tgoop.com/Hauij/11380
Last Update:
قصيدة ( ابطال)
ليلة الانصار
ــــــــــــــــــــــــــــــــــــــــ
الحومه اتريـد الافعال
تعشگ صوت الابطال
ابطال ... ابطال
ــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــ
زامط وهد بينه
الحومه متكفينه
بالحرب تدرينه ... احنه العذاب
دونك امـ ننقاتل
بالقريب العاجل
چن مذنب نازل ... شيب وشباب
نعصف ونسبيهم
عالارض نرميهم
لو ردت نمحيهم ... يبــن الكتاب
أشر بيدك وآشوف
يبرد گلب الملهوف
ابطال ... ابطال
ــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــ
احنه گره عينك
بالرگب شارينك
زلمـك امكفيـنك ... تنطي الدماء
مـن حبيـب اينـازل
يسحگ اهل الباطل
بالـرماح ايقـاتـــــل ... يبن الكساء
عابـس يصفيهه
عالـزلم يچفيهه
والشمس يخفيه ... راعي اللواء
هَـــز الــبيـرغ عبــــاس
نسحگ روس الارجاس
ابطال ... ابطال
ــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــ
لا تضــن انعوفـك
انته كعبه نشوفك
بالـوفاء انطوفـك ... مثل الحجيج
من تأشر حاضر
آيهد بُرير وزