قريباً...
حنقوم نمشي نقرا داخل جامعة الجزيرة 💙💙

الليلة البقرا دا متعاون…

تضيقُ كأنها لن تتسع
و تتسع و كانها لم تضيق أبداً
و يبقى الحمدلله دائماً و أبداً 💙

#قوم_امشي_أقرا

قال تعالى:﴿وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ وَبَشِّرِ ٱلصَّٰبِرِينَ ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ أُوْلَٰٓئِكَ عَلَيۡهِمۡ صَلَوَٰتٞ مِّن رَّبِّهِمۡ وَرَحۡمَةٞۖ وَأُوْلَٰٓئِكَ هُمُ ٱلۡمُهۡتَدُونَ﴾

الحمد لله على ما أراد الله ولا نقول إلا ما يرضي الله
إنا لله وإنا إليه راجعون الدوام لله وحده.. توفى والد أخونا محمد عمر خالد، مؤسس منظمة قوم الخيرية
والحمد لله على ما أراد الله.

اللهم ارحمه وثبته عند السؤال وآنس وحشته ووسع مدخله وأجعل الجنة داره ومأۡواهُ واجمعه هو وأهله وأحبابه في الفردوس الأعلى من الجنة بلا حساب ولا سابق عذاب وهبّ له سعةً ونوراً في قبره وغفراناً لذنوبه.
اللهم اجبر كسر قلوب أحبابه وصبّرهم واربط على قلوبهم ولا تجعل آخر عهدهم به في الدنيا، وابنِ له ولهم بيوتاً في الجنة واجعل ملتقاهم هناك.

اللهم ارضِنا بما قدرت لنا من فقد..
دعواتكم لـعمو عمر خالد أن يثبته الله عند السؤال ويرحمه ويصبّر أهله وأحبابه.

#قوم_أمشي_اقرا

مرحباً بكم يا سادة على خطوط قوم للفعاليات😎🪄

تتوقعو المحطة الجاية وين؟🫣

تحت تحت قالو لي منطقة من مناطق نهرالنيل😉

#قوم_امشي_أقرا

بين طواحين الايام نخفي أمانينا
نبحث عنها في الأحلام وهي بأيدينا
لن ندركها حين ننام بل ستجافينا

هيا ياطالب قوم قف وتأمل نهاية النفق لاتكن محدوداً محصوراً في اليوم بل أعمل لغدِ أحلامك، خذها معك طواحين الايام هذه لن تطحن غيرك إذا كنت حقاً تريد أن تخبز مستقبلك، ولا وقت أنسب لهذا الخبز من اليوم.
وخذ أيضاً أنك لن تدركها حين تنام ف قُم.
صباح الخير يا مطحون 👇

#قوم_امشي_أقرأ.

عارفين بنعمل في شنو نحنا ‼️🤩

اكيد سمعتو بفعالية قوم أمشي اقرأ في أرض الحديد والنار 😌☝🏼

وطبعا سمعتو بالعملناها برضو في أرض الجمال عروس البحر الأحمر 😋


وعشان ما نزعل البقية 😉

ح نعمل ليكم فعاليات ظابطة جدا فإنتظرونا وتابعوا الصفحة عشان تعرفو ح تكون متين وبخصوص شنو وح تستفيدو شنو😋

المكان اللي في صورة هو محطتنا الجاية، في زول عرف المكان دا؟🫣

📌 انتظرونا🤩

#قوم_امشي_أقرا

“اللهم اجعلنا من الذاكرين والمستغفرين لموتانا، لا تنسوا أحبّتكم الذين رحلوا من الدعاء والصدقة، فاللهم اغفر لهم، وارحمهم، ووسع قبورهم، واجعلها روضة من رياض الجنة، اللهم اجعل دعاءنا نورًا لهم ورحمة تسكن أرواحهم.”

دعواتكم لعمو عمر خالد بالرحمة و المغفرة🙌🏼.

من مدينة الخرطوم التي تُعانق الرماد و تصمُد رغم الخراب و الدمار، إلى مدينة غ^زة ارض النضال و العزة التي رويت كل بُقعها بدماء شهدائها🇵🇸
نُرسل سلاماً نابضاً بالألم و الصمود💙

خياراتك الآن قد تُحدّد مستقبلك بشكل كبير، فانتبه! 🎯💙

طيب بعد شفنا الأهداف من جميع نواحيها، تعال معاي نشوف علاقتها بالجانب الأكاديمي وونعرف بنقول ليك قوم أمشي أقرأ ليه 🌚💙🔥

بالعامية كدة، الأكادميات دي ما بتقتصر على تحصيل الدرجات وتشيل شهادتك بس، لا ما كدة إطلاقاً🙅‍♂️
دي رحلة كبيرة ورؤية أعمق، وتعزيز ودافع لإنك تتفوق وتستمر. ودي العلاقة بين الأهداف والجانب الأكاديمي؛ عشان تشوف أولوياتك وتركز عليها. وإنت بعد تعرف هدفك العاوزه بتتحمس وتنجز، وبتبقى قادر تتغلب على الصعوبات.
الرحلة دي بتفيدك تتعرف على نفسك وعلى مهاراتك وتطور من ذاتك.

