ايه كانت تختار احسن شي لياسمين وتشوف اخت زوجها تاخذ مثله وعده انواع والوان للعروسه.. تحسست منهم شافتهم بيشترو لسليفتها كسوه من افخم واحسن الاشياء وذهب بس بضعف مهر ايه ومش مهتمين بوضعهم ابدا تذكرت سفره ووضعهم وززززعلت.. اخت عمار : طيب مادام عتلفين احنا عنخطى ونرجع العصر نخرج سوا.. ايه فكرتها بتتهرب منها لاتروح معهم البيت : طيب

ياسمين : وانتي تعب عليش وحامل تعالي نرتاح شويه وتشربي عصير او ماء

ايه : قدو وقت غدا.. مارأيش نسير نتغدا
ياسمين : تمام مابش معي شي انا وانتي

ايه : لحظه شاحاكي عمار

بيت اهل عمار.. اخته راحت لاعند الام : يو لو تبسروا ايه جننت

امها : ليش

بنتها : ايش ماشلينا للحريوه بتشتري

امها : بغير جناااان  مالها ماقد تمت سنه .. قد عتبدء الجنان والله لاجننها سوا واعرس لهم عرس خرافي واخليها تخرف

بنتها : من اين له زلط ؟  امها : عادو جا يتريحم انه عيسافر وانه تسلف واثث.. الله لاوفقه لو بيكذب عليا.

بنتها : مارايكم تخرجو العصر وتبسروا.. بتتعذر انه لخطيبه ابن خالها تتخايل انحنا هبل عادو الا تزوج قلك خطب.. قلبتني جاهله تخرط عليا.

امها : خليني العصر شاسير مع الحريوه انا ومعها وان ماخليتها تكسيني معها .. اوريها الفقعسه والمطابنه .. اختها : انصدمت فيها عادني الا صدقتكم كنت اقل ترحم طلعنا احنا نرحم.

بعد ماتغدين وتجابرين رجعين خلصين راحين وبدأين بالعطور وادوات التجميل.. ايه اتصلت لاخت عمار : هيا جين قلت له عنشتري لحريوتين قال عيخفض

اخت عمار : اي محل انتين احنا ف وسط السوق

ايه بتوصف لها .. اخت عمار : اطلبي 3 من كل شي .. ايه تمام هو عيجهز شنطه كامله مكياج عطور وقلافد .. اخت عمار : قليله 3

ايه استغربت لمن معقول لاخت زوجها : تمام

ياسمين شلت الاكياس من يد ايه : انتي داريه شتصل ب اكرم لانه قد القلافد.خيرات وانتي واحمه.. ايه : تمام عنخرج وقدو مغرب وماعد بش أشياء تقريبا كل شي شليناه

ياسمين : ايوه الحمدلله.

ياسمين : ايوه الحمدلله.



ايه : بقية لاشياء سهل عتخرجي مع الاء..



ياسمين كانت بتراسل اكرم :  : تمام


رد عليها حلو انا قريب منكن خمس دقايق وانا عندكن.



دخلت عمتها واخت عمار ..


ايه جلست تنقي هي وياسمين عطور حاليه


صاحب المحل بيقلهن سعر العطر


عمتها جاوبته : مع مع ادي ارخص ماهو هذا الجنان ششتري محل



ايه بتكلم عمتها بصوت واطي : هذا لها مش للحريوه



عمتها لفتت للي جنب ايه : من هي تيه ياسعم



ياسمين استغربت


ايه : هذه ياعمه مرت ابن خالي..


الرجال : ذلحين ماقلتي معنا زباين ..


ايه شافت ياسمين : عجبش شليه


ياسمين خرجت فلوس وزي المتردده منحرجه من عمه ايه حين قالت لا ...


عمة ايه بتشاور بنتها : ابسري والتمثيل قد.زلطها عندها امد نصدق.




ياسمين خرجت الفلوس وجاوبت اكرم : ايوه لف يسار المحل ف الركن وادخل لاعندي شل الاكياس امد.



العمه : زيد ادي واحد..


الرجال يلله الحساب ع ال3 بيكون...ادا المبلغ


عمتها : خلي 2 حسابهن لحالهن وواحد لحاله


ايه بتتفرجهم سكته


الرجال لفهن كلهن في ا كياس ..


ايه ناولته المبلغ حق شخص واحد. وشلتهن..


العمه كانت ملتهيه ببنتها بيتكلمين..

الرجال وهولا حقك ياعمه


عمه ايه : هيا حاسبي


ياسمين شلت الاكياس منها وراحت لاعند اكرم


ايه قد حاسبت : يلله خاطركم ابن خالي جا مع السلامه.


عمتها عصبت جلست تدعي عليها...

صاحب المحل رفض يرجع الاشياء.. وحاسبين على الشنطتين هن.




فوق السياره..


ايه : اطرحني ف البيت اول



اكرم : بيتش؟ او البيت الكبير



ايه : بيتي


اكرم :طيب.


ياسمين : تسلمي يا ايه وسامحيني تعبتش كثير



اكرم : هي اختي سهل لاتعبت لاخوها


ايه : اكيد الله يسعدكم يارب.



بعد ماوصلها  راحو طريق بيتهم ونزلوا.



ياسمين خايفه ومتردده..


اكرم : ادخلي مالش


ياسمين : مش عارفه ما اقلهم و


اكرم : منهم ؟ اولا مابش حد ف البيت ثانيا من الصبح العمال عيجو يكملو الطرحه الي فوق يعني اسبوع عشره ايام وقدها جاهزه شقتش لاتقلقي


ياسمين : طيب هات الاكياس اشل معك


اكرم : ادخلي بس

ياسمين دخلت وحست بخوف كانها عتشوف مرته الانسانه الي هي جت مكانها والي ياسمين شلت زوجها...



اكرم فتح لها باب الغرفه : وهذه غرفتش ياقمر ادخليها ونوريها



ياسمين : فضيعه ذوقها انيق قووووي



اكرم : تليق بصاحبتها



ياسمين ابتسمت له


اكرم جلس فوق السرير وطرح الاكياس بيفتحهن ..

وريني ماشليتي يلله ..


ياسمين انا اسير اصلي وانت اتفرجهن براحتك..

اكرم فتح الباب ووراها الحمام..

ورجع الغرفه. . بدء يرتب لها العطور فوق التسريحه..

اتصلت امه يروح لها..

اكرم قرب جنب باب الحمام: انا شاسير ادي امي وارجع


ياسمين بعد ماخرجت تجملت منه رتب لها اشيائها..


اختارت لبس انيق رقيق نشفت شعرها رتبت حواجبها ودهنت وشها ( استغنت عن المكياج ) وتعطرت..

شافت القراطيس والاكياس ف الغرفه رفعتهن ورتبت وحاسه بفررررررحه وكأنها عروووسه لأول مره..


خرجتهن للمطبخ..


فكرت تفعل عشاء..

طبخت الفاصوليا والشاهي ورتبت القلصات ودفت الخبز وغسولت شويه صحون ف المغسله كانين  ورجعت خرجت من المطبخ شافت الغرف وحست بخوووف ومغصص لما تذكرت ان واحده منهن لزوجة اكرم ..رجعت بسرعه غرفتها بتخرج بقيه الملابس من الاكياس وتعلقهن..



اكرم وامه وصلوا..


ياسمين سمعتهم دخلوا خافت.. كان باب الغرفه حقها مفتوح جلست متصنمه..


اكرم شاف امه وابتسم : عتجو تبسرو حريوه ابنكم



نجوى عوجت له فمها : عيزكيك عقلك اخطى قبالي الاول انت


اكرم حب يدها ووطى صووته : محجورين بحجر الله  قد وضحت لكم كل شي وكل الي مرت به مش هي ناقصه امانه عشان خاطري.


امه غمضت عينها بضبح وسبقته للغرفه



اكرم كان خايف من اي تصرف من امه يزعلها



ياسمين قامت ومشيت لاعند عمتها وسلمت عليها



نجوى بتتفرجها بنظرااات ( صح حلووه وبشوشه وملامحها طيبه بس مش مرتاحه لها )

 بتتكلم من نخرها : الف مبروك


ياسمين : الله يبارك فيكم تسلموا



نجوى خرجت : يلله شاسير اصلي ..



اكرم شاف ياسمين بانبهااار اول مره يشوف كيف شعرها وشكلها متغيررر وحلوه ورقيقه رغم انها بدون اي مكياج : وانا اخرج اشل لنا عشا وارجع



ياسمين : لا قد انت تاعب من الصبح لوي قد فعلت عشا.



نجوى شمت ريحه طبخ قربت للمطبخ ولعت اللمبه ودخلت والمطبخ بيلمع غسولت وطبخت وجهززت... اسسسسستغرررربت وخرجت.





بيت عمار..

 

عمار : وين السوق الي جحفتيه ؟؟؟


 ايه بصدمه : عندها بس مش لهذه الدرجه جحفناه مالك



عمار : يعني مرت اخي تشل من حاجه حاجه وانتي اربع ليششش !! عتزوجيني باربع



ايه مستغررربه مسرررع وصل له الكلام ..خفعته بالشنطه : اربع في عينك مالك بتدور هدار قدني تاعبه..


جلست


عمار : يا مفتريه انتي بينخبي الزلط وانا ساير اغترب عشانش هيا خرجي الزلط خرجيها



ايه : لاحول ولاقوه الا بالله مالك ياروحي مابتدوووور مافي نفسك



عمار : ولاشي سلامتش ، بس كنت مراعي اشوف الاكياس ولما ماشفتهن تاكدت انه الي ف بالي صح.





ايه ساكته : الله يعينهم ويهديهم يارب كنت عارفه ان هذا الي عيحصل ..




عمار : قد تبدعتوا خارج قبال الناس


ايه زعلت من كلامه : انا !!!

عمار : اقصد هم قد وقع خارج شي



ايه : لا ولا شي ودعمم لو حصل شي احنا عنسد



عمار كبرت ب نظره : الله يتمش بعقلش ويخليش لي
خرج من جيبه فلوس : وهذه لش سيري اشتريلش للعرس فستان وتسرحي وتكوفري



ايه " مابش داعي سهل



عمار : شليها قدي حقش خلاص.






