tgoop.com/HHa19789/995
Last Update:
#تراث
لولادة سيدة الوجود وعلة الخلق
أم أبيها السيدة الطاهرة فاطمة الزهراء
روحي وارواح العالمين لتراب مقدمها الفداء
.
ضجة فرح بالدنيا اشوفن واسمعت غنه
على اغصون الشجر غريد واشمن ريحة الجنه
ــــــــــــــــــــــــــــــــــــــ
اشمن ريحة الجنة وضجت فرح بالدنيه
وأسمع والگلب فرحان وروحي اليوم متهنيه
وشوف من السمه زهره لعند الارض متعنيه
البيت المصطفى نزلت ضوه ومثل الشمس چنه
ــــــــــــــــــــــــــــــــــــــ
ابيت المصطفى الليلة انولدت فاطمة الزهره
وخديجة ارتاح خاطرها وبيها اصبحت مستّره
ورسول الله گصد ليها يبشرها وِهي تبشره
الزهره يامحمد هاي من الله هديه النه
ـــــــــــــــــــــــــــــــــــــ
الزهره انولدت الليلة وضحك سن الرسول الها
وتهلهل بالفرح وجهه لمن صد شمايلها
تبشر بالسعد والخير ورد انوب قبلها
شمها ومن گبل هاليوم إلها چان يتمنه
ــــــــــــــــــــــــــــــــــــــ
فرح بيها رسول الله وگلبه من الفرح مشحون
ابنته الطاهرة المامش مثله ابرابع المسكون
هاي الزاچيه الزهره رحمه من إله الكون
مَن اعلى الخلگ بيها الشكر لله والمنه
ــــــــــــــــــــــــــــــــــــــ
ابيت المصطفى شبت وشب الدين وياها
اهيه ربته ابْيَدْها وهو الدين رباها
وگفت موقف اسلامي والاسلام غذاها
قوة وتضحيه وظلت تدافع كل وكت عنه
ــــــــــــــــــــــــــــــــــــــ
الزهره بآية التطهير رب الكون مجدها
وبيها المصطفى بآهل والقرآن شاهدها
فضايل ما حصاها أحد وآنه اشلون أعددها
وهذا الفضل للزهره كل الكتب يروونه
المرحوم السيد جاسم الطويرجاوي
(326)
#اللهم_عجل_لوليك_الفرج
BY تراث القصائد الحسينية
Share with your friend now:
tgoop.com/HHa19789/995