رحلة الأكاديميات ما بتتوقف على الشهادة بس، بطريقة غير مباشرة ومباشرة ممكن تأثر على كل قصة حياتك، ووظيفتك المستقبلية، وأسلوب عيشك لحياتك لقدام، وأكتر من كدا💙🔥

بكدة خلصنا البوست حقنا نتلاقى في البوست الجاي في أمان الله 💙✨


#القراية_ما_شهادة_بس
#الأهداف_لا_تنتظر
#قوم_أمشي_أقرا

قبل م تنوم، عايز اقول ليك حاجه بسيطة، كون انك ما من اولائل الدفعه او من المتميزين فيها دا م بمنع انك تكون زيهم واحسن منهم، الناس كلها بتطور للأحسن الا انت قاعد في مستوى واحد، خليك فاكر جدا انو الماضي لا يساوي الحاضر.. والحاضر الملئ بالمثابره وعدم الاستسلام يساوي مستقبل مشرق 💙

#قوم_امشي_أقرا

“إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا”

ما تنسو سورة الكهف💙
و اذكروا عمو عمر خالد في دعواتكم💙

إلى عزيزي المقرر:

كل ما أقول قربت ليك..
تلقاني بادي من الألف..

فعاليتنا القادمة في بربر ستكون الأعظم و بدل العنوان الواحد ح يكونو اتنين🤩

⛔️⛔️⛔️
و قررنا نعمل تغيير لناس ود البدري و برنامجهم يكون مختلف عن البقية🤩
( وضح يخ دا شغل بختلف🔑)

ها مستعدين؟😎

انتظرو التفاصيل ح تنزل قرييب…

#قوم_امشي_أقرا

الناجحون أيضاً لديهم أربع وعشرين ساعة فقط 💙🎯

مرحبا 🌚💙
عاوز تكون إنسان ناجح؟🤔
يبقى تابع معاي 🔥

1️⃣أولا، الوقت ⏰ ودي أهمّ حاجة؛ اعرف تستثمر وقتك بحكمة.💙
الوقت هو أثمن حاجة عندك، هو عمرك، وكل دقيقة تضيع لن تعود. ركّز على الحاجة البتنفعك وتقربك من أهدافك. في ناس كتيرة عرفت استثمرت وقتها صح، منهم الكتب كتب لا تحصى وبقت لهم أثراً حتى بعد رحلوا من الدنيا دي، ونفس الوقت العملوا فيه الكتب دي هو نفس الوقت العندك إنتَ دا برضو 🫵، ودا مثال صغير إنه كيف استغلال واستثمار الوقت بأثر على تطورك وتقدمك.

2️⃣ ثانياً، ابدأ بالكتابة والتوثيق
أفكارك ومشاريعك تستحق أن تُوثّق. 💙
اكتب تجاربك وأهدافك، ممكن تكون مصدر إلهام لغيرك، أو ليك إنتَ نفسك، دا غير إنك حا تكون إنسان مرتب وموجّه.

3️⃣ ثالثاً، نظم أولوياتك ومهامك وضع خطة واضحة لما تريد إنجازه🗂️💙
لما تكون إنسان مرتب وعارف أمورك كلها حا تختصر كتير من الزمن الحا يضيع في التشتت والتخبط، وحا تنجز بصورة أكبر وأكثر كفاءة.

4️⃣رابعاً، كن ملتزمًا وملهمًا، التزامك هو سر نجاحك.💙
كتير مننا بيخطط ويخت الجداول بس ما بينفذها، الإلتزام سر أساسي من أسرار النجاح، الملتزمين هم العارفين المسؤولية، والإلتزام هو البيضمن التقدم والوصول.


5️⃣وأخيراً، اترك أثرًا يبقى بعد رحيلك
أعمالك وإنجازاتك هي الإرث الحقيقي الذي سيخلد💙
اعمل أفكار ومشاريع تصنع أثر في حياة الناس، واتذكر إننا كلنا إلى رحيل، فاترك ما يبقى حيّاً في ذاكرة الناس.