ف بيت اكرم


ياسمين شافت اكرم بيصلي وو فكرت تخرج للصاله عند.عمتها..


ام اكرم ف المطبخ


ياسمين : عمه


نجوى لفتت لها : ماتشتي ؟

 
ياسمين : ولا شي بس قلت اجي اقرب معكم



نجوى بتتكلم بدون ماتلفت لها : ها تسلمي كثر الله خيرش قد فعلتي كل شي



ياسمين : الله يسلمكم  شلت قلصات الشاهي وعمتها قربت الصحن ودخلين



اكرم خرج : ماشاءالله كيف دريتي بقعه الاشياء



ياسمين انحرجت : العفو منكم فتحت الثلاجه وابسرت الي قبالي وفعلت




نجوى : لا مافيها شي  قدو بيتش



اكرم فرررح يفكر ان امه بتمدحها وهي بترزعها...




تمو يتعشو ..

وقامت رفعت الصحن ياسمين



نجوى :دخلت تغسولهن


ياسمين : يو مايسبرش تغسلو انتو ادخلو ارتاحو قال لي اكرم ان انتو بتنفضو وتجهزوا للعرس اكيد قد انتو تاعبين



نجوى بمسخره : وانتي حريوه مايسبرش



ياسمين انحرجت وبا ابتسامه : هن صحنين ماعيوقع بي شي.



نجوى تجملت منها ونفس الوقت فكرتها بتمثل الحماشه تكسب قلبها.





ف الغرفه. .


اكرم ابتسم لها : تسلمي لي .



ياسمين : الله يسلمك



اكرم : مالش


ياسمين : هزت راسها ب ولا شي



اكرم : اوريش شي



ياسمين : ايش



اكرم خرج ورجع معه صندوق جلس جنبها و  فتحه : تذكري هولا..



ياسمين بتتفرج المقشطه الي ادت له زماااان وهم ف الابتدائي ضحكت والرساله الي كتبتها له في الثانويه انحرجت : يووو الله يسامحك كيف كان خطي وعادك محتفظ بهن



اكرم ضحك : نعمممم واغلى شي ع قلبي



ياسمين : وماعد هذه الملعقه ؟



 اكرم : في البازار لما فعلتي لي فيه اكله من يدش لو ينفع يدخل الصحن في الصندوق كنت خبيته



ياسمين : خاتمي ..


 اكرم : تذكري لما خبيته  وقلت بخطبش به



ياسمين ضحكت


اكرم شاف ف يدها مابش دبله لبسها : ليش ماشتريتي دبله اليوم



ياسمين سكتت



اكرم : نخرج بكره نشتري لي ولش



ياسمين شافت يده لابس دبله...


اكرم لاحظ : سكت




ياسمين : كيف قدرت تحتفظ بهن للان



اكرم : اي شي منش متعلق بش محتفظ به ف قلبي..



ياسمين : فكرتك نسيتني لما تلاقينا

اول مره..



اكرم : نسيتش !!! تصدقي نسيت كل الي كانو حولنا وبنظره منش رجعتيني لايام زمااان

بيكلمها وهو بيشوفها : نظرات عيونش هذك هي..


يوووو كم تعذبت يا ياسمين لما رحتي من يدي لغيري ...

يوووو كم تعذبت يا ياسمين لما رحتي من يدي لغيري ... كم كنت كل ليله اتمنى اقتلش انتي وياه ، كم كرهتش من كثر حبي لش كان كره بحب قووووي بغيرررره.. ياسمين تضايقت من الذكريات : قوا يا اكرم انسى كل الماضي الا ذكرياتنا مع بعض ماعد اشتي شي غيرك وبس تعبت .. اكرم باس يدها : سامحيني ماتوقعت تتضايقي وعد ماعد نذكر غير احلى ايام عشناها والي عنعيشها.. ثاني يوم المغرب .. مجد ضبح اكرم مدعمم ولا بيداوم  والعمل والتجهيز والحجوزات فوق راسه .. نجوى دعته لغرفته : اكرم عتشلني بيتنا

اكرم : حاضر بس هذا الساع ؟  نجوى : عيوصلوا بيت خالك عماد الفجر وبكره مغديين نص عيسير ينظف بيتهم والنص عيجهز للغدا

اكرم : طيب وياسمين عتجي معاكم

نجوى : بكره تجي سهل ما اليوم شافهم نسوان اخوالك لايتفلسفين ويحرجنها ويزيدين بالاسئله

اكرم : ايوووه تمام الله يحفظكم.

اكرم ولع تلفونه وصل له اتصال : هلااا مجد

مجد : يا اخي الله يسامحك بس

اكرم ضحككك : عترجع تتراشاني ارحمك وافعلك اجازه

مجد معصب بيصيح : مازززن بيلوي حانب بروحه والسفر.. وانت قمت تتزوج وتختفي وانا البج منافعهم ومحانبه مع الناس والعمل وكله والله لو ماتداوم بكره لاقفل

اكرم مضطر اداوووم حبيبه القلب جت ماعد عنبسرلك صوره

مجد : هنيتلك والروقان الي انت فيه
اكرم : روووق كله عيسبر ومن بكره ولايهمك انا معك.

بعد ماجهززين الليت ونظفين وبخرين ام ايه ونجوى

ام مجد جلست مع زوجها وعمتها ف البيت.. وصلوا بيت عماد.. مجد كان منتظر لهم مع النسوان .. نجوى شافته :  عتعقل من الخباله  مابلا اركز عيقلوا فارح مزقرع .. مجد : وهو صدق فارح مزقرع

ضحكين عليه

عمته : الله يزكيك عقلك

مجد : والله ماعد به عقل ياعمه مافعل مازن لاهي في وادي واكرم قام يحنبني بزواجته ولاعد شفته كله فوقي.. من عيبسر عمي لو يشتي شي او شي ويجلس معاكن البيت مفلت كم له.. ولا ماهي شبسرها واسبوعين وقدي عندي

ضحكين عليه

مجد ضبح : هيا ناهي لكن اقطبين قدهم ف الطريق
ام ايه : هيا سير اشتري ماء رضي عليك ومانفعل لهم عشا

نجوى : ولا به ف البيت شي ولا غاز

مجد : ششتري عشا جاهز

ام ايه : هيا سير بساعتك.

جالسات يتجابرين دق الباب فتحو وهم وصلوا.. عند اكرم ومرته ... دق الباب.. اكرم استغرب : مسرع رجعو امي الساعه 9 قالو عيمسوا هانك

ياسمين : يمكن كملو ويرجعو بكره

اكرم قام فتح باب الحوش بيسال من  سمع صوت لمياء خرج يفتح.. لمياء دخلت بدون ماتقل سلام او اي كلام : انا جيت ادي فستاني اشتي أديه لخبيرتي وارجع

اكرم قام فتح باب الحوش بيسال من  سمع صوت لمياء خرج يفتح..


لمياء دخلت بدون ماتقل سلام او اي كلام : انا جيت ادي فستاني اشتي أديه لخبيرتي وارجع اخي فوق السياره



اكرم طنشها ولا رد عليها فتح الباب وفلتها ودخل..



لمياء لحقت بعده ودخلت من الصاله استغربت في غرفه مولعه وبابها مفتوح..



فيها فضووول بس ماتشتي تفتح كلام معه دخلت غرفتها شافتها طااافيه وبتتذكر  انها لمحت دولاب ف الغرفه..


شلت الفستان من الدولاب وقررت ع خرجتها تتاكد..



شافته داخل بيتكلم مع حد صوت واحده مش عمتها قربت من الباب انصددددمت من هذه وكانها تعرفها الا تعرفها صحبه الاء ملامحها تغيرررت بصياح..


: عليش لعنه الله ياوقحه يا شوارعيه مابتفعلي مع زوجي ؟


 ياسمين : لو سمحتي تنتبهي لألفاظش


اكرم قاطعها : مرتي..




لمياء ضحكككت : مرررتك !! على من بتخرط



اكرم تنرفز وقام لاعندها بعصبيه: ماقصددددش !!




لمياء خافت: سكتت ..


اكرم : اذا انتي حق نقاش ادخلي غرفتش ونتفاهم هانك



لمياء باستحقار اشرت عليه وع نفسها : انااا تناقشني بعد الأشكال الزباله هذه.. اشبع بها...



خرجت معصببببه.




اكرم غلق الباب بعدها بنرفزززه ع وقاحتها






ياسمين سااااكته ماعلقت ع حرف



اكرم :  والله لو ما مسكت نفسي لاكنت اديلها كف بس مش مرجله تتربى بضرب او امد يدي عليها لكن انا شاربيها بطريقتي



ياسمين : خلاص لاتضايق نفسك اصلا تفاجأت ؤدة فعلها طبيعيه




اكرم : الا الغلط وقلة الذوق هذه انا منها للنخرررر ماخلتني احترمها يوم بسبب تصرفاتها



ياسمين : خلاص حبيبي اهدأ  ومالي دخل منها سد انت وياها .. انا اهم شي عندي انت وبس ولا لي نفس لمشاكل ولا شي وشاتجنبها لاتقلق



اكرم ضحك استهزاء لطباعها : هذا اذا رجعت



ياسمين فهمته غلط : لا لا قوا لاتخليني سبب اني اظلمها واخرب حياتها



اكرم : تطمني انتي مالش دخل خالص وهي الي خربت حياتها قبل ماتجي انتي اصلا ماقد بسرت منها حياه




ياسمين :مالي دخل ب الي بينكم.. ابردلك اهم شي لاتعصب وبس




اكرم حس بطيبتها وعقلها وتقديرها لها وكيف لمياء عمرها ماقدرت او حاولت تكسبه وتفهمه.



بيت اكرم..


مجد وصل وهم داخل ..


الاء شافته وابتسمت وانحرجت من الي جنبها كلهم..


