tgoop.com/HHa19789/901
Last Update:
#تراث
من طبن خوات احسين دیوان ابن مرجانه
گلب ام الحزن زينب گامت تشب نيرانه
ــــــــــــــــــــــــــــــــــــــ
لمن شافت ابن زیاد جاعد عالتخت فرحان
گام ایعاین اعلیها او يتنشد على النسوان
بيده الخيزرانه اوگام يضرب مبسم العطشان
گالتله ولك بس عاد
تضرب ثغر ابو السجاد
هذا احسين يبن ازياد
روح أو چبد (للزهره) أو (للمختار) ریحانه
ــــــــــــــــــــــــــــــــــــــ
لا تضرب (يإبن)١ ازیاد مبسم سلوة الهادي
تراك أمردت دلالي اوسوطك ولم افادي
تبسم من سمع زينب اوگام ابمجسله اینادي
نطلبكم يزينب دين
من غزوة بدر وحنين
وين اخوتج عنج وين
اشجابج لعد ديواني اودمعج يهل جروانه ؟
ــــــــــــــــــــــــــــــــــــــ
شفتي شلون (صنع الله) بطاغيج وخوته احسين
ظلوا جثث عالغبره او من عدكم اخذت الدين
زينب بعد شيفيدج عليهم لمن اتنوحين
راحوا كل هلچ عنچ
ما ينفع بعد ونچ
گطعنه امن اخوتج ضنچ
يزينب راح أخوج الحسين و تذبحت فرسانه
ــــــــــــــــــــــــــــــــــــــ
لمن سمعت ابن ازیاد بت حيدر يحاجها
گصده ايريد يهضمها بالمجلس يبجيها
كالتله اعلى هونك عاد اخوتي اشجايبك ليها
إنشد عنهم الميدان
وارماح السمر والزآن
سوو يوم عالفرسان
تشهد بي مواضي البيض والميدان واكوانه
ــــــــــــــــــــــــــــــــــــــ
او صنع الله بخوي احسين یبن ازیاد گر عينه
(رحمه) وكل وكت ربنه يفيض برحمته علينه
صفوه اختارها الباري وكوَّنهم لعد دينه
وبيهم هتف صوت الدين
واتعنه لنصرته حسين
هو واخوته الطيبين
تفانو بالحرب دونه ورفعو للعرش شانه
ــــــــــــــــــــــــــــــــــــــ
يبن ازياد والهم يوم بالمحشر يصير وياك
توگف بين ادين الله تشوف اعمالك ابعيناك
خصمك بالحشر جدنه وشيفيدك يزيد هناك
بيش الحرم مطلوبه
تعاني اليسر ودروبه
(سميه) و(هند) محجوبه
واحنه اعله الهزل يسره وشمر وزجر ويانه
ــــــــــــــــــــــــــــــــــــــ
ذبحتو الزلم بالكون گول الدينكم تردون
لاچن يبن مرجانه شلكم عالحريم اديون
توگفهن بديوانك والها الوادم يشوفون
وين اليصل فارس بدر
أيگله بناتك باليسر
تتفرج عليها الكفر
ــــــــــــــــــــــــــــــــــــــ
يبويه اخلاف وليانه لعب بينه الدهر ما راد
رحنه اعله الهزل يسره اوگفنه بمجلس ابن ازياد
من گبرك يحيدر گوم شوف ابنك علي السجاد
لاوي يحيدر رگبته
وتكسر الخاطر ونته
راحو عمامه واخوته
ــــــــــــــــــــــــــــــــــــــ
عليل ويكسر الخاطر يحامي الجار بونينه
يبويه وناگته هزله وعلى الناگة امكيدينه
يسمع نوح عماته ويشوف ادموعها بعينه
ودموعه ياحيدر تهل
وتشخب اجروحه امن الحبل
كلساعه يتمنى الچتل
حيله امبيد اوروحه من المرض تلفانه
الشاعر المرحوم
السيد عبد الحسين الشرع
(293)
#اللهم_عجل_لوليك_الفرج
١.. يإبن (نقلت هذه الكلمة بتصرف)
BY تراث القصائد الحسينية
Share with your friend now:
tgoop.com/HHa19789/901