل من كلامكن والحش (الغيبه) حق النسوان بعد كل تفرطه

رحاب: الله من ايحين ! اكبر فضولي شفته في حياتي بيقول هكذا

وجدان ضحكت : حالي خليه بس هكذا

بلال ابتسم لها ورجع يسوق وداخله فضول اكثر بس مايشتي يرجع يستفز غيرتها بيحاول يحافظ على ايه زواجهم من المشاكل هذه.

بيت فاروق..

آيه دخلت غرفتها متكاسله تصلي جالسه تفكر في دهشه وجدان ورحاب وفرحت انهن شافين عكس الي فكرين انها من الشارع ومسكينه والكلام الي كانت تسمعه من بلال حست انها باتوصل له فكره عنها غير الي فكر فيها. .

ماكملت تفكر مع نفسها الا ودق باب غرفتها. .

فاروق : آيه...؟؟

هاجر فتحت الباب ودخلت

فاروق ضابح شويه : اديتي للبنت الزلط؟

هاجر لفتت له

ايه: ايوه

فاروق: اين الطقم حق خالتش اللول (اللؤلؤ )؟

ايه: بعدت السلس من فوقها والخاتم والاسوره ( قصدك هذا) حقها ؟

هاجر : ماشي طبعا هذا رخيص فضه تقليد مش اصل اين الطقم حقي مالقيته في غرفتي

آيه: وانا مادراني ياسعم بينرفع غرفتش انا !

هاجر شافت زوجها : تشتي تتهم الشغاله بتسمع!!

فاروق شاف مرته: اهدأي ذلحين خليني اتكلم

آيه: مابش كلام ماعرفش وبس

فاروق شاف مرته: بتسمعي قالت مابش !

هاجر بنظره لزوجها ونظره لايه طيب واذا اديته !! ؟؟

فاروق: عيوقع كلام ثاني لأن ماقد فهمت قصه الذهب سوا ولا شفته وضاع وذلحين يضيع طقم من وسط البيت!

في بيت بلال وجدان سبقت شقتها

بلال جالس مع اخته : مافعل بها ابوها؟

رحاب: ولاشي بالعكس لو تبسر كيف هي قويه مستغربه كيف هربت معها لسان بترد عليهن كلمه بكلمه

بلال ضحك: عتقليلي ؟ انا عارف كانت واصل لقانه

رحاب: وشغاله ولبسها واو الصدق لو كنت معنا عتنصدم

بلال: ذلحين مادخلني من هذا كله قليلي كلمتش ماقالو لها ماسالوها ماحصل ؟

رحاب: ولاشي قالت رجعت بوجه جديد وماتسكت لحد وابوهل متعاطف معها

بلال : يا خوفي قوتها هذه ترجع تكسرها الله يعوضها بس

بيت فاروق

آيه: مابش داعي تفعل لك تمثيليه جديده ابسر الكرسي والغرفه كيف مقلوبه ماجت تفتح موضوع هكذا الا و شافت شي

فاروق شاف هاجر: دخلتي غرفتها؟

هاجر: بتقفلها مدري مامعها هنا

ت.ع.خ

هاجر: بتقفلها مدري مامعها وبتخاف عليه ف الغرفه و ايحين شادخل!

فاروق: طيب يا ايه خرجيه لو هنا!

آيه ببرود جلست فوق السرير طرحت رجل فوق رجل: الغرفه عندكم فتشوها

فاروق لفت لهاجر : سمعتيها ؟

هاجر من غبائها بسرعه طلعت فوق الكرسي الي كان جنب الدولاب والادراج مفتوحه سحبته من مكانه

هيا شفت !

فاروق :سارح بيفكر ويربط قصه الذهب و لو معقول اكتشف الطقم مع آيه كان مش منتبه لكل هذه الحركات حق هاجر لفت لها : سحب العلبه من يدها وفتح شاف الطقم !!

آيه ولا تحركت من مكانها ولا اي تعابير على وجهها مبتسمه

فاروق: مابش معش شي تقوليه!!! ماهو هذا يا ايه ؟؟

آيه: يعني قدرت تمثل عليك وتصدقها! في دقيقه خرج الطقم ! وسبحان الله الكرسي جا لوحده للدولاب هذا بالذات وانفتح الباب لها وسوا لها رنه لمكانه عشان تلقطه !!