مجد طرح الاكياس وراح لاعند عمه
الحمدلله ع السلامه وحياكم الله منورين صنعاء



عماد : منورين باهلها هيا ماجابك هنا مابتفعل

مجد انحرج : ولاشي بس نفعت عمتي ماكنت داري ان قد جيتو



عماد. حس انه احرجه ضحك : بينمزح ماااالك سلم عليهم



مجد سلم على علي وبارك له وضحكو شويه لفت لمرت عمه وسلم عليها...


وقف وشاف الاء من بعيد ..

وقف وشاف الاء من بعيد بابتسامه : الحمدلله ع السلامه


الاء نزلت نظرها منه بسرعه قدامهم كانت منحررررجه وقلبها بيدددق وبصوت واطي: الله يسلمك



ام ايه : هيا نخطى وانتو ارتاحوا وبكره عنبسركم ونتجابر



ام الاء : يووو اول نتعشى سوا



ام ايه : مع سهل


نجوى : نزيد نسير نعاونهن البيت مقلوب ونفاض وقشاع



عماد : ناهي هو عشاء اجلسين



مجد بيتجابر هو وعلي


ام الاء قامت معهن


ام ايه : اجلسي افتهني احنا عنقرب


دخلين كلهن المطبخ..


عماد دخل غرفته يغير ملابسه



علي ومجد جالسين بيتجابروا والاء جالسه من مكانها بتتفرجهم




نجوى ناولتها السفره شافتها وشافت مجد غمزت لها : ها مديها



الاء ابتسمت واحراج : تمام حاضر قدني نوم مش مركزه



نجوى : نوم ولا حبيب القلب



مجد سمعها : عممممه حيلكم الا عليا ارحم الله
مالكم الا اكرم..



 خرج عماد  وقربين تعشوا...




في بيتهم روحت معصبه وبتصيح..


امها : مالش



لمياء : اسير وهو مع واحده وقال تزوج  ولا قال لي ولا احترمني يدخل بيتي عروسه



امها : غرفتش؟



 لمياء: اشترالها غرفه اضخم



امها : انتي هبلا زيدتي الغنج والدلع والحنوقه بو انتي قدرتي تغيريه



لمياء: لاعاد تحاكوني منه ولا شاتطلق وبس



امها : تتطلق هذه وانتي ياخبلا ارجعي بيتش وزوجش وطايريها



لمياء: طز فيه وفيها والله مارجع



امها : لاتحلفي لاتفلتيه لها ياخبلا



لمياء: ماشتيش



امها : مش على ماتشتي مابش طلاق سيري عادو الا تزوجها ع يطلقها هي.





لمياء : بدل مايجي يراضيني سار يتزوج فوقي انا !! ولا قدرني ولا حمد الله وشكره




امها : خلاص ارجعي وانتقمي منه ولا تخليه يرتاح وياخذ راحته وانتي مابحد



لمياء ماشارجع له ماشي




امها : الان اهدأي وبعدا سهل.





ثاني يوم قبل الغدا وقت الظهر ..

وصلت ياسمين سلمت عليهم كلهم وجلست مع ايه والاء ..

سمعين ام ايه بتدور فين نجوى يدعنها تجي تصلح معهن بنات الصحن..




ايه شافت الاء: والله ماتقومي انتي حريوه تحجبي وقري



الاء: وانتي واحمه خلينا نتجابر بس



ياسمين شافت نجوى نزلت تسير المطبخ قامت من جنبهن


فكرنها عتكلم عمتهن.


ياسمين دخلت المطبخ غسلت يدها وهن مستغربات


نجوى : ما تشتي ؟


ياسمين رفعت اكمام البالطو وجلست في ارض المطبخ



نجوى : يووو مع قومي والله ماتعسي شي



ياسمين : اعاونكم تعب عليكن ..




نجوى : مع والله ماتعسي شي ادخلي



ام ايه : خلاص حلفت وانا حلفنا ادخلي


ياسمين رجعت قامت ودخلت




ام ايه : الصدق ماشاءالله عليها اخلاق وتواضع مش هي ساع الاولى



نجوى : استغربت امس ماروحت الا والعشاء جاهز تعشينا وسمرنا

نجوى : استغربت امس ماروحت الا والعشاء جاهز تعشينا وسمرنتا شويه ماهذك الا عمل بنرفزه وضبح ومقالعه وطول الوقت ف غرفتها



ام مجد : مبين البنت مسكينه يلله وانتي اهم شي راحه ابنش



نجوى: الله يعوضه ويسخر له.





الاء شافت منه رساله..


ايه : لاتجاوبيش لو هو مجد خلاص ماذاحين دعمميه خليه يفقدلش للعرس



ياسمين ضحكت


الاء:من بيتحاكى وقدو يوم عرسش وبتتجابرو



ياسمين : اصلا كان بعيد ماهذا واصل بتتلاقو



الاء ضحكت: ناهي خلني ابسر مارسل




ايه جلست تتجابر مع ياسمين. ..





ام الاء والجده بيتجابرين طالع ورتها شقه الاء وعجبتها بقي فيها بعض الاشياء ناقصه..




عند الرجال بيتجابروا ويعلقوا على زواجه اكرم...





بعد الغدا البنات بيتجهزين ويلبسين


ايه شافت ياسمين : انتي داريه بعد بكره النقش حق سليفتي وبعده الحفله مارأيش اشلش معها تتصلحي عند كوافير وتلبسي الفستان الابيض الي اشتريناه



الاء :ايوه احكي لي كيف الي حصل كله



ايه: لاتقاطعيش عتحكيلش بعدا خلينا نقنعها الان تتصلح مع سليفتي



الاء: ايوه مش على ماتشتي نشلها صميل



ياسمين : بس عاد امي واخي  وعمي


ايه : الله يرحمهم كلهم خلاص قلنا لش وانتي لاهو عرس ولا شي البسي ع الاقل لنفسكم وتصوروا



ياسمين :طيب



الاء: يلله ذلحين احكيلي..


جلسين يتجابرين



عدى اليوم بدون احداث مهمه...



بعد يومين..في عرس سليفه ايه


ايه لبست وتصلحت وراحت مع اهل زوجها

جلست لحالها وكانين يتجابرين ويتشاورين عليها..



ايه ضبحت شافت عمتها كل شويه تمدح العروسه في الجمال وتقارن وترزع ايه..



نسوان عم عمار معجبات باخلاق ايه ويدافعين عليها ...




على مرواحهن



ام عمار : يوو عتروحي بيتش مابلا اليوم تجي معنا



ايه استغربت..: بس عمار مابش من يعشيه وو



ام عمار : عادو بيتهم يجي يتعشى مع اخوته



ايه : تمام



وصلين البيت..


عمتها دخلتها غرفه العروسه توريها


ايه انبهرت على الاختيار غيررر عن غرفتها

اخت عمار فتحت الدواليب: زد كسيناها وطرحنا لها ف الدواليب



ايه : ماشاءالله حالي روعه الله يهنيهم



عمتها ضبحت آنها ما تأثرت... : انتي مسكينه حظش جيتي مافكرنا نفعل هكذا




ايه : سهل ما قصرتو كثر الله خيركم



عمتها ضبحت : هيا عنتجابر هنا ونطرح روح وعين ف الغرفه اخرجين جهزين العشاء.




ايه : اشتي اصلي يا عمه اين ثياب الصلاه



عمتها فتحت لها غرفتها القديمه هي وعمار : جي هنا مكاني قد شليته مكانكم وضحكت..



ايه : هو حقكم اصلا..



ام عمار :هذا اكيد


ايه : اين ثياب الصلاه ادخل اتوضا



ام عمار خرجت لها ثياب : واسرعي امد تعاونيهن ف المطبخ

ام عمار خرجت لها ثياب : واسرعي امد تعاونيهن ف المطبخ



ايه دخلت الحمام بكيت من النفاق الي قد شافته وغسلت وشها سريع لايبان عليها واخذت نفس وخرجت للغرفه وبتصلي ..





ام عمار : يو او قدهن تراويح لش نص ساعه



ايه : مغرب وعشاء ماصلينا ف القاعه




ام عمار : كملتي


ايه: الحمدلله الان شادخل اعاونهن..


دخلت المطبخ وجلست تشتغل بمماطله بدون نفس زي زمان...



ام عمار بتكلم المعاونه الي معهم  : وبعد العرس كوني جي يوميه اخبزي وعاونيني ف الغدا امانه حريوه عامر مابها سخى يدها تدخل التنور..



ايه ساكته وبتحمد الله انهم قد خرجوا من عند عمتها..



المعاونه : ناهي جي احركي يدش وعاونيني ذلحين العجين ملان



ام عمار : ايه عتخبز معش



المعاونه انحرجت لاتجرح ايه بعد كلام ام عمار ع العروسه : ابسري بطنها مايسبرش



ام عمار : سهل خبزنا وقدحنا ف التاسع مايقع بها شي




ايه : ماقدرش اخبز يدي فالتات بينحس بهبوط عينكعين الخبز. .


ام عمار تبرقطت كسفتها..






في غرفتهم..


اكرم فعلها مفاجأه ولبسها الدبله وناولها دبلته



ياسمين فرحت بها ولبسته



اكرم ناولها زلط


ياسمين : ليش هذه



اكرم : خليها حاجتش و قالو امي ان انتي عتسيري يوم الخميس مع ايه الكوافير وانا شاسير مع مجد يتصور بثياب العرس


شاشلش معي بعد الكوافير  والبس ونتصور



ياسمين فرررحت : ان شاءالله.



اكرم : كلهم بيشكروش وحبوش دخلتي قلبهم ومابسروش الا يوم



ياسمين بابتسامه : الحمدلله

 وبنظره شقاوه : وانت عادنا في قلبك  !!!


 اكرم ابتسم : في قلبي بس وعقلي وروحي وحياتي كلها انتي...



ثاني يوم..


