tgoop.com/HKisland_training/575
Last Update:
大家好 睇緊直播嗰啲可能覺得我係鬼係藍絲
其實如非必要 我今日都唔會走出嚟同大家企喺度講嘢
我唔忍心見到成場運動重蹈2014年後期覆轍
我唔忍心見到成場運動被左膠化
我唔介意講一講我喺邊個
我入過眾志 學界中人 西環街坊
2019年6月8號民陣記者會有我喺度
呢一啲野有相為證
小弟 叫野子
中西區裏面有好多議員都識我嘅 我都有同佢地探討過關於David 嘅問題
由民主派 去到本土派 都有問過
因為佢地都係抗爭者 全部都係手足
我唔明白David點解要分開和勇
如果喺Facebook寫緊留言嗰班仲覺得我係鬼嘅話 我比5分鐘嘅時間你可以落到現場私了我
我哋唔係反對David 搞活動 但反對佢對手足嘅態度
支持David 嘅依舊網路出聲 網絡支持
唔支持既 不斷呼籲啲人認清佢嘅真面目
結果喺網上就俾佢封鎖，鏟留言，話分化撚
之後有人落去現場同佢講好似沙田新城市果次咁
個手足問佢點解要性騷擾女手足
結果就係俾佢用一句「收皮啦」「收左錢」「大陸仔」回應
仲要係網上公然侮辱手足話係大波man個仔
其後仲聲稱要報警拉手足
係睇唔過眼一班Facebook David 支持者只係網上支持又唔出嚟
乜家陣學生好閒？話自己唔翻工手停口停 咁唔好放放工放lunch 囉
驚清算你估學生唔驚 David 唔驚依度係網絡上面出聲
抗爭唔係食兩餐黃店就可以光復到香港
食黃店只係基本
想問大家一句 唔知大家知唔知和你lunch係咩
和你lunch係聚集群眾 以任何形式 阻礙商場正常運作
唔係一支公un腳 叫口號 唱歌就算
嗰班Telegram Channel休台一個禮拜係有原因
一 Facebook捉鬼同標籤化有槍就係鬼 同你唔啱意見 就熱狗分化Mon post狗
二 David管理嘅群組經常一言堂同獨裁無異
，曾經試過一日踢300人走
三 David做錯事，但係仲未道歉，反指其他手足分化
其實可能大家唔清楚David係一個點嘅人
佢有性騷擾手足既前科
然後居然係周梓樂祭壇一個咁莊重嘅場合
大聲講笑 同佢朋友一齊玩可樂 有失體統
最後佢都係冇道歉
除咗呢啲之外，仲有阻手足家屬送車
受緊牢獄之災嘅朋友如果你見到 可能都會知道David係啲咩人
尤其係曾經俾David搞到送車連女朋友都見唔到嘅人
我講緊嘅係工程巴
學生組織搞街站冇人理 粉嶺槍械案又話係鬼 灣仔炸彈案又話係鬼 元旦女又話係鬼
部份睇緊呢一個直播嘅人嘅心態係咩呢
以下幫其他手足講 好多都係有暴動罪或者唔太出得聲
佢Facebook頂唔順留過幾次言，
Facebook嗰班人
第一反問返我做過啲咩，
第二句分化撚對埋撚黎，
第三句兄弟爬山，
第四句David起碼勇敢過你
基本上每一次留言諷刺下david都會得到啲咁嘅回覆
係到，想同思想/行動上未追到既人，無人會怪你地，但你地都要諗下點解呢家有人會咁講david, 可唔可以諗下點解要"outsource" 抗爭，係到諗人係唔係熱狗，講2 句分化L真係好容易。
有時間去上facebook, 不如幫手幫下唔同助養既channel, 或者身邊做助養既人，寫信，旁聽，睇書，操fit 等。
仲有好多野可以做，思想上/行動上未追上既，大家會等你，但真係唔好拖後腿。
希望大家身體健康，繼續係唔同位置努力
唔分化 只係希望和理非明白 tg出聲明個啲各司其職 有好多區議員立法會議員政客都認識嘅
我希望所有抗爭者 一定要相信槍係存在
唔敢面對現實 所有抗爭都唔會成功
我唔可以話屌人有槍係鬼嘅人係鬼
其實喺深圳嗰12個手足
有三個係因為藏有手槍被控
有一個係因為藏有炸藥而被捕
你唔會話佢哋係鬼㗎嘛？
希望各界清楚了解 和你lunch嘅目的唔係表態 係一種行動
佢哋白卡大聯盟 發起嘅悼念和你唱 如果你不肯離世 仲要每個月聽我唱歌 叫口號 你會唔會接受 你會唔會接受到係一個拜祭嘅場地大嗌
我完全諗唔到一個咩方法可以令到David唔再出嚟博出位
唯有出此下策 就係自己俾佢更加出位
亦都諗唔到其他方法令佢直接回應
我宜家喺呢度公開詢問lunch哥
首先，周梓樂祭壇玩可樂，有冇尊重過周梓樂？
然後，性騷擾女手足，其後係facebook話你情我願就敷衍了事，有冇尊重過女性手足？
第三，作為半個公眾人物，公開坐黨鐵，仲要打卡放上Instagram，令手足罷鐵成果變得一無是處，有冇尊重過手足？
第四，有手足同你意見相左，就話人係鬼，分化撚，五毛，藍屍，你有冇尊重過手足？
第五，係公開叫手足收皮，仲要老屈人哋係大波man個仔，你有冇尊重過手足？
第六喺Instagram公開話要報狗拉手足，有冇尊重過抗爭者？
第七 點解你要喺人哋被捕手足車嗰陣，博出位，令到被捕手足嘅家屬送唔到佢哋車，有冇尊重過被捕者家屬？
第八 點解要係瘋狂踢人出Telegram公海，唔俾手足發言，獨裁式管治，有冇尊重過抗爭者？
第九，點解你尋日話公開叫勇武手足唔好出嚟，其後知道自己講錯嘢，就話嗰啲係假勇武，真正嘅勇武係唔會出聲，想問吓你點樣分辨真勇武同假勇武？點解勇武唔可以出聲？
最後，做個以上咁多嘅事，冇道個歉，有冇尊重過咁多位手足？
要講嘅講完我返去上堂 記得唔好坐地鐵
最後 抗爭內憂未除 光復外患難解
BY 港島特訓 HKITC
Share with your friend now:
tgoop.com/HKisland_training/575