ايحين عتركز وتشوف الحركات حقها هذه؟

هاجر : ماشاءالله على طول دفاع على نفسها التبرير في طرف فمها

فاروق انتبه لكل الي قالته ايه وفلت الغرفه وخرج

هاجر لحقته وبتكلمه

ايه قفلت بعدهم الباب بالمفتاح : والله ماتقدري عليا هذه المره

ثاني يوم في الصاله

ايه خرجت من غرفتها قبل مايخرج ابوها : صباح الخير

فاروق: صباح النور

آيه: صدقت من ؟

فاروق: الله يكملش بعقلش بس

ايه: كنت اشتي اقلك حاجه

فاروق : خير

ايه: لازم اسجل معهد ضبحت من جلسه البيت

فاروق: الموضوع هذا يشتي له نقاش وانا ذلحين متأخر على الدوام

ايه: تمام

رجعت غرفتها شافت العامله بعدت اللحاف وبتجمع الاشياء الي طلبتها منها هاجر

العاملة : والله هي ماما قالت انا اعرف انك مسكينه

آيه شافت انها ماعندها طاقه تتعاند معها قررت تهدأ وتفكر ايش تسوي...

هاجر واقفه في الغرفه: قد شفت انا وقاحه انواع بس وقاحتش غير سكت يوم يومين عشره قلت هتفهمي من نفسش مابش فايده

آيه للعامله: خرجي لها زبالتها كلها ، عادش معش هنا حاجه ؟؟

هاجر عصبت ومشيت من عندها.

في المكتب جالس يفكر في الي بيحصل خايف يدي لآيه موافقه للمعهد ومن ضغوط خالتها ترجع تهرب وخايف يرفض تهرب من رفضه والضغوط الي هي فيها ف البيت.

في بيت فاروق في الصالة..

اخت زوجها : عندي فكره

هاجر شافتها: خير؟

اخت زوجها : قومي البسي نسير لبيت وجدان

هاجر: ومادراني وين البيت؟

اخت زوجها : هي قالت لي بنت من هي واين بيتهم نسير نسأل اهل وجدان

هاجر: ياسعم عيقلولش بدون مايسألوش من انتي وماتشتي من بيت زوجها

اخت زوجها: ماعليش شي معي طريقه ضخمه هيا لاتتاخري البسي فيسع

بيت وجدان..
أمها : ايوه بنتي مزوجه لاعندهم وماشاءالله بنتهم استاذه ومحترمه

هاجر: ان شاءالله لو به نصيب الله يتمم على خير

اخت فاروق: هيا ادي لنا العنوان الله يحفظش نبدي قبل مايقع ظهر وقت مش مناسب

ام وجدان : جلست تشرح لهن البيت..

بيت رحاب..

رحاب :كملت انظف شاخرج بساعتي للمدرسه وارجع افعل الغدا

امها: على راحتش عتفعله وجدان كفايه لها تعراس

رحاب: خليهم على راحتهم حين بلال اجازه لما تنزل من نفسها تعاون

امها: مابش هذا الغنج عندي

رحاب: بس هم قد شرطوا اهلها بيت لحالها لانتفيضل

امها: ليش احنا الا 4 نتعاون ونجتمع هي الا لقمه

رحاب :طيب خاطرش

امها: الله معش

رحاب : خرجت

امها جلست نص ساعه وضبحت طلعت تصحي بلال ومرته يصتبحو..

بلال بعد ما نزل وجالس يتقهوى معها

دق باب بيتهم

خرج يفتح :شافهن نسوان جلس في الصاله وهن في الديوان..

ام رحاب : والله مالنا علم كان معها ذهب وخرجت يوم ورجعت مالقيته زد انسرقت من وسط الحوش اشياء حقنا

هاجر: ابسري مستحيل حد يدخل بيتكم ويسرق الا ذهب ايه جينا نتفاهم نسألكم لو ابسرتوه.

اخت فاروق: اسألي ابنش

وجدان ضبحت وقامت من عندهن خرجت تكلم بلال

بلال معصب: قدها عتسرقني ذلحين!! هيا تمام

اتصل بآيه..

بلال: كيف انتي!

ايه:الحمدلله

بلال: ارسلي لي رقم ابوش

آيه: ليش؟

بلال: بعدا عتعرفي اشتي الرقم الان ، مع السلامه

آيه خافت ومستغربه ليس اسلوبه هكذا !! رسلت له الرقم وجالسه تفكر ايش يشتي منه ؟

في الديوان. .