الاء روحت هي وامها للبيت قدها تاعبه : اكثر شي وفر عليا توزيع الدعوات النت لو شي لاجلس اوزعهن الاسبوع هذا كله



امها : ماعد بش وووقت معنا الا اليومتين هذه ومن الاسبوع الثاني عرس



الاء: الله يسامحكم وحقكم السفر هذا ربشتوني ربشه ماتهنيت واحس نفسي حريوه



امها ضحكت : من يشتي الحالي صبر




الاء : اسير ارقد



امها :اين ترقدي شويه ونخرج لاعند المصوره



الاء من غرفتها بترفع صوتها : قد حجزها اكرم الي كانت بتجي معهم للصاله..





الاء دخلت شافت غرفتها الشنط حق عرسها والملابس يشتي لهن ترتيب وورق الملاحظات معلقه ف دولاب ومرايه لاتنسى ضببحت وجالسه تهممم

اتصلت لمجد ..


مجد كان اكثر منها معصب : هااا في شي مهم ؟

الاء بنرفززه وهي بتضحك : يسترر يستر قد.عيهنجم من ذلحين ركنت !!



مجد هدء : اصلا مراعي لاتصال من الجن .. يلله خاطرش معي خط ثاني .

الاء : قالين ادعممك قلت مع فاقده للقرد حقي لكن انا اوريك.. لو زدت ارد عليك

يوم الخميس حفله سليفه ايه..


ايه لبست وتصلحت وقعت رقه وبساطه واناقه وكأنها العروسه هي..



ام عمار قامت تزف العروسه تحانك ايه وكسفتها ام العروسه تجلس..


ايه شافتها وابتسمت لها ابتسامه تشفاي استغراب


بعد ربع ساعه ام عمار وقفت بتهزرها : قومي معي نسير ابسرها ماشاءالله ع حلا في سليفتش من بعيد كيف لو قربنا



ايه ضبحت وعشان تخلص قامت معها


ام عمار قربت تسلم..


العروسه رجعت راسها : لا ياعمه عيخرب المكياج والطرحه معلقه فوق التسريحه عتفلت




ف استديو التصوير..

اكرم اول ماشافها بالفستان والمكياج انذهل من جمالها  مختلفه تماما كأنه اول مره يشوف عروسه بحياته يمكن لانها حبيبته الي تمناها !!


ولا لانها ماتنحسب اي ايام حلوه الي عاشها وشافها مع لمياء..


ياسمين منحرجه قدامه وبتصلح شعرها على جنب ف المرايه



المصوره هيا مالك مطنن روح اوقف جنبها..


جلست تصلح وضعياتهم للتصوير وكانت احلى لقطات بينهم عفويه وخجل وحب ورومانسيه..





مجد مراعي هو وعلي خارج لاكرم ومرته يتمو عشان يدخل يتصور  جالس يراسل الاء : احمدي الله ان ايه تزوجت قبلش ماشي عتحنب ف حلقش ساع اكرم مدري ماحصل له ينافسني في كل شي




الاء ضحكت : بتغيرر



مجد : ايوه والله بينغير ان قد مرته معه يلله هانت باقي 10 ايام ونكون مع بعض.



اكرم خرج هو وياها للسياره



مجد استغرب انه ماعد كلمه رسل له برساله : يلله انا شاسبق مع البيت وانت تم براحتك



مجد شاف علي : بتبسررر عيال العم والعمه له الحمد انك زد معي


علي: نكسب خبره لو دريت انني عرست معاكم


مجد : لا حول ولاقوه الا بالله

علي ضحك : هيا ادخل ها دورنا




بعد المغرب فوق السياره ..


اكرم فاتح زفه وبيزف نفسه هو وياها ويطرقوو


تجمعت جنبهم سيارات وبيطرقو معه ..


اكرم : ووقع لنا عرس ..


وقف جنب محل فل ونزل اشترا لها عقد فل كبيرر




وصلوا البيت والغرفه مجهزه مبخره والشذاب في المزاهر  والورد منثور مع فل فوق السرير ..



ياسمين : رووووعه تسلم لي..



اكرم : تسلمي انتي


ياسمين : انا ف الكوافير من الصبح



اكرم تذكر انه مر لجنب البيت ووصل امه والاء  : هاااا الاء جت بيتنا مع امي الصبح قد بينقل ليش رجعين




ياسمين ضحكت : جبرها اعوضها ف عرسها ان شاءالله.






بيت اهل عمار..

امه بتجابر سلايفها والجيران: ولا رضيت تروح معنا بنقلها بكره غدا



سليفتها : قد قالت عتبكر وتجي تعاون وتشتي تجهز لزوجها عيسافر بكره الليل



ام عمار : هيا ابسرتين على ملعنه وكودكن تدافعين عليها بكره معنا غدا الصباح حق حماها ومخرجه نفسها ساع ماخرجت ابني من عندي ..

بيت اهل لمياء.. امها دخلت لغرفتها : هيا يكفيش رقده الساعه 11 قومي

لمياء فتحت عينها
امها ناولتها الدعوات : عرس ابن خال زوجش على بنت خاله ادعو دعوات لنا وللرجال

لمياء بضبح : على قله ذوق وعادهم بوجيههم يعزمونا

امها : مااافيها

لمياء : كيف مافيها ولايستحوا زوجوا اكرم وزد يعزموني

امها : انتي بالغنج حقش هذا عتخربي بيتش سيري تعرسي وروحي معه ونفذي خطتنا.. لمياء جالسه تفكر وبتشوف وضع ابوها ماعدوش مثل اول بدون عمل وانه اكرم مرتاح ومرته تتهنى لحالها بزلطه .. قررت تسير وترجع معه وتخليه يطلقها.

امها : هيا ماقلتي ؟
لمياء. : ناهي تمام

امها : ايوووه هكذا شغلي مخش .. ثاني يوم بعد الظهر ( اول ايام عرس الاء يوم الحمام).. بيت عماد.. ايه رغم الفرحه الي في البيت بس كانت سارررحه وزاعله على فراق عمار وسفره.. الاء : غلقي لي السلس ماقدرت

ايه ساررحه

الاء : ووو وين انتي

ايه قامت تغلق لها السلس : ماقد تميت اسبوع على سفره كيف شفعل لحالي سنه.

الاء : هيا بطلي زعل عشان لايجي لش نونو نكدي احسش الفتره الاخيره ماعد انتي مثل اول

ايه : قد المشاكل الي وقعت وسفره كرهتني الزواجه

الاء : هيا لايسمعش يزعل احمدي الله اهم شي هو ماله شي معش

ايه : يو ماهذا والله انه مش مقصر بشي بالعكس لكن انا بينقلش ليش تغيرت

الاء : تذكري انه سفره عشان يرجع وترتاحو من هموم واشياء خيرات قد الوضع مش سوا .. والان مالي دخل شازعل منش تجلسي تعددي واحنا سامرات.. اشتيش تفرحي معي وتنسي امد
ايه ضحكت : يعلم الله اننا فارحه لكم من كل قلبي بس مافعل فقدت له

الاء: سهل قد بتتواصلوا واصل

خاله الاء دخلت : يووو ماقد تميتي المغنيه مراعيه تزفش

ايه يلله خمس دقايق بس : قامت تصلح لها القناع وتلبسها الفضه.. الجده دخلت : قد انا داريه سبب التأخير لاجتمعتين الثنتين ماعد يتم مجبر هيا ماعد باقي معكم من هدار تيه تزوجت وتيه قدي في طريقها

ضحكين  على جدتهن.. الجده : هيا اقطبين وانتي سيري سلمي على عمتش جت .. ايه باستغراب : انا ،؟ الجده : ايوه كان من

ايه : ماتوقعت يجو .. يلله تمام شاسبق يا الاء.

اكرم بعد ماوصلته رساله يجي لها واقف قدام ييتهم.. لمياء خرجت بشنطتها وطلعت السياره.. اكرم طرح الشنطه ومستغرب كيف لهااا رجعت توقع انها ماعد ترجع وتطلب الطلاق.. طلع السياره وقفل الباب

لمياء بدلع : وبعدا الناس يجو يراضو بذهب بكسوه ساع الحريوه وانت حتى ورده ماديت

اكرم : انا قلتلش تحنقي؟ ولا فعلت شي !

لمياء: خلاص ماعلينا من الحنقه قد رجعت

لمياء: خلاص ماعلينا من الحنقه قد رجعت بس مادام تزوجت اشتي مثلها بالضبط
اكرم : ان شاءالله كما وقع لي ماذاحين مابش فلس سلفت مجد وبعدا لاعرست ولا قد اديت لها فلس مهر
لمياء بلقانه : والغرفه التركيه الي ماوقع لنا مثل ربعها

اكرم : كل واحده وحظها سبحان الله على نياتكم ترزقون

لمياء : قصدك نيتي مالها

اكرم: مدري اشلش تتعرسي كلهم بيت خالي

لمياء: مش اليوم ، اليوم نجلس انا وانت

اكرم : ان شاءالله الليل شاوصلش البيت وارجع لمكتب

لمياء : ماشتيش اسير لحالي
اكرم : مابش حد ف البيت تطمني

لمياء بعد هدوء خمس دقايق : اكرم ليش تزوجت بدون ماتقلي كيف قررت هكذا ف مده بسيطه وماقد تمينا سنه وتتزوج الصدق كسرت نفسي ؟  اكرم حلو مادام سألتي اجاوبش : تصرفاتش واسلوبش طباعش ماخلتني ارحمش واعمل لش حساب حسيت انها ماتفرق عندش وفعلا مافرقت رده فعلش جدا عاديه  غيررر اننا ابسرت بنفسي انش ماتشتيني وتشتي طلاق لذلك قررت اختار حد يحبني يهتم بي يدلعني مش من حين اوصل في دحس لما ارقد وابكر ع هرم واشياء خيرات قدش داريه مافي داعي نتكلم

لمياء: وليش ماطلقت ؟  اكرم : كما طلبتي الطلاق مني انا شطلق

لمياء: وكيف دريت اننا اشتي اتطلق

اكرم : شفت بعيني مجابرتكن ف الواتس

لمياء حست بااااحراااج : هو كان زبج

اكرم لفت لها : سبحاان الله
لمياء : طيب خلاص انسى الموضوع هذا ونفتح صفحه جديده

اكرم : والله رجعتش وتغييرش هذا مايطمن لكن بعدش

لمياء : ومشتيش اكون معها ف بيت واحد خرجني لحالي

اكرم : قد عيتمو يشطبو الشقه عتطلع طالع
.

