ፕሮፌሰር እንግዳ አበበ ሀኪም ብቻ ሳይሆን ሰው ነው : ሙሉ ሰው::

ስለእርሱ ለመግለፅ ቃላት ባይበቁኝም: ትህትናው: ሰው አክባሪነቱ : ታታሪነቱ : ቆራጥ መሪነቱ : በጣም ጥሩ ሐኪምነቱ እና ድንቅ የሚለው ቃል የማይገልፀው የቀዶህክምና ጥበቡን ጥቂት ቀን ያየው ሰው ሁሉ የሚመሰክርለት ነው::

በእርሱ አቅም ላንተ ማድረግ የሚችለው ምንም ነገር ካለ አይሰስትም: ያደርግልሃል:: ያበረታታሃል::

ፕሮፌሰር ያስተምርሀል: ሲያስተምር ደግም ራሱ አድርጎት ነው: ሲንየር ሀኪም ነኝ ብሎ አያዝህም: አድርጎት ያሳይሃል:: እርሱ ያለበት round ሳይንስ ብቻም ሳይሆን ብዙ ነገር የምትማርበት ነው::

ይመክርሃል : የሚገባህን ክብር ይሰጥሃል:: በጣም የሚገርመኝ በዚህ ሁሉ አመታት ዉስጥ ብዙ ጊዜ ሲቆጣ አላየሁትም: ነገር ግን Professor ከተቆጣ አንተ አጥፍተሃል ሊያውም በተደጋጋሚ ማለት ነው:: ቁጣው የአባት ነው:: ለእርሱ ካለን ክብር አንፃር እርሱን ማሳዘን በጣም የምንፈራው ነገር ነው::

ፈተና ሲፈትነን ራሱ የጥያቄውን መልስ ካለማወቅ በላይ የሚያሳስበን እርሱን ማሳዘን ነው:: በProfessor የተፈተነ ማንንም ሰው ጠይቅ " የጠየቀኝ በጣም ቀላል ጥያቄ ነው ግን አሳዘንኩት መሰል" ይልሃል::

ልጆች "The way to be successful is to plan and work towards that" ይለን ነበር:: ፖድካስቱም ላይ ሲናገረው ነበር::

በእርሱ መማር : ኦፕራስዮን ክፍል ከእርሱ ጋር አብሮ መግባት እንዴት መታደል ነው:: ገና ኦፕራስዮኑ ሳይጀመር በጠዋት መቶ በጊዜ መምጣትን ያሳይሃል : ኦፕራስዮን ክፍል ገብተህ ባንተ አቅም መማር ያለብህን ተምረህ እንድትወጣ የተቻለውን ሁሉ ያደርጋል:: ይሄ ራሱ "ሬዝደንት ማሟያ መሆን የለበትም : ትምህርቱ ላይ ትኩረት መደረግ አለበት" ያለው አንዱ ማሳያ ነው::

ለኔ የህክምና ትምህርት እንዲሁም የቀዶ ህክምና ስፔሽያሊቲ ስልጠና መሳካት በጣም ትልቅ አስተዋፅኦ ካላቸው ሰዎች መካከል በዋነኝነት የሚጠቀስ ነው:: ለዚህም በጣም ላመሰግነው እወዳለሁ::

እኔማ ገና የ3ኛ ዓመት ተማሪ እያለሁ ትንሽ እንኳን ሆዴን አመም ካደረገኝ ቀዶ ሕክምና ካስፈለገኝ "ዶክተር እንግዳ" እንዲሰራልኝ ነው የምፈልገው እል ነበር::

ባለፈው ዓመት ዉስጥም የጨጓራ ህመም በጣም ብሶብኝ በሌሊት ባለቤቴን, "ዛሬ ተረኛ ሀኪም Professor ነው? ካልሆነ ግን እርሱ ጋር ትደውልልኛለህ አይደል" ያልኩትን አልረሳም::

ታዲያ ይሄ በህይወታችን ራሱ የምናምነው በጣም የምንወደው የምናከብረው ፕሮፌሰር እንግዳ አበበ ዛሬ ሀኪም ፖድካስት ላይ ቀርቦ ሳየው የተሰማኝ ደስታ ወደር የለውም::
ከፖድካስቱ ብዙ ትማሩበታላችሁ እና ተጋበዙልን: http://www.youtube.com/@Hakim207?sub_confirmation=1

ትንሿ ልጁ/ተማሪው
Dr. Diana Musie

@HakimEthio