ام رحاب قامت ووقفت: مابتستحيش جايه تسرقيني لاوسط بيتي اشرت بيدها ، يلا سيري القسم بلغي لو معش شكوى وخرجت من باب الديوان

اخت فاروق: شكلها مصيبه تيه المره لقانه فرص

هاجر: يلا مش احنا خسرانين شي عنجلس بعدهم لو ما نعرف انسرق صدق او ضحكو على المجنونه هذه

في مكتب فاروق..

بلال: ممكن ياعم نتحاكا خارج

فاروق : خير ما معك ؟؟

بلال : ماينفعش نتحاكى هنا

فاروق استغرب من عصبيته وقام خرج معه

بلال: ماهو هذا الخبر !! ليش ماجيت من نفسك تحاكيني راس براس وتقل لي اين الذهب ليش تخلي النسوان يجين يقللين من احترامهن وسط بيتنا ويسرقنا !! هذا جزاتنا عاملنا بنتكم كأنها اختي؟؟

فاروق انصدم: لحظه لحظه ممكن تهدء افهم ! منهن ومايشتين؟

بلال: جو البيت حقكم لاعند الوالده اليوم يقلين اين الذهب ويسرقني

فاروق انحرج منه : دقيقه بس اسمح لي اتصل وبعدا نتكلم

بلال بعد من جنبه وجالس يتمشى ضابح ويسمعه.

فاروق : اين انتي ؟؟؟

(( الله أكبر الله أكبر الله أكبر لا إله الا الله ، الله أكبر الله أكبر ولله الحمد ))

هاجر بربشه وخوف بتشد على يد اخت فاروق: هااه خرجت مشوار انا واختك امد النواقص حق البيت حقهم تشتي تحاكيها ؟

فاروق: اين سرتي غير السوق؟

هاجر: يووه ماقد لنا الا ساعه من حين ماخرجنا يعني ماقصدك اين سرت

فاروق: كيف دريتي ببيت بلال !؟

هاجر: كيف دريت ؟؟

فاروق عصب: جاوبي من اللف والدوران حقش

هاجر: ايحين بينلف وادور بينسالك كيف دريت انت

فاروق: يعني سرتي؟

هاجر: ايوه قلبي بيحرق على المسكينه بنتك قلت اسير اسألهم لو ابسروه

فاروق: عنتفاهم في البيت تمام يا هاجر

بلال كان بيسمع كلامه في التلفون وعرف انه ماله دخل

فاروق قفل ومنحرج كيف يكلم بلال. .

بلال شافه انتهى من الاتصال وراح : اسمع ياعم لو انت الي جيت تسأل شاتفهم ومن حقك والي فعلتوه اليوم واكثر فعلناه اختي وامي جلسين يلومين ايه كيف تخرج وتخلي باب غرفتها والحوش مفتوح طبعا السرق واصل يدخلو لو مالقيوش اي حاجه سرقو دبه غاز سرقو البمبه حق الماء يعني مش ذهب بنتكم بس

فاروق: لاتبرر ، انا اصلا الذهب بكله هذا مافهمت ولاصدقت ايش قصته امد اسرق او اكذبك

بلال: خلاص ماحصل حصل اهم شي واحد ذلحين لايكرر الغلط مره ثانيه بنتكم ماشاءالله احترام وقويه شخصيه وذكيه والي يغلط في حقها بتدافع على نفسها حاول تتفهمها وتتقرب منها امد تكسبها

فاروق ماحب ان النصيحه تجي من بلال: خير ان شاءالله

بلال استأذن ورجع البيت..

بيت فاروق..

فاروق وصل وسأل ايه نفس السؤال : كيف انسرق الذهب ؟

آيه حكت له نفس التفاصيل الي قالها له بلال

فاروق: رجع يسألها من اداه لها وكيف وليش هربت

ايه ضبحت: اخر مره ازيد اجاوب هذه الاسئله انا ضبحت من العيشه هذه

فاروق: اسكه يابنتي قليلي مافي نفسش

ايه: نفسي اعيش مثل كل البنات اخرج ادخل ادرس يوقع لي صحبات لما اديهن البيت ماتجلس مرتك تراجمهن بكلام لوما يروحين

فاروق: ولو فعلت لش كل شي نفسش فيه توعديني ماعد تهربي مره ثانيه؟

ايه: انا ماهربت عشان ماديت لي شي كنت ارضى اسير المدرسه بدون حق جعاله وبدون سندوتش ولو اشتريت اكل من مطعم مرتك تدي لي البواقي انا هربت لما انت خرجتني

فاروق: وانتي يا ايه الله يهديش ماخليتي لحد حاله.. خلاص ماعلينا من الي سار ذلحين اشتي ابسر بنتي واحدة ثانيه توعديني

ايه دمعت بفرحه: اوعدك

فاروق: خلاص العصر نسير نسجل معهد لغات وسواقه وكل شي تشتيه اليوم كله لش

وصلت هاجر..