لمياء : انا من زمان بينقلك اشتي لحالي .. اكرم : خليها تطلع هي وانتي قد انتي بقعتش

لمياء عصبت : من ذلحين قد بتميزها اكثررر انا اشتي طالع وبس

اكرم هو عشان امه مش طايقه ياسمين : وكلمتي الي ع تمشي
لمياء سكتت وقلبت وشها.. في العرس.. ايه جلست شويه جنب عمتها واخت زوجها : ليش ماجت مرت عامر معكم

عمتها : يوو عاد هي حريوه سافرو شهر عسل وعيرجعو بعد يومين عتجي الحفله

ايه : الله يسعدهم

عمتها : وانتي مامعش بنت او ولد

ايه : الله واعلم ماقد رجعت للدكتوره لي خيرات

عمتها : ان شاءالله ولد امد يطلع لابوه مابنت مانشتيش .

ايه : ايش مادا الله اهم شي بخير

عمتها : وزوجش بيتصل لش

ايه : عادو الا وصل قبل امس لما اتصل لكم.

عمتها : امرش لله الظاهر جننتيه لوما هج من البلاد.

ايه فعلت نفسها ماسمعتها : اسير ازف معهن ..وقامت تزف.

عمتها  بتشاور بنتها : ها على لبس وذهب فوقها ولما طلبته يعاون اخوه تعذر ان مابش معه فلس


بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

مساء الخير عليكم يَا رفااق🙋🏻‍♂️
جعلني الله وإياكم من أصحاب الملايين
أو على الأقل أنا لحالي قولوا يَا رب😅👋

💢 تعالو بدل الملل نلعب لعبه
كرسي الاعتراف🤩 بطريقه مختلفه
اختر سؤالك حسب شهر ميلادك👊😂😹⁉️

للمشاركه لهانا @ALFkamah


والنشر بقناتنا جميعا @FkamhSnaane2

أستخدم Instagram باسم ‌‎fkm3_2‌‏. يمكنك تثبيت التطبيق لمتابعة الصور ومقاطع الفيديو الخاصة بي. ‌‎https://www.instagram.com/invites/contact/?igsh=v5uuwpektgiy&utm_content=w4mge0l‌‏

تتزوج وفجأة تنسى خواتك وكأنك ماتعرفهن واقرب شي تقوله زوجتك تصدقها طيب ياخي لما تحصل مشكلة تأنى اطرحهن جنبك الثنتين واسمع كلامهن ومعك عقل ميز من الصح منهن ومن الغلط...
واحد بسبب حاجة تافهه قالت له مرته سار يصيح فوق أخته والبنت بتحاول تشرح له وهو يقول أنا مصدق مرتي ولا اعطاها فرصة حتى تدافع عن نفسها ولما ضبحت منه بتقوله حرام عليك اسمعني افهم معك عقل قام كسر لها يدها؟
أنت مع أختك طول عمرك وتعرفها
وإذا في حد ماتعرفه حق المعرفة فهي بنت الناس لذلك لاتنخدع وحكم عقلك..
إذا السند فعل هكذا كيف الغريب..

ايش الفايدة من المنشور..
حنوا على خواتكم وحكموا عقولكم والله أنكم محاسبين والعقل يقول عند أي مشكلة اسمع الطرفين كل طرف له الحق تسمعه..

ورسالتي لبعض نسوان الأخوة
لو أنتي عاقلة كنتي اعتبرتي أهل زوجش أهلش
رسالة لأخت الزوج برضه مابش داعي تعتبري مرت اخوش غريبة وتتسلطي عليها ..
عيشوا بسلام الحياة قصيرة وابتعدوا عن الظلم لأنه اسوء شي ممكن الإنسان يفعله..
وسلامتكم..
@ALFkamah

• تم انشاء رابط هدية بقيمة 70 نقطة 🎁

💳) الرابط : https://www.tgoop.com/srwry2bot?start=toba924e9f8508de45d639dc026bbe1f6b253353

• #ملاحضه_رابط_الدعوة_بـ (200) نقطة ‼️
• يمكن لـ 2000 شخص الدخول ع الرابط 🇾🇪

السلام عليكم ورحمة الله وبركاته

✿ فقرتنا انسااانيه نداء لأهل القلوب الرحيمه

✪ يااصحاب القلوب الرحيمه. يا اهل الخير
نحن الان ببداية { الشتاء القارس شديد البروده} فيه البرد قاسي على كثير من الأسر المتعففه

✿اناشد كل من هو قادر على العطاء والبذل و فعل الخير للتبرع ﴿ #جود_من_الموجود_في_الشتاء_البارد ﴾
لتوفير بطانيات وملابس شتوية للأطفال والكبار والنساء.كيفما كانت(جديد ـ مستخدم - مستهلك)
وذلك للعديد من الأسر المحتاجة والأشد احتياجاً والذين لا مأوى لهم ولا دفء في هذا البرد القارس وعلى معررفتي الشخصيه بهذه الاسر وعلى مسؤليتي

✿ يااهل الله. انتم في بيوتكم شابعين دافيين وغيركم بيعاني من البرد والجوع هو وعائلته
لذلك شاركونا الاجر. وداوو مرضاكم بالصدقه والمؤمن في ضل صدقته وصنائع المعروف تقيكم مصارع السوء واللقم تدفع النقم

✿اللي بايشارك ويريد يسلمهن بنفسه يكلمني وانا اوصله لعندهم ويشوفهم ويسلمهن لهم
✪واللي عيوثق فيني. اوصل المساعدات لأهلها ومستحقيها وبيني وبينه الله اوصل امانته .

✿واذا كان داخل صنعاء. وبايساهم بفراش وبطانيات وملابس شتويه (جديده او مستهلكه) ومايقدر يجي يسلم حقه بنفسه.
انا مستعد اجي له لين مايشتي. واخذهن منه واوزعهن والدال على خير كفاعله.
للتواصل معي @ALFkamah

⚠️#_عرض_لفتره_محدوده_جدا(X) 🎁🔥"

~ رابط الدعوة ( 4000 ) نقطه 😱
~ لكل مشاركة رابط الدعوة 4000 نقطه 💎
~لكل 100صديق 10الاف عضو لقناتك

🌟معرف البوت⏎ @xxx909bot ➥🌟

#فرصتكم_لتجميع_ملاين_النقاط😍

🤏لعشاق الروايات 🩵🩷

✿سيتم انزال روايه ( البيت الكبير )
للكاتبه والروائيه المتألقه (عبير الكبسي)

بقناتكم. ( طنافس 🎻وروايات🇾🇪 )

https://www.tgoop.com/FkamhSnanee3

🤏لعشاق الروايات 🩵🩷

✿سيتم انزال الجزء الاخير والنهاية
من روايه ( البيت الكبير )
للكاتبه والروائيه المتألقه (عبير الكبسي)


عمتها  بتشاور بنتها : ها على لبس وذهب فوقها ولما طلبته يعاون اخوه تعذر ان مابش معه فلس

الليل

ياسمين رسلتله قالو عمتي تجي لنا
اكرم رد : اخرجين انا ف الباب.

ياسمين قامت لعند نجوى : هيا نلبس  قدو ف الباب.
ام الاء بتتشكرها عشان ساعدتهن : تسلمي يا بنتي تعبناش وانتي حريوه

ياسمين : يو مافعلت شي والله هو الا صحنين قهوه د

ام الاء: الله يحفظش

الاء قامت لاعندها : ماعتمسيش؟  ياسمين ضحكت : اجلسي بقعتش اولا الحريوه ماتقوم من الكوشه ثانيا سهل يوم الحفله اروح ونمسي
الاء : ان شاءالله .. اكدي ع البنات كلهن لايتاخرين شاركن عليش

ياسمين : من عيوني ولو اختجتي شي ولا شي اتصلي لي.. خرجين هي ونجوى.. فوق السياره بيكلمهن.. اكرم : رجعت البيت

نجوى : من هي ؟  اكرم : لمياء
ياسمين حست قلبها انقبض ساكته
نجوى : كيف لها ؟  اكرم : مدري اتصلت قالت كلمت ابي اننا شرجع جي لي
نجوى : من حنق على غير امه سلي

اكرم شافها من المرايه ساكته بتتفرج من الطاقه
نجوى منتظره تسمع اي رد او اعتراض او ... ولاشي ساكته .

زيد ادي ثنتين وقدي هي

اكرم : خلااااص معي واحده تسوى نسوان العالم كلهن

ياسمين فرحت شويه برده رغم صدمتها بعمتها كان الكل ف العرس مرتاحين لها ويكلموها الا عمتها قدام الناس بس كانت تجابرها.

نجوى : الله يسعدك ويحفظك

الليل.. مجد رسل لها : هيا صوريلي نفسش قالو امي لبستي لبس مدري كيف ع كيف تشوووقت

الاء بعد عشر رسايل ردت له : لا

مجد : طيب مالش مابتردددي فاقد لش اتصل !

الاء : لا بنات خالتي وخالي جنبي

مجد : مالهن هولا اول مره يبسرين حريوه وانتي بعدي منهن قلك جنبي

الاء : ماعه ماتشتي ؟

مجد : هيا تمام بعيني حانكي بس والله ماراحت لش

الاء ضحكككت

مجد : وعادها تضحكككك تزيد تبرقطني.. كم لنا ماتحابرناش

الاء : جمع المجابره كلها لاخر الاسبوع

مجد : طيب يا الاء ، خاور اندومي

الاء : ابشر ماذلحين العمر كله عتشبع اندومي

مجد : طيب صوريلي حتى طرف الفستان ابسر

الاء : لا لا لا لا لا لا

مجد ضبببببح منها : طز فيش خاطرش

الاء : باي وقلب جنبه

مجد معصب خبى تلفونه وجالس يفكر فيها.

في طريقهن للبيت .

