tgoop.com/GREEN_GRAMMAR/3356
Last Update:
8-dars. Kishilik olmoshlari (Personal pronouns)
Ingliz tilida personal pronouns deganda kishi (shaxs)ni o’rniga ishlatiladigan olmoshlar tushuniladi.
Masalan:John is my brother. He is my brother. (John mening akam. U mening akam).
Bu yerda John ot bo’lsa, he uning o’rnida ishlatilyapti. Ya’ni shaxs o’rniga qo’llanilmoqda.Children are playing in the garden. They are playing in the garden.
(Bolalar bog’da o’ynashyapti. Ular bog’da o’ynashyapti).
Ingliz tilida 3ta shaxs mavjud.
I-shaxs so’zlovchi,
II-shaxs tinglovchi,
III-shaxs boshqa, suhbatga aloqasi bo’lmagan odam.
Birlikda (Singular)
I-shaxs I – men
II-shaxs you – sen, siz
III-shaxs he, she, it – u
Ko’plikda (Plural)
I-shaxs we – biz
II-shaxs you – sizlar
III-shaxs they – ular
Biz he deb faqat erkak kishi yoki o'g’il bolaga, she deb faqat qiz yoki ayolga, it deb esa narsa buyum va jonivorga nisbatan ishlatamiz. O’zbek tiliga u deb tarjima qilinadi. Ko’plik shaklida esa hammasiga faqatgina they (ular) qo’llaniladi.
To be fe’li
To be fe’li bo’lmoq, hisoblanmoq degan ma’noni bildiradi yoki o’zbek tilidagi -man, -san, -dir qo’shimchalariga to’g’ri keladi. To be fe’lini asosan ot, sifat, son bilan ishlatiladi.
To be fe’lining 3 ta shakli mavjud. Ular shaxslarga qarab tuslanadi. Bular: am, is, are.
Biz doimo "I" - shaxs ya’ni "I" bilan to be ni "am" shaklini ishlatamiz.
II-shaxs "you" bilan esa "are" ni
III-shaxs ya’ni "he", "she", "it" bilan esa "is" ni qo'laymiz.
Ko’plikda barcha shaxslar ya’ni we, you, they ga "are" ishlatamiz.
Masalan:
I am a pupil.
Men o’quvchiman. (ot bilan)
He is 18 years old.
U 18 yoshda(dir). (son bilan)
This flower is beautiful.
Bu gul chiroyli(dir). (sifat bilan)
To be ning qisqartma shakli.
Ingliz tilida to be ni qisqartma shakli ko’p uchraydi. Bular:
I am – I’m
You are – You’re
He is – He’s
She is – She’s
It is – It’s
We are – We’re
They are – They’re
To be ning inkor shakli.
To be'ni inkor shaklini yasash uchun to be dan keyin not yuklamasi qo’yiladi.
I am not a pupil. Men o’quvchi emasman.
He is not 18 years old. U 18 yoshda emas.
They are not beautiful. Ular chiroyli emas.
To be ning savol shakli.
To be ning savol shakli yasash uchun To be fe’lini egadan oldinga qo’yiladi.
Masalan:
You are a pupil.
Sen o’quvchisan.
Are you a pupil?
Sen o’quvchimisan?
Javob berish: Yes, I am/No, I am not.
Thanks everybody. See you soon next lesson!
@GREEN_GRAMMAR — English with Navbahor
BY GREEN GRAMMAR
Share with your friend now:
tgoop.com/GREEN_GRAMMAR/3356