tgoop.com/HHa19789/763
Last Update:
#تراث گعدية
شيگول الگلب دسمع يا حيدر
بسم الله ورسوله
هاك إخذ العهد هاك .... دنيا وآخره وياك
بسم الله ورسوله
ــــــــــــــــــــــــــــــــــــــ
الباري من كونه الآدم وجعله بهالكون آيه
أخذ جبرائيل قبضة من التراب بضي هدايه
واعجنه بماي الولايه وبيك مختصه الولايه
آدم من الحكمه إنولد
وإحنه على ذاك العهد
نمشي بعقيده ومعتقد
من المبدأ للنهايه
حبك يا علي يزكي عملنه
بسم الله ورسوله
بالدارين ويحقق أملنه
بسم الله ورسوله
وحلينه بثناياك... دنيا وآخره وياك
بسم الله ورسوله
ــــــــــــــــــــــــــــــــــــــ
ياعلي حكمة ولاءك فرج للمخلوگ أجمع
انبياء ورسل بيها وعالم العلوي تمتع
من الحوت إنجدت يونس والسفينة نوح مصنع
ياعلي وربك قدرك
بشمعة محمد نورك
وبأمر دينه بصرك
وإنت مبدأ وإنت مرجع
وبمسراك ياحيدر سرينه
بسم الله ورسوله
خل يشهد رسول الله علينه
بسم الله ورسوله
نحيي نموت بحماك ... دنيا وآخره وياك
بسم الله ورسوله
ــــــــــــــــــــــــــــــــــــــ
يا علي صورة ولاءك نورك معلي ضحاها
وين اليضاهيك وينه والحسد عينه عماها
ارد انشده وخل يگللي نار نمرود إشطفاها
نورك يطفي المِسعره
وفاضل الطينه الطاهره
بحماك دنيه وآخره
وإنت ما تگطع رجاها
وإحنه يا علي فاضل الطينه
بسم الله ورسوله
ونحبك على سنة نبينه
بسم الله ورسوله
مشغوفين بهواك... دنيا وآخره وياك
بسم الله ورسوله
ــــــــــــــــــــــــــــــــــــــ
يا علي إكسير حبك بيه تصفية الضماير
وضامر البيه يتركز حبك من الدنس طاهر
وجاعل الباري وجودك تنكشف بيه السراير
يالحبك الباري إصنعه
قبلة الصافي مرضعه
هاك إخذ گلبي وطالعه
وشوف من حبك إشذاخر
اگبال العدل والتوحيد صوره
بسم الله ورسوله
حبك والگلب يزهر بنوره
بسم الله ورسوله
ويتمتع بمعناك... دنيا وآخره وياك
بسم الله ورسوله
ــــــــــــــــــــــــــــــــــــــ
ثَلَثت اقسام العوالم يا علي بهواك صارت
فرقه عبدت إلك سجدت فرقه بالتحليل حارت
فرقه دركتها الرساله وبمصادرها إستنارت
وإحنه العرفنه يا علي
بيك الحقايق تنجلي
وبمقتداكم نقتدي
إشما ليالي الدهر جارت
گلبنه الطرايق ما وجدنه
بسم الله ورسوله
درب البيه يتأكد رشدنه
بسم الله ورسوله
بس دربك ومَبداك ..... دنيا وآخره وياك
بسم الله ورسوله
ــــــــــــــــــــــــــــــــــــــ
إلك يابالحسن مشهد بالغدير شلون مشهد
وسدر مرسوم الإلهي وشد لك المرسوم مسند
ماحمل بالبشر مثله لا وحگ رب التوحد
تبيين ربك بينك
تعيين رسمي عينك
والراد گلبه يوازنك
ليش ما مثلك تأيد
بيك انعلگ مصباح الإمامه
وبيك تكمل الدين ونظامه
بسم الله ورسوله
وتسلم بيمناك ... دنيا وآخره وياك
بسم الله ورسوله
ــــــــــــــــــــــــــــــــــــــ
يا إلهي بناظر السهران عالدين وحياته
نريد تكبيرة علينه وسيفه تنزل صاعقاته
عاليهود الخيبريه وهاي اسهل معجزاته
گلوب اليهود مروعه
من يوم خيبر فازعه
والقدس أصله ومرجعه
للإسلام وعاصفاته
بسمك يا علي خصمك نچيده
ونبني مجد أمتنه المجيده
بسم الله ورسوله
ونعيد الفتح ذاك..... دنيا وآخره وياك
بسم الله ورسوله
المرحوم الشيخ
كاظم المنظور الكربلائي
(250)
#اللهم_عجل_لوليك_الفرج
BY تراث القصائد الحسينية
Share with your friend now:
tgoop.com/HHa19789/763