ام عمار : تقلي ماعتكتشف انحنا كذبنا عليها لاتسير مرت اخوش تقلها

بنتها : عنقلها انهم ماساروش من عينها كيف ابسرتوا  وقعت لما دريت انهم عيسافروا

ام عمار دخلت البيت : هيا اسكتي بس لاحد يسمع

العروسه كانت خارجه من الحمام شافتهن ردت السلام ودخلت غرفتها وقفلت لاوشهن

ام عمار تنرفزت : بتبسررري كيف صرعت الباب لاوشنا

بنتها : وبعدا ولاقد بسرتها من حين جت
امها : حتى الاكل بيدخل عامر اكلهم لاعندها

بنتها : يمكن عادها خازيه خلونا نبسر اخرتها مع نسوان اخوتي
في بيت اكرم... لمياء واقفه ماسكه خصرها ولابسه احلى لبس عندها ومصلحة نفسها وبتتكلم بغرور : هي هذه الحريوه الي اديتها فووووقي !
نجوى انصدمت من ردة فعلها وبرودها

ياسمين طنشتها ودخلت الغرفه خلست عبايتها وعلقتها.. اكرم دخل مع ياسمين الغرفه.. لمياء عصبت شافت نجوى : بتبسرو ابنكم !! هو يسبر يفعل هكذا عادنا جيت

نجوى طنشتها ودخلت الغرفه : سدوا انا مالي دخل.

ف غرفتهم

اكرم : هذه الحلاوه كلها وتقليلي افلتش واسير عندها

ياسمين : قوا حبيبي خلينا هكذا احسن بدون مشاكل

اكرم : ايش من مشاكل شهر لش وبعدا اداول بينكن

ياسمين : تمام بس لاتقهرها حرام حين قد سكتت انك تزوجت فوقها ورجعت من نفسها عشان خاطري.

اكرم اعجب بعقلها وطيبتها باسها فوق راسها : الله لايحرمني منش قلي امين

ياسمين ابتسمت له : ولايحرمني منك ياكل الدنيا انت.

اكرم : اسير افهمها انه اليوم بس عشان رجعتها وان لما تتمي شهرش واداول

ياسمين هزت راسها تمام.. اكرم خرج من عندها وقلبه وحبه وفرحته لها هي وكانه رايح لابليس مش زوجته .

لمياء شافته فتح باب الغرفه تفرجت له بنظرات غرور ولفتت تصبغ رجلها

اكرم : رغم اني قلتلها انه عاد الشهر هذا لها بس رفضت وقالت اجي لاعندش لذلك رجاء تبطلي مشاكل وتحترمي نفسش الي فعلتيه اول مشتيش يتكرر.. لمياء ضحكت ضحكه استفزازيه : يووو ياحرااام طلعت طيبه قوووي خلاص مارأيك تدي مثلها زد ثنتين.

اكرم :عتبطلي لقانه ولا اخرج

لمياء: ياسعم بتفجعني او مه
اكرم : لاحووول ولاقوه الا بالله.

لمياء وقفت قدامه وبتلعب بشعرها : جمال وحلا واناقه وعز وسرت لواحده مطلقه
اكرم : والله العظيم يا لمياء لو اسمع منش كلمه واحده مثل هذه قدامها لاتشوفي ورقتش قدامش هي خط احمر فااااهمه !! لمياء بصيااااح : ليششششش هي خط احمر ؟ من هذه الي سحرتك مالك وقعت هكذا !! اكرم : وووطي صوتش

لمياء : مابوطيش بزيد ارفعه اسمعها اذا انت مجنون فانا بعقلي

اكرم خرج وقفل باب الغرفه عليها وراح لياسمين.. ياسمين كانت جالسه قدام التسريحه وبتبعد اكسسوارتها.. اكرم وقف وراها بيمشط شعرها باصابعه وبيكلمها من المرايا : فعلت الي عليا وسمعت كلامش وندمت والان خليني عندش قوااا لو تشوفي شعوري مثل الطفل الي محتاج امه .. ياسمين ماعد اشتيش ابعد من جنبش ولا لحظه

ياسمين التفتت له : طيب خلاص الان اهدء ، صليت ؟  اكرم (اول مره من وقت ماتزوج يسمع هذه الكلمه ) : لا الان اصلي.  ياسمين : طيب مانفسكب افعل عشاء

اكرم : سهل امي عيفعلوه

ياسمين استغربت: يووو حرام ليش يفعلوه هم

اكرم : قوا خليش هنا لما افعل حد مع هذه المره

ياسمين : لاتخاف عليا ماعد يهمني اي حد و اي كلام وانت معي.

اكرم مسك يداتها وباسها : الله لايحرمني من طيبه قلبش هذه.. في بيت ام عمار.. عامر خرج لاعند امه : هيا اين العشا جاوعين

امه : قل لمرتك تخرج المطبخ مابش حد

عامر : تمام.. وبعدا ماراح قال لها
مرته : يووو والله مادخل والنقش !! انتو ماتعرفوا ان الحريوه تجلس شهر ماتلمس قلص

عامر خرج لاعند امه : مايسبرش عادها حريوه قالت النقش عيسير

امه تنرفزززت وقامت وبعد ماقربت

عامر : هيا عشاء
مرته : عتموت امك لو غرفت لنا هنا

ام عامر سمعت : اخرجي تعشي قلك اموت بعد الشر عليا عادها عتموتني

عامر ساكت

مرته : اخرج تعشى انا ماشتيش

امه بتتبرقط ماعد قدرت ترد... عامر : هيا قوا امانه عشاني انا

مرته : تمام عشانك انت بس.. خرجت معه وجلست شلت قلص شاهي وشربت تقززت : ماهوو هذا شمه يع زفر

ام عامر انصددددمت من حركاتها المستفززه : قومي اغسليهن كلهن ها

مرته شافت عامر

عامر غمز لها تقوم

امه : هكذا تتحاكى معي
عامر ساكت
خرجت مرته : مابش معكم ماء ماقدرش اغسول من الدبه.. قومي غسليهن انتي

ام عمار حسسسست راسها بيفوووور فلتت العشا ودخلت غرفتها ورزعت الباب

مرت عامر ضحكككت بصوت عالي ضحكه مستفزه : يووو مالها ماقلت ضحكتني

ثاني يوم بعد العصر ف البيت الكبير .. بعد ماتموا العقد  مجد جمع لها لوز وزبيب ف جيوبه وقام يدور كيس ف المطبخ مالقيش وشاف اندومي ضحك وفتحه بعد الاندومي وفعلهن لها ف كيس الاندومي وكتب ورقه داخله ( قصه حبنا كانت برعايه الاندومي حبيتش من اول حبه ). ولما خرج علي ناوله يناولها جلس يضحككك عليه.. عند الخياطه

الاء منرفزززه : ها كيف افعل ذلحين كيف مانتبهتي انه الموديل الي طلبتش غير

المخيطه :مفروض كنتي قبل شهر بتفعلي بروفه مش ليله الاستلام والعرس

الاء شلت الفستان ودفعته وخرجت من عندها... امها بتهداها

الاء بتبكي ماعجبها الفستان خالص حق النقش. .. رن تلفونها كانت شنطتها عند امها فتحت وجاوبت وناولتها
الاء حاولت تمسك دموعها : الو

مجد بهنجمه وضبح : اين انتي ؟

الاء وصوتها باين البكاء : خارج

مجد : ناسيه ان معش زووووج تستأذني منه

الاء بنرفززه : مش وقت المزح يامجد

مجد حس بضبحها : الف مبروووك

مجد حس بضبحها : الف مبروووك ياروحي  لنا تزوجنا عقدنا ووافقت بدلي وبدلش

الاء ضحكت: الله يبارك فيك

مجد : ذلحين مالش

الاء: المخيطه ماخيطت الي اشتيه

مجد : وتبكي عشان هذا عددددمين الفساتين و الخياطات منش صدق !!! الاء : ساااكته

مجد : هباله فين انتي

الاء: خارج

مجد : داررري ان انتي خارج داررري وين
الاء : ليش

مجد.: الان جاي لاعندش وماروحش الا وانتي بتضحكي اختاري احلى فستان موجود

الاء. : ماينفعش شرق اشتي اسير الان عند الكوافير

مجد : وانا ماشتيش ابسرش بهذا الفستان كسرتي نفسي به

الاء: هذا حق بكره مش الي عتبسرني به

امها : عتجلسو تلغجو ف التلفون هكذا ادي احاكيه

مجد : ها عمه

عمته : اتجابروا بعدا قد صيحت فوقها

مجد : عمه لما تدخل الاء الكوافير اتصلوا بي ضرووووري
عمته : تمام.

بعد الغدا.. مرت عامر خرجت للمطبخ تدور ماء .. عمتها مطنشتها

مرت عامر : مابتسمعيش بينقلش اين الماء الي طرحته هنا
عمتها ذكرت صوت ايه بهدوء وميزه : عمه ابردلكم معنا ماء؟؟ رجعت لاعند زوجها : يخخخ كيف بتتصانجني مش داريه مالها عليا اخرج سد انت وياها وخرجني من هنا الصدق شاطفح واموت عندها. .

بيت ايه .. جلست ترتب وتنظف بيتها عشان تقفله وتروح تمسي الاسبوع كله في العرس.. بدات تكره كل شي اشتراه عمار لانه السبب في غربته وبعده عنها .. ف الكوافير. .

