tgoop.com/Hauij/11349
Last Update:
نزله الامام القاسم عليه السلام
قصيدة ( زفيتك بالاحزان )
لسان حال رمله ام القاسم عليهم السلام
ــــــــــــــــــــــــــــــــــــــــ
زفيتك بالاحزان بيد الموت للميدان
••••••••••••••••••••••••••••
يـَ بني اليـوم اريدك تاخذ ثاري بيدك
بـَ ـعلي* سمه منهم ارمي ذوله صَيدك
ضلمو حق ابوكـم و اكثر راح ازيـدك
صَـوبو حته جثته ذلهم هسه عِـيدك
بلبتار يلعطشان انزل صول علفرسان
زفيتك بالاحزان بيـد المـوت للميدان
••••••••••••••••••••••••••••
اطلب ثـار الأكبر طُـبهم سـوي خيبر
أگطع دابر الشر أطوي الحومه دفتر
احمل دون الحسين اترس بيهم البر
انزل هسه سجيل اذبح يُمـه و أزئـر
شردهم بالوديان انحرهم چن قربان
زفيتك بالاحزان بيد الموت للميدان
••••••••••••••••••••••••••••
يَـ بني خلـي عمـك يرضـه كونه عنك
ينظـر خـل يشاهـد جاسـم يُـمه فَـنك
اطعـن اطبـر ودور تشـرد خلـهه مـنك
اگلب يُمه السروج اطفي هسه حزنك
ربيتك ياطوفان بين الروح والوجدان
زفيتك بالاحزان بيـد المـوت للميـدان
••••••••••••••••••••••••••••
زلزل جاسم الگاع اصـرخ يبـن السباع
وينـه الرايد يموت يبـرز يطلـع ابسـاع
أنحر و اگطـع الروس وابتـر اكبر ذراع
احفر وادفن أكبور سيفك مثل الشراع
ياغيره ياسلطان ابحر غوص كالسفان
زفيتك بالاحـزان بيـد المـوت للميدان
••••••••••••••••••••••••••••
كسر روس الاصنام ارفع راسي جسام
انصر عمك حسين عمك هـوه الاسـلام
يبني احنه شنكون نبقـه لأسمه خـدام
يرخص دمنه والروح احمـل شد اللثام
بالمدمع والاشجان ربيتك بالاحضان
زفيتك بالاحزان بيد الموت للميـدان
•••••••••••••••••••••••••••
*البعل - الزوج
بـَ ـعلي _ زوجي
والمقصود الامام الحسن زوج السيده رمله والدة الامام القاسم.
كلمات / حيدر العمار الخزعلي
.
BY الشاعر حيدر العمار الخزعلي
Share with your friend now:
tgoop.com/Hauij/11349