tgoop.com/Halima_Xudoyberdiyeva_ijodi/641
Create:
Last Update:
Last Update:
* * *
Bu besh kunlik dunyo deb
Dunyo g'amin yeydilar.
Shu besh kunning ichida
Bir-birlarin so'ydilar.
Bu besh kunlik dunyo deb
Dunyo g'amin yeydilar.
Shu besh kunda Nasimiy
Ko'zlarini o'ydilar.
Besh kunning og'ir toshi
Bosdi. Yanchildik, dod-a?
Shunda Husaynning boshi
Kesildi Karbaloda.
Shunda yiqilib, tizlab
Toyib, issiq qonlarda
Payg'ambari azizlar
Qoldi tosh bo'ronlarda.
Havzi Kavsar ochganni
Tomchi suvga zor qildi.
Mangu Balogardonni*
Besh kun dunyo xor qildi.
Men qanday dil berayin,
Yuragimda ming bir dog'.
Mening taqdirim tayin -
Ketgunimcha jim ketmoq!
Bu besh kunlik dunyo deb
Dunyo g'amin yeydilar.
Balogardon - Bahouddin Naqshband
24 noyabr
2004
BY Halima XUDOYBERDIYEVA ijodi
Share with your friend now:
tgoop.com/Halima_Xudoyberdiyeva_ijodi/641