مجد : هيا اخرجوا قلولها تراعي لكم او يجي لها علي وانكم عتسيروا مشوار

امها طلعت السياره: فجعتني مالك مابه ؟

مجد : مابلا غثيت عليها حين بكيت ع الفستان  قلت اخرج معاكم تبسروا اين الي تشتيه او يعجبها

عمته : يوو عيحفظك الباري ويجبرني براسك هي فصلته تفصول ولخبطت المخيطه
مجد : وكيف عتفعل؟؟ عمته :مدري والله

مجد : معي صاااحب لو تبسروا خياطه وتصاميمه قمممه ف الذوق نسير نفصل

عمته : من عيفصل لك في يوم وليله

مجد : اعرفوا بكره العصر وهي عندكم  انا الا اعبي له ديزل للماطور واخزن له بس وازيد له فوق السعر وعتبسروا

عمته : اخاف يحرم القماش

مجد : فداها ولاتزعل وتبكي ويدخل نفسها شي

عمته :  والله مانا داريه اركن ع صاحبك ويقع شي لايوقع بنا عمل انا وانت

مجد ضحك : ولايهمكم شي اركنوا بس.. بيت نجوى.. نجوى شافتها حانقه زعلت عليها دخلت لاعندها : هيا بنتي ماكلتي شي لش من امس

لمياء: ابنكم سد نفسي الصدق مابش بيننا تفاهم قلوله يطلقني وبس

نجوى: مش حالي كما المره قد زيدت اللغاجه ف هذه الكلمه؛، مادام ورضيتي ورجعتي لهنا وتقبلتي انه مزوج تقبلي الباقي

لمياء: اقلكم الصدق ..!!

لمياء : اقلكم الصدق انا مدري كيف ماقدرت اتقبله وماكنت اشتيه حاولت ارجع واقل شاغيره وانه الوضع اخس ماتفاهمنا بدون طبان عاد بهرم طبان احس انحنا مختلفين وماننفع لبعض

نجوى : والله انا نصحتش وانتي اخبر ومن البدايه زواجته مالي دخل بها مابسرت الا قالو عقد.

لمياء: انا ماحاسبتكم ولو شاحاسبكم مستحيل يتزوج بدون مايقلكم المهم انا هذه المره اقتنعت قناعه تامه خلاص.

نجوى : الله يعينش واستشيري اهلش قبل ماتفعلي اي شي من راسش

لمياء: اهلي ماعيرفضوا لي شي اشتيه ومقتنعه به

نجوى : كان خاطرش تصبحي ع خير بكره معي عرس واشتي ابكر

لمياء : وانتو من اهله..دخلت غرفتها وبدات تجمع كل اشيائها.


في غرفتهم..

ياسمين : اكرم ممكن طلب



اكرم : عادها عتستاذن ماتشتي



ياسمين : نفسي اسمع  صوت جهالي ع الاقل ومشتيش اتصل برقمي



اكرم : طيب هذا تلفوني بس الان عتتصلي؟


ياسمين: ايوه عادو وقت اجرب



اكرم : طيب اتصلي جربي.


ياسمين : ولو جاوب ما اقله اخاف يقفل ف وشي



اكرم : جربي وبس اهم شي يبرد قلبش.



ياسمين بدأت تضغط الارقام بخوووف وقلبها يدق وتتخيل اصواتهم في اذنها امتلت عيونها دموع وضغطت اتصال...


بيرررن بيرررن

جاوب : الو

ياسمين خاااايفه تتكلم بتسمع اصواتهم بيضحكو


طليقها : الو


ياسمين : اشتي اكلم العيال


طليقها : راقدين


ياسمين اصواتهم خلتها تنذل : كلمه بس


طليقها : ماكرهن نسيو ان معهم ام


اكرم سمع كلامه كان السبيكر مفتوح :شل التلفون من يدها وقفل ع طول



ياسمين بكيت...



اكرم جاس ساكت منتظر لما هدات : ولايهمش الا يرجعولش وحياه دموعش الغاليه هذه.





في بيت عماد..


علي دخل لاعندها وهي بتبكي


امها : بينقلش الفستان الي تشتيه عيجهز بكره بطلي دحس ساع الجهال.



علي: عقاب الله تهيورت ع خطيبتي



الاء شافته بضبح وعيونها حمرر



علي خرج الكيس من جيبه وناولها : يوو ياساتر هذه عيون حريوه ولا ذئب مالش من الخباله



الاء هزرته من يدها  شافت كيس الاندومي وداخله قليل زبيب ولوز والورقه فتحتها قريت وضحكت



علي انصدم : لاااااحول ولاقوه الا بالله صدق لاقالو دموعكن دموع تماسيح.



امه خفعته بالوساده : اخرج لاتدور لنا هدار.





البيت الكبير.


مجد جالس ف الشقه الجديده حقه اتصل لصاحبه الخياط.. : كيف الامور طمنني؟


 صاحبه : تقريبا الساعه 9 يجو يجربوه يفعلو بروفه عشان لو يحتاج تعديلات



مجد : ما كلمتك الا وانا راكن.. امانه لو يسبر اعرف الا ادعمك براس مال تفتح مشروعك.



صاحبه : متأكد ماشبسر لك صوره الا بعد سنه ماكودك تقاضي ديون العرس.


مجد ضحك : ماعليك انا حلفت..

كمل يكلمه واتصل لعمته كانت مشغوله ردت الاء : وانا مابش معي رقم



مجد : اصلا ماشتيش انتي اشتي احاكي عمتي



الاء: ناهي يا اندوووومي هكذا يدو زبيب العقد



مجد ضحككك : جالسه بتبكي او مزكمه


الاء: ولا شي سبر .. لالقيت كوافير سوا ولا فستان ولاشي



مجد : لاتغثيش شاسلفش الزنه حقي



الاء : يو والثقاااله او بستحملك بعدا هكذا


مجد ضحككك : قووويه


الاء: ماتشتي من امي


مجد : مادخلش والفضووول


الاء: الحجه عندي جاوبتك طز فيك


امها جت شافت تلفونها شلته : من اتصل


مجد سمعها.: مساء الخير ياعمه لاتقلوا للقنه هذه خلوها تتفاجئ بكره الصبح الساعه 9 عند الخياط  امد لو يشتي تعديل



عمته  بفرحه : تمام الله يحفظك يلله خاطرك



الاء بتزاااحم امها ع السماعه تحاول تسمع ولاقدرت مع الازعاج ف البيت..


امها دهفتها : خنقتيني مالش



الاء: ماقال


امها : ماعليش ..


الاء: ذلحين مافعل بكره


امها : البسي هذه الي خيطتها



الاء: ماعه


امها : بطلي غنج وزنط مابش فيه شي



الاء جلست حانقه..


جبن بنات خالتها جالسات يزفين ويغنين لها وينسنها الزعل..





ثاني يوم الصبح...


لمياء خرجت للصاله وهي لابسه : اكرم


ياسمين بتسمع صوت بتصحيه من النوم : اكرررم جاووب



اكرم قام بيدور تلفونه : من ؟ سمع صوت لمياء


ياهمتاااه للدحس والهدار



ياسمين : ساكته. .


اكرم فتح الباب وخرج



نجوى كانت في الصاله فوق السجاده بتصلي الضحى سمعتهم دخلت غرفتها وغلقت



اكرم شافها لابسه: وين ؟


 لمياء  مشيت لغرفتها جي للغرفه اكلمك


اكرم دخل بعدها : تقيميني امد تكلميني في ايش ! وعاد انتي جيتي وقدش خارجه



لمياء : انا رايحه بيت اهلي ومابرجعش وزي ما دخلنا سكته نخرج سكته اشتي ورقتي .

اكرم جلس شويه وسكت : هذا قرارش الاخير ! شوفي يابنت الناس حاولت معش جيت لش بالحلا بالرضا مارضيتي تفهمي..



لمياء قاطعته : لابينحاسبك ولا اعاتبك وقد اعترفت بنفسي اننا ماقدرت اتقبلك ولا احبك ومابش لاجهال بيننا ولاشي وانت متزوج طلقني وبس



اكرم : اكيد وشاطلق وبدون مشاكل بس ماحبيت اظلمش خليتش براحتش تقرري وتختاري الي يريحش.


لمياء حست بزعل او ندم انها تسرعت وتزوجته بس ماكانت عارفه انها ماعتتقبله وتحبه : وانت لاظلمتني ولا ظلمتك الاثنين مابش لنا نصيب ف بعض.



اكرم : خير ان شاءالله ، تحتاجي شي



لمياء : ورقتي بدون مشاكل بس


اكرم : تم ، مع من عتسيري



لمياء: اخي جاي ف الطريق


اكرم خرج وراح شل فلوس من الدرج ورجع طرحها فوق التسريحه خلي هذه معش



لمياء كانت جاوبت اخوها ومنتظر لها ف الباب :هخليها معك الفلوس الحمدلله موجود

في بيت اهلها وصلت وابوها منتظرها بعد ماكلمه اكرم.


ابوها مان يشاي يواسيها ويفهم منها بيشوفها طبيعيه : ايش حصل


لمياء تنهدت وبراحه جلست : مارتحت له ثقيل دم حسيت اني متغصبه العيشه معه مثلكم ودلعكم لي ماعد اشتي حد  انتو عوضتوني ع ابي وامي وهانك حسيت تفسي يتيمه


ابوها ( عمها الي رباها ) تأثر: طيب غثاش زعلش جرحش



لمياء: الصدق ماشي بس انا كنت متضااااايقه كاني عايشه ف جهنم حسو بي مارتحت له ماشتيه




ابوها : بس الطلاق يابنتي مش سهل وكلام الناس مايرحم محد عيخلي لش حالش لو دريو انه منش غنج



لمياء : مايهمني حد انا مشتيه وبس ولا شكلكم ماصدقتو ترتاحو مني..


ابوها : ماهو هذا الكلام يابنتي غثيتيني منش..

انا زاعل لانه تطلقتي بسرعه وكان نفسي اركن عليش بيت زوج يخاف الله فيش لاضامن عمري ولاشي.



لمياء: لاتخافوا عليا..



فوق السياره..


الاء: بيت من رايحين ؟


 مجد : بيت صاحبي



الاء لامها : هاااا ع زبج ولغاجه الكوافير عنتاخرررر




مجد : رفع صوت الزفه للاخير وبيرقص بالسياره


ام الاء بتضحك ع جنانهم ولا كأنه عرسهم بعد يومين..


نزلوا..


مجد دق الباب ..

خرج صاحبه : تسالموا ولفت لعمته بصوت واطي : هيا ادخلين قايسين وقلين لمرته لو في تعديلات



ام الاء والاء دخلت..


الاء: ايش من قياس. .


دخلين مستغربات صغر البيت وبسيط جدا  ..


