tgoop.com/GenPr/5439
Last Update:
Қызылорда облысының прокуратурасы алаяқтыққа қарсы күресте жасанды интеллекті
пайдаланады
Облыстық прокуратура алаяқтық қылмыстарының алдын алуға арналған «IT ТERGEU» жобасын әзірледі, бұл жоба жасанды интеллекттің мүмкіндіктерін сот-тергеу тәжірибесінде тиімді қолдануға бағытталған.
Жоба үшін облыстық бюджеттен 85 млн теңге бөлініп, ақпараттық-талдау бағдарламалары сатып алынды.
Бағдарламалардың көмегімен 749 қылмыстық іс бойынша 1074 ұялы телефон нөмірлері тексерілді. Нәтижесінде 151 қылмыс дерегі ашылып, 62 қылмыскер ұсталды, сондай-ақ, 2 киберқылмыстық топ, 52 дроппер мен хабар- ошарсыз кеткен 91 тұлға табылды.
Қазіргі уақытта интернет алаяқтық бойынша 264 қылмыстық істің 78-і сотқа жолданып, көрсеткіш 29%-ға артты.
Банктер мен микроқаржы ұйымдарына қатысты 52 істің күмәнді есепшот транзакцияларын тоқтату үшін анти-фрод орталығына сұраныс жолданды.
Өңірде профилактикалық жұмыстар аясында қаржы институттары өкілдерімен бірнеше ресми кездесу өткізілді, сондай-ақ, Қазақстан Республикасының Қылмыстық процестік кодексінің 200-бабына сәйкес 25 ұсыныс енгізілді.
Қызылорда облысының прокуратурасы азаматтарды алаяқтардың құрбаны болмау үшін сақ болуға шақырады.
#Заң_мен_Тәртіп
Қызылорда облысы прокуратурасының сайтына сілтеме:
https://www.gov.kz/memleket/entities/prokuratura-kyzylorda/press/news/details/908301?lang=kk
Facebook | Instagram | YouTube | Сайт ГП