صاحب الناجحين لأن النجاح والانجاز مُعدي💙🎯

ابدأ الآن، واستثمر وقتك وخليك زول ملتزم وجادّي، واتأكد إنك بعد تسعى وتتوكل على ربنا حا تصل للنجاح الباهر وحا تترك بصمة لا تنسى، فابدأ!💙✨


#أ_ب_ت_ث_نجاح
#الأهداف_لا_تنتظر
#قوم_أمشي_أقرا

⭕في كل الحروب حول العالم

سألتو نفسكم قبل كده هل بدأت الحرب فجأة وبدون تخطيط ولا تم التخطيط جيداً🤔

وانا هنا ما بتكلم عن حرب بسيف وحصان 😉

إيلون ماسك قبل ما يستولى ويسيطر على تويتر عمل مخطط فذ إنو انتقد تويتر وحرض مستخدمنها عليها وبكده قيمتها قلة في السوق 🤩
سهم طالع سهم نازل ⬆️⬇️

حرب بشعة بس سيطر عليها ‼️

و مارك من منفذي نظرية minimalism عارفين ليه 🤔
عشان ما يضيع زمن في إختيار الفطور ونوع المشروب وح يلبس شنو‼️

وده نوع من أنواع time management 😉

اظن كده مفروض تكونو عرفتو العنوان الاول لورشتنا شنو 😉

📌 التفاصيل شوية و تنزل ي ناس بربر😉

ورينا انت بتخطط ولا بتمشي بالنية بس😂🫣

#قوم_امشي_أقرا
#قوم_بربر

يعني اتخيل معاي:
ريال مدريد متصدر…
الجيش مُتقدم..
قوم عندها فعالية في بربر…

حرم اسبوع من بدايتو يسوي كدي🕺🏼

#قوم_امشي_أقرا

الفعالية شنو في جامعة الشيخ عبدالله البدري في بربر؟🤔

قاعدين نقول ليكم، الموضوع دا، لالالالا تقيل عديل كده!!! 🤯

أول حاجة، المدرب حقنا دا سافر، أوروبا، وتاني سافر أمريكا، دا كلو علم وتدريب🤩

مدرب زي دا جايينا في خبر منو؟
خبر...🥁🥁🥁🥁

حلفاء النجاح! 🎯

كيف تبقوا منهم؟
تنظموا وقتكم، تخططوا استراتيجياً، تطوروا ذاتكم، ويكون عندكم C.V محترم يخليكم مطلوبين وين ما تمشوا!

معانا و معاكم🤩:

▫️ مصطفى إبراهيم

🔹 حائز على شهادة Communication Skills و Entrepreneurship من جامعة ليدز البريطانية.
🔹 حائز على شهادة Business Expansion من جامعة سانتا كلارا، كاليفورنيا.
🔹 معتمد TOT ومدرب في التطوير الذاتي والإبداعي.
🔸 عضو ومندوب أفريقي للاتحاد الأوروبي ESR للأشعة.
🔸 عضو المعهد العالمي للأمن النووي WINS.

يا زول ده الكلام التقيل ولا بلاش! 🙆🏼


اليوم: الأربعاء ( 22/1)
الزمن: الساعة الواحدة ظهراً 🕑
الموقع: جامعة الشيخ عبدالله البدري - كلية الطب و الصيدلة ( قاعة الشهيد شرف الدين )

اها ما حتجونا من بدري؟ 😉

#قوم_امشي_أقرا
#تعليمك_لحدي_عندك

بتعرفوا يعني شنو إستدراك؟

إستدراك يعني يفوتك شئ و تحاول تلحقه بكل ما في وسعك 👌
أو ممكن أقول لك مفهوم تاني
الاستدراك حتى إذا مافاتك شئ ممكن تلحق نفسك العمر قصير 😢
ووقتك أغلى من الذهب و الألماس وأي مجوهرات غالية 😶
عارف إنه من زمن الصحابة الإستدراك موجود 😎
عارف إنهم كانوا حريصين على الزمن شديد 😇

و عشان انت ذاتك تكون حريص على وقتك وتعرف تستلغه كويس كوتش مصطفى إبراهيم ح يبدع في الورشة 🙃🙃

فشنو ما تفوتها 👍
#قوم_أمشي_أقرا

من إلتجأ إلى الله في خوفٍ أمَّنه،
ومن استعوض الله في أمرٍ عوضه بخيرٍ منه،
ومن توكل على الله فهو حسبه؛
وكفاه ما أهمه في جميع أمره،
ومن حسُن ظنه بالله وجد الله عند ظنه؛
وبلغه آماله ومقاصده في الدنيا والآخرة بإذنه💚.

#قوم_أمشي_صلِّ💚