رحبت بهن مرته ودخلت للغرفه خرجت الفستان. .


الاء بهررت ومصدووووومه : يووووو يو يو كيف لوما نفسسسسس الي اشتيه



المره : قايسيه عشان بس يخيط لانه ماقد كمل وانتبهب الدبابيس الي فيه..


دخلت الاء قايست عليها بالضبططط وزي ماتمنته !!


 مش فاهمه شي كيف لما كل هذا حصل وفي هذا البيت وبساطته خرج هذا الابداااع !!!




خرجت فارحه توريهن


امها انبسسسسطت بقوووه ومبتسمه : ماشاءالله بالضبط ولايحتاج اي تعديل بس الكم هذا يرتفع شويه..


لفي يا الاء..


جلست تتفاقده مضبوووط والموديل رغم صعوبته الا انه بحرفيه اشتغل عليه ونسق الورود ..



المره : يلله ان شاءالله يتمه في ساعه وجو له



ام الاء: كم الحساب ؟؟


 المره : خلاص قد سدوا هم.


على خرجتهن ام الاء من فرحتها انها تخارجت من المشكله هذه خرجت مبلغ وناولت بنتها الي بتلعب ..





فوق السياره ..


الاء : فهموني كان حق امس الفستان مقلب او كيف ولقيتو نفسه !



امها : معش مجد مابش مثله ..


مجد منحرج


الاء ساكته : طيب ليش سااااكت واحنا بندور وهو هكذا مبدع



مجد : اصلا ماقد اعرفه سوا بس شفت له موديلات ف صفحته ماقد بش معه محل وبيقطبهن في يوم




الاء : تسلم يامجد


مجد شافها ف المراااايه نظررره مطوووله اختصرت

مجد شافها ف المراااايه نظررره مطوووله اختصرت كلام الشكر والرد والحب كله.

في البيت.. ياسمين بتصتبح وهي زاعله حاسه بتأنيب ضمير

نجوى بتتفرج لياسمين : الله يهديك ويهدي من كان السبب البنت يتيمه خايفه ربي يظلمك يابني

اكرم : ممكن يتقفل الموضوع هذا الله معها راحت بطلبها وبدون مشاكل ولاشي لاعد تكبروا الموضوع.

ياسمين شبعت وقامت للمطبخ تغسل يدها ودخلت الغرفه
نجوى شافتها بعد مامشيت : اعوذ بالله منها شكلها سحرتك

اكرم : ولاسحرتني ولا مسكينه ولا عتجي مره ربع طيبتها ورجاء لاتغثو هذه.. قد سارت الي طفحتكم.

نجوى : ناهي لكم قل لها تجهز بدري شاسير القاعه مع مرت عمك

اكرم : من نفسها قالت لي امس عتجي تعاونكم

نجوى : جنه لها

اكرم شاف باب الغرفه مقفل عليها : اشتي ادرى مالكم عليها هكذا مافعلت بكم والله حرام.

نجوى : مدري يا ابني ماقد تقبلتها والله رغم انها طيبه بس بينبسرها وابسر ابوك

اكرم : وابسروا ابوها وابسروا اخوها وامها الي ماتوا حتى ماغثيت ولاعزت على عمها.

نجوى: الله يهديني  بس .

الاء وصلت الكوافير واعجبها شغلهن لنسوان فيه كانين جاهزات جلست تحمد الله وتشكرررره وفارررحه بالفستان رسلت له : احبك .

مجد فتح الرساله وقريها ورد لها : بجاوبش وانتي عندي.. انشغلت وبدأت تتجهز للحفله بدأت الساعات والدقايق عد تنازلي لموعد فرحتهم.. بيت ايه تمت تتجهز وتجهز أدواتها  جا لها ابوها بالسياره.. ابوها نزل منتظر لها تلبس : الله والراااحه امانه البيت ازززعاج
ايه : مارأيكم حين في البيت نسوان تجلسوا هنا قدو
تنتبهوا للبيت بينهم هم افلت

ابوها : تمام شاجلس هما لما تتمي تتعرسي وبعدا يابنتي كيف عتفعلي وحدش

ايه : مدري شبسر كيف

بيت ام عمار.. ام عمار بتفعل غدا لحالها  بتداعي مرت عامر : هيا جي عاونيني تعبت ومعي عرس اليوم

خرجت من غرفتها : ما افعل !

ام عمار : جي اضربي الحلبه الساعه 1 وماقد تجهزت

مرت عامر : يووو الا الحلبه اخس شي عندي وبعدا مش لازم تسيري

ام عمار : ماشتيش لكن ماجلس افعل اسير ابسر كيف عرسهم بنت عمها هذه مرتاحين ويعلم الله كيف العرس عيقع

مرت عامر : خورت اجي معش

ام عمار: هيا اجهزي وجي معي

مرت ابنها : يلله تمام... سارت تجهز ثيابها.. وصل عامر ودخل لاعند امه : سلام ومشي للغرفه ؛ ناولها القات : اغسليه

مرته : خلي امك هي ف المطبخ تغسله ع طريقها
عامر : قلي عمتي امي مش امك

مرته : ناهي هي ام الغالي ومالك بتغثى او مش هي امك

عامر ضحك وقدرت تضحك ع عقله راح لاعند امه : اغسلو. لي القات

عامر ضحك وقدرت تضحك ع عقله راح لاعند امه : اغسلو. لي القات



امه :  مالها ماتغسله بينشقى من الصبح لوحدي



عامر  دخل يغسله هو : عنجلس نتراشى



.................



بعد العصر في الصاله...


ايه لابسه وجالسه جنب جدتها ف مدخل الصاله تستقبل الضيوف دخلت عمتها وقفت وسلمت ومشيت معهم جلستهم بقعه حاليه ومبتسمه لسليفتها : حالي انش جيتي تغيري جو.



سليفتها : عمتي شوقتني لعرسك... حست بدكمه عمتها لها سكتت ولفتت لها : مالش دكمتيني



عمه ايه انحرجت : البنت واحمه خليها تجلس سوا بتلغجين



ايه كانت ماسكه فم معدتها من الوجع لذلك ماستغربت ليش سكتتها ..

اسير اديلكم شاهي واجي..



ام عمار : ابسري كيف بتتحاكى اشتي تتعلمي منها بينحسش عادش غاويه ميزيني واتحاكي سوا .



مرت ابنها قلبت عيونها منها ..جلست شويه سمعت اغنيه : بروح ارقص



ام عمار بتتفرج لفستان ايه وقلبها بيفحر هو جديد ولا من حق الكسوه حقها ؟





بدأت الزفه وكانت واقفه مثل الورده بفستان مورد كله منفوش ولابسه الذهب وتسريحه انيقه رقيقه من وراها الشعر كيرلي لابسه لثمه سلاسل ذهب مفصصه بورد مثل الفستان الي فوقها وطرحه من ورا والتاج كله ورد ذهبي وفصوص لازوردي..

مكياجها كان انيق ورقيق العين مكحله و مرسومه والرموش كثيفه  والروج بيبان حمرته من تحت سلاسل الذهب الي على وشها ماسكه غصن شذاب وريحان وورود حمر وبيض منناسقه مع ورود فستانه بيفوح كنها العطر والبخور والعوده . .




انزفت احلى زفه وبعد ماجلست ف الكوشه جالسه تضحككك ..


الجده شافتها بتضحكك ماقدرت تطلع الدرج لاعندها  بقصت ايه : اطلعي لاعند المدلوزه هذه قليلها تبطل كركره وتهجع توقع رزينه



ايه لفتت لها وضحكككت : تمام يعلم الله مالها


راحت لاعندها ..


الاء بتضحككك  تعالي شوووويه اوقفي قبالي


ايه : ماللش اعوذ بالله ليش بتضحكككي




الاء : مدري كيف جا لي ضحك حاسه نفسي غريبه الكل بيتفرج لاعندي وانا مركوزه ساع الجنيه لوحدي حاسه نفسي هبلا



ايه ضحكككت :شلووووش يا الاء وقت اللغاجه ..



الاء: مافعل



ايه : ولاشي اتذكري اسوء موقف ف حياتش وو


الاء كررررركرررت


ايه ضحككككت من ضحكها : لاحوووول ولاقوه الا بالله  الله يسعدش بس ويبعد عنش كل عين



ياسمين طلعت لاعندهن.. : ايه جاوبي عمتش



ايه : يووو قلتلهم ادي الشاهي واجي نسيت اجلسي مع الاء امد ماسير



ياسمين جلست جنب الاء وبتجابرها الي حصل مع اكرم ومرته وانها حاسه بذنب وبتسالها لو برأيها هي السبب



ام مجد راحت ترحب باهلها ومعاريفهم وجيرانهم  وبتتجابر مع ام الاء ويضحكين..



الجده بتشوف الوضع ومرتااااحه وفارحه من قلبها

الجده بتشوف الوضع ومرتااااحه وفارحه من قلبها : له الحمد والشكر الي ألف الله بين قلوب جهالي ونسوانهم وعيالهم..




عند عمة ايه : جهزي لي المداعه والقطي لي ناره



ايه : حاضر من عيوني



مرت عامر جت بعد الرقص.


عمتها : سيري تعلمي من ايه كيف تلقط امد لاتمكنيني ماعرفش ماقدرش



مرت عامر بتأفف وبتهوي وشها من الحمى بعد الرقص : طييب




ف المطبخ..


ايه : كيف انتي مرتاحه



سليفتها : يو هنيتلش الي خرجتي كيف تحملتي تجلسي معهم



ايه : ليش مالش بينبسرهم بيدلعوش



سليفتها : ايوه بس نظراتها اوقات ودحسها  اعوذ بالله



ايه : سهل اعتبريها امش ولاتتتحسسي


سليفتها مسكت خصرها : من بينصح لو اصدقش ماكنتي خرجتي من عندهم


ايه ماحبت تقلها انها انطردت هي وزوجها : عتعرفي كل شي مع الايام..


المهم يعجبهم الناره هكذا..


سليفتها : ناهي يدي الله العافيه لما افعلهم عادنا حريوه.