هاجر بتحاول تعيد تصرفاتها السابقه وتفرض قوتها عليه عشان يخاف منها ويرجع يسمعها في كل شي تقوله : عتصدقها ؟؟ اذا ضيعت ذهب قلك توعده تتغير ماكفاك الي قد وقع بك بسببها ؟

هاجر بتحاول تعيد تصرفاتها السابقه وتفرض قوتها عليه عشان يخاف منها ويرجع يسمعها في كل شي تقوله : عتصدقها ؟؟ اذا ضيعت ذهب قلك توعده تتغير ماكفاك الي قد وقع بك بسببها ؟؟

فاروق معصب: وانتي مادخلش؟؟ انا كم مره قلتلش لاتتدخليش واخر مره اعيدها واقلش لاتتدخليش

هاجر بتدافع..

فاروق سكتها : ولا كلمه زياده حاجه تخصش انتي وجهالش تكلمي بها شي يخصها تكلمني هي.

اخته قربت منهم : يا اخي ما..

فاروق قاطعها: وانتي رجاء يا اختي محد له دخل انا وياها نتفاهم ونسد.

ايه مبتسمه بتتفرجهن

هاجر بتكلم نفسها ونظرات حقد لهم: ياسعم كم عتعيش لها ، سهل عيجي لها يوم والله لاخرج كل البهذله الي تبهذلت لها بسببها

اخته : انا اسير لي فندق احسن من قلبة الوجه هذه

فاروق: سيري بيتنا مابش حد فيه خلي واحد من جهالش يوصلش ولا سرتي عندهم بيت اهل زوجش

ايه ماقدرت تمسك نفسها بتضحك من ورا ابوها على موقف عمتها.

عمتها شافتها بتضحك : الله يقلعش (ياخذك ) انتي وهذه الأخلاق .

فاروق لفت لأخته ولآيه..!

آيه غيرت ملامحها بسرعة لحزن: استغفر الله العظيم،

فاروق : يلا ادخلي غرفتش واتجهزي العصر نخرج

بيت بلال ( فوق الغداء )

ام بلال : ومايفعل لي اعتذار ابوها قد قلتلكم لاتدو لنا وجع راس هيا ماذلحين استلموا الهدره

وجدان : بس ليش كذبين وسارين لبيتنا يقلين لهم يشتو العنوان يخطبو رحاب

ام بلال: و أمش مسكينه على نياتها ، مفروض تتصل تسألني اول

رحاب: قد حصل ذلحين كله وخلاص مابش شي ليش تحلقوها هكذا بلال سد هو وابوها

ام بلال : سرت لهم للبيت؟

بلال : ماشي شليت رقمه من ايه

ام بلال : وللمه عاد رقم ايه معاك مراعي حين تهرب مره ثانيه؟

رحاب بهررت لأمها واشرت بعيونها على وجدان

بلال : اتغدي يا حجه انا فدالش من الدحس حقش

وجدان قامت وقفت : الحمدلله

رحاب: مسرع ؟

وجدان : شبعت واليوم معي عزومه مع بيتنا ، شافت لبلال بنظره : لا تتأخر شالبس بسرعة توصلني

ام رحاب :خليه يتغدا براحته ماعيطيروش بيتكم يراعولش

وجدان اقتهرت من الأسلوب وطلعت تتجهز بدون ماترد.

رحاب شافت امها : ليش هكذا تتحاكي معها؟

امها : انتي اسكتي ولا تتحاكي انا داريه مافعل تتعلم كيف تكلم زوجها مش هو سواق عندها

بلال : خير .. خير .. صلين على النبي مابش شي .

قام ورفع الصحن الي قدامه وصحنه

امه : اجلس تغدى

بلال: ماعد باقي! كملنا الصحون

امه : وليش ترفع انت ! ادعي مرتك

بلال : منشغله وانا مابش معي شي شاساعد رحاب انا.

رحاب بترفع معه وفي المطبخ وحدهم..

رحاب : انت داري ليش ييندافع على مرتك واصل !

رحاب : انت داري ليش ييندافع على مرتك واصل !

بلال: لانها مسكينه في حالها وهي امي الله يحفظها بس

رحاب: مع والله عشانك انت لأنك أحلى وأعقل أخ، وثانيا مرتك مسكينه واوقات حساسه شويه ماعليا من هذا كله هي من حقها تعيش معك وحدها بس احترام لك كبرت عقلها وجلست معنا واجبنا انا وانت نعقل أمك تتغير معها وهذه النقطه خليها عليا انا وانت قل لمرتك تتقرب من امي شويه تمدحها شويه تفعلها قلص شاي من نفسها تكسبها وانت داري كيف عتحبها

بلال : انا فدا الاستاذه حقي هنيت له الي من نصيب اختي عقل و رزانه..

رحاب استحت وضحكت : هيا سير ابسر مرتك.

بلال : ازيد اغسول معش

رحاب : عيكمل الخزان وانت في صحنين اطلع بس.

بلال سحب عنقود عنب من الصحن وطلع الغرفه

في الشقه.

وجدان قدام المرايه بتتمكيج بدأت بكريم الأساس ووجها مبيض

بلال شافها من نظرتها له في المرايه معصبه وحواجبها معقده : يعني شبح وزد يقزز كيف هذا !

وجدان ولا ردت عليه بتكمل خطوات مكياجها

بلال جالس فوق التسريحة وبيتفرجها وياكل عنب : مالش زاعله مني مافعلت ! ازعلي من امي

وجدان بتتكحل فتحت فمها لا إراديا ( حركة البنات الشهيره عند وضع الكحل ههه)

بلال قطف حبات عنب وأكلها بسرعه..

وجدان تفاجأت طرحت القلم من يدها وبتاكلهن وبتضحكك وتشوفه يضحك اكثر ! تضحك

بلال بعد ما سكت مسك راسها ولفه للمرايه: شكلش شبح صدق شوفي امانه

وجدان شافت نفسها صاحت : يووو والفعله
( الكحل مع الدموع نزل لوجهها والدموع لونهن ابيض بسبب الكريم وأسود

بلال: والله ان انتي تجنني وجميله واحب اتأمل لبشرتش الطبيعيه ولون خدودش لما يورد من نفسه بدون هذه الألوان كلها بس على راحتش اجلسي لوني وخططي

وجدان استحت من مدحه لها وهدأت شويه من الأسلوب الي حصل وزعلها

(( الرجوله مش بالقسوة والغضب وفرض احترامها لأهله حتى لو غلطانين عليها . الرجولة احتواء وتفاهم ولين وموده ورحمة ، والدين المعاملة ))

موقفه معها هذا نفعه عشان تهدأ وتستوعب الكلام منه وهي في حالة هدوء عكس ماكانت قبل مزحه معها معصبه ومتنرفزه ولو كان تكلم معها وتعاتبوا بتزداد المشكله ، وهذا التوازن مهم في كل العلاقات.

بلال: أنا عارف ان انتي زعلانه وحقش تزعلي طبعا امي كانت شويه ضابحه من هذا الموضوع وتحصل واحد وهو ضابح يتصرف ويتكلم كلام يزعل

وكبيرة في السن يعني افعلي نفسش ماسمعتي دعممي وانا بينسمع من ابوش كلام وادعمم ولا مره جيت عصبت فوقش وقلتلش ايش الي حصل ، لأنه مايهمني كلامه والي يقوله اذا انا وانتي متفاهمين شاحترمه اكبر مني وبسن والدي الله يرحمه ولأنه ابو الغاليه.

رأيكم بموقف بلال

وجدان حبت كلامه واستوعبته وبدلع : بس انا مازعلت منها !

بلال بيمسح الالوان الي في وجهها بالفاين لفت عينه في عينها : طيب زاعله من من ؟

وجدان : منك

بلال رفع حواجبه بدهشه :انا الله المستعان مافعلت؟

وجدان: يعني مش داري ! مفروض تفهم لنفسك

بلال : ليش شايفتني قوقل ؟؟

وجدان بسخريه: هاها ماتضحكش مني صدق زاعله

بلال: طيب ازعلي وشاسأل قوقل ايش سبب زعل مرتي مني وكيف افهم من نفسي

وجدان : لا تأخرني انت عارف انها عزومه غداء بس ماحبيت اكسفكم لما دعيتوني غدا وقد جهزو كل شي

بلال: شكرا شاحسبها جماله ذلحين اقطبيني انتي ليش زاعله ؟

وجدان : ليش رقم ايه معك وليش بتتواصل معها ؟؟

بلال بأسلوب مزح وضرافه: مابينتواصلش معها انا الا اتصلت بها بسس يعني اتصال بسرعه الوو ايه اي رقم ابوش وعاد لو سمعتي والله كنت معصب فوقها من الموقف

وجدان بزعل ودلع : ولو بينغير امسح رقمها ذلحين لو صدق مابش شي بينكم

بلال فتح تلفونه: وهذا رقمها مسحته ارتحتي ذلحين ؟؟

وجدان ابتسمت له بشعور انتصار : ايوه.

فوق السيارة جنب المعهد

فاروق : انزل معش؟؟

ايه : براحتك تشتي تنزل عادي

فاروق: طيب انزل معش تسجلي واحاسب وابسر ايحين عتروحي

آيه : تمام ، سجلها وراح ابوها ، كان الخوف فيها مثلها مثل أي واحده تداوم مكان مختلط وبنات جداد

بعد الكلاس الاول لها كانت مبسوطه تعرفت على بنات حبوبات عكس الي تعقدت منهن في المدرسه بدأت تحمد الله وتشكره انها بتتغير للأفضل حياتها منتظره لأبوها وجالسه تفكر لي كل الي سواه لها !! كيف ظلمته لأنه ماكان عارف بكل الي بتعانيه حست بتأنيب ضمير لأنه هي كمان ماعاتبت وفضحت خالتها سكتت على الظلم وكتمته ، أكثر شي جرحها ومش قادره حتى تعبر لنفسها به هو هذا السبب ...⤵

فوق السيارة

أبوها : كيف كان الدرس

آيه بكيت...!!

ابوها :مالش خير؟ في حد غثاش !!

آيه: أنا غاثيه ونادمه على الذي سويته واحرجتك قبال الناس لما هربت من البيت بس مش انت داري الي حصل كيف أثر فيني

ابوها اتأثر معها : طيب يا ايه انا مانحرجت من الناس ولافي حسي من حد هذا تفكير النسوان وخالتش !

انا كنت خايف بنتي وين هي ! بيت ناس؟؟

الفضيحه لش انتي مش لي الناس الي عتتكلم عليش ولو بكره تزوجتي وحد ذكر قصه هروبش ماعيخلو لش حالش هذا اذا تزوجتي مفكرة الي حصل سهل !!تعرفي والله لو حد ثاني انه قتلش بس انا سامحتش لاني شفت في نيه تتغيري وتعقلي

تصبحوا على خير و مغفرة ورضوان من الله ويرزقكم خير أعمال هذه الأيام المباركة ، لاتنسوا الدعاء بإن يصلح الله حال بلادنا والعباد


ايه: لأنك اتغيرت انا تغيرت ، بدأت تتفهمني وتهتم بي وتعرف سبب كل المشاكل ، أخيرا شفت بعينك أسلوبها من زمان وهي هكذا بس انت كنت مفكر انه انا المشكلجيه وقليله الأدب ولساني طويل ومعانده اوهمتك هكذا وصدقتها بس الآن شفتك بدأت تحترمني وتوقفها عند حدها

ابوها: الله يهدي النفوس بينكن ، هي ام عيالي وانتي بنتي والان ماعليش منها انشغلي بدراستش والجامعه و كل واحده في حالها

آيه: تمام

ابوها : وكل ماشفتش تغيرتي صدق كل ما دعمتش اكثر ووقفت معش أكثر.

آيه: تمام عتبسر

فوق السياره ..

بلال وسام وصاحبهم ..

صاحبهم: مالكم هكذا ساع الطباين !!

بلال ضحك: الله يقلعك والتشبيه

سام: هذا وهو الفصيح حقنا

بلال : هنا تشبيهات ولقانه وفي شغله لباقه وجنتل

صاحبهم : خلاص بس لغاجه ماذلحين سمعت أصواتكم

بلال : ايحين عتخطب انت

صاحبهم: عتدفع حق خطبه وتخطب لي انا موافق

سام : ابسر لك هنديه تزيد تأثث لك بيتك على الطريق

صاحبهم استأذنهم معه مكالمه شغل..

بلال شاف سام: ايوه كيفك ولاعد ابسرنا منك رساله ولا اتصال

سام: اسال نفسك

بلال : ليش يا بلال سام مارسل ولا اتصل

سام : الله عاد زبجك من حق التسعينات

بلال بجديه وبصوت واطي لايسمعهم صاحبهم : اسمع يا سام لاتخلي موضوع قد احتل وخلصنا منه يغير علاقتنا ببعض

سام : هو انت الي قلبت وزعلت عشان بنت ماتوقعتك تفعل هذا كله وتقلب فوقي

بلال: ماعيفيد شي ذلحين المشارعه و من السبب خلاص شي حصل ماعيفيد الان العتاب بشي كل واحد له سببه ونظرته الخاصه في الموضوع وانا احترم موقفك

صاحبهم رجع على اخر كلمتين : ايش من موقف ؟؟

سام : حق السياره وانت مادخلك طباين وبيسدين بيناتهن البين

ضحكوا ورجعت علاقتهم مثل قبل بعد عتاب خفيف ونفوس طيبه.

جالسه مع امها..

وجدان : هو طيب قوي ومحترمني ومتفهم الله يحفظه بس امه واصل ترجم كلام واحسها مش طايقه لي

امها بضبح: ليش مافعلت ؟

وجدان : حين مابينداولهن في الطبخ ولو اكلنا وحدنا ضايقت وتجلس تدعي بلال ياكل من جنبي وبعدا هو يستحي ويقلي هيا ننزل

امها منرفزه: قد شرطنا قلنا لهم بيت وحدش هذا من اولها هكذا بعدا كيف عيفعلوا ؟؟

وجدان: مدري ما مضبحني في البيت الا تصرفاتها

امها : وانتي لاترضيش اطبخي لش وله واذا يشتي يسير ينزل وحده.

وجدان : تمام

امها : و اجلسي في شقتش وماعد تنزليش

وجدان : حاضر

امها : افرضي كلمتش من ذلحين مش بعدا يقولو تغيرت

وجدان:هي اخته طيبه بس امه

امها: اسمعي الي اقلش وقلي حاضر بتسمعيني

وجدان: تمام


امها: اسمعي الي اقلش وقلي حاضر بتسمعيني

وجدان: تمام

امها: وبعدا يفتحو فمهم وعنوريهم كيف الرد.

(( من وقت ما الواحده تبدأ تخرج شكاوي بيتها البسيطه ، تبدأ المشاكل . بس الذكيه الي تعرف تحافظ على أسرار بيتها وتتصرف من نفسها وبأسلوبها و بذوق وأحترام وإذا فعلا في شي زايد عن حده توقفه وتسوي له حد من البدايه مش على أبسط الأمور. ))

ثاني يوم وقت الظهر..

أم رحاب جالسه وبتقطع الفاصوليا ( اللوبيا) وصلها اتصال وبتتكلم في التلفون.

بلال وصل من العمل دخل: السلام عليكم

شافها مشغوله بتتكلم يشتي يمشي..

مسكت سماعه التلفون غطتها : ها لحظه جي

بلال رجع وجلس بيأشر لها بيده : ايش؟

امه بتكمل كلامها في التلفون : مسرع قد جت تشتكي لكم ؟

بلال عقد حواجبه ؟؟! وبهمس :من ؟؟

امه سمعته بالسماعه الكلام..

بلال مسك التلفون وبيسمع..؟؟

ام وجدان : ماعتشتكي من اولها هكذا الا وهي مضايقه وانا قلت اكلمش احسن احنا شرطنا بيت لحالها وقلتو مع قلنا سهل ذلحين بنتي تجلس وحدها

ام بلال سحبت السماعه وسمعت بقيه الكلام: يعني ايش الي مضايق لها مننا؟

بلال ضبح وجالس سارح ماتوقعها من وجدان !!

ام وجدان: كيف ما مضايق لها تشتي تطبخ على راحتها تاكل على راحتها تدلع زوجها.

ام بلال: وليش ماحاكت زوجها جت تحاكيش كانت عتتفاهم معه

ام وجدان: ذلحين مابش شي يختي كل واحد وحده اريح

ام بلال: يسدوا زوجها عندها تحاكيه وهم أخبر احنا ماعلينا.

ام وجدان خلصت كلامها وقفلت.

امه : هيا ابسرت مرتك هذا وماقد بتفعل معنا مهره.

بلال : تمام خير

امه : ماهو خير ؟ مش باين انه خير اذا من اولها هكذا

بلال: مافعل !!؟؟

بيت فاروق..

آيه : خرجت من غرفتها ودخلت المطبخ

العامله بتجهز الغداء : الان اجهز اكلش واجيبه للغرفه

آيه: لا جيت اقلش شاكل معهم

العامله : تمام خذي هذا الرز معش

آيه : ادعي ست الهانم تعاونش صاحبه البيت هي

العامله: تمام

آيه دخلت وجلست معهم في الصاله مراعيه للغداء

عمتها : معجزه كيف لش خرجتي قد بنقول ان فيش حاله نفسيه

آيه: هي الحاله النفسيه تجي لواحد معه ضيوف هكذا بس لازم اتعود على الوضع شكلكم مطولين

هاجر: يو على قلة حيا هكذا تتكلمي مع عمتش

فاروق خرج: خيررر ماقد معنا؟

اخته: غثتني بنتك والله ماتوقعتها تطردني هكذا

فاروق شاف ايه: ماقلتي لها؟

آيه: قالت كيف لي خرجت او قد فيني حاله نفسيه.... الخ الكلام كله

فاروق: بس ماينفعش تتكلمي هكذا وانتي يا اختي الله يهديش قد انتي ام وجده عتجلسين تدورين هدار واصل

هاجر: هيا قومي قربي معها ( العامله)

آيه شافت اختها الي اصغر منها 10 سنوات: اسمعي كلام امش قومي قربي

فاروق شاف مرته: قومي انتي قربي عيب استحي معش ضيوف

اخته: الله المستعان قدني ضيفه يا اخي

هاجر شافت ايه: قد كنتي في غرفتش ساكهين اللقانه حقش

آيه: وهذه صالتي والأكل اكلي واكل اين ماشتي والله يحفظه ابي عايشه بعزه مش حد ثاني.

هاجر : بتبسر بنتك؟

فاروق: ولا عد شادخل الي يبدأ الاول يتحمل الي يديه لفوق راسه

هاجر جالسه تتوعدها بحركات تهديد بيدها

آيه ضحكككت بصوت : كان زمان الحركات هذه تخوفني ذلحين اتحدا بس

هاجر عصبت مشيت .

فاروق استغرب : من بتكلمي

آيه شافت اخوها ( كان بيلعب بلستيشن )واشرت : لعبته

فاروق ضحك: هاااه

هاجر وصلت وشافتها بتبرر شي ثاني نظرات عصبيه

ايه ابتسمت لها ابتسامه عريضه...

بعد الغداء ..

آيه خرجت الحوش وجالسه بتهتم بالشجر وبتسمع صياح جهال خارج جنب البيت وكأنه اخوها الي بيبكي ويقول حاضر والله شاديلكم ذلحين !!!.

فتح الباب ودخل وهو بيمسح دموعه

آيه: مالك ؟ حد ضربك؟

اخوها بنرفزه : وانتي مادخلش ..ومشي

آيه طنشته وجالسه في الحوش.

داخل البيت..

هاجر جالسه في الصاله شافته رجع: ماتشتي ؟

ابنها بيمشي بسرعه لاتركز عليه: ولاشي دخلت اشرب.

امه رجعت تجابر اخت فاروق: كنت بينقل لو ايه تقالعت معه كنت خرجت قلعت راسها قدني ضايقه منها ريت والله ومن يجي يتزوجها تنقلع من عندي

اخت زوجها: الله يعينش ويعين الي عيشلها.

بيت بلال..

وجدان بترتب غرفتها

بلال دخل: اشتي اتكلم معش شويه وبعدا تمي عملش

وجدان: اتكلم وانا بينشتغل

بلال: لا

وجدان: خلاص ماشتكلمش

بلال: وجدان مابينمزحش الموضوع جدي

وجدان : دايما تعاند مافيها لو تكلمت وانا ببنرتب بينسمعك

بلال: ايش سرتي تكلمي امش ؟

وجدان حست بنغزه في قلبها من الخوف طرحت الوسادة من يدها : ايش الي حصل؟

بلال: انا جيت اسألش انتي ايش الي حصل؟

وجدان: ولاشي بنتجابر كيف انا مرتاحه قلتلها ايوه الله يحفظه

بلال:طيب و ايش الكلام الثاني ؟

وجدان: لاتتكلم معي مثل المحققين قل لي ماوقع وانا اجاوب

بلال: هو انا بينسال لاني مش فاهم ايش شكيتي لامش عشان تتصل تطرح شروط و أوامر ومدري ايش مال الطبخ ؟ من قد اجبرش تنزلي تطبخي؟

وجدان: انت مابتسمع الكلام الي بيحصل وانت مابحد كله كلام يجرح وينقص من قيمتي..

بلال : لأني مابينسمع تسيري تسمعي امش وتشغلي بالها وتخليها تحس انحنا بنعذبش وانتي مرتاحه قمتي من النوم وشويه وتنزلي تتغدي والأكل جاهز. ..!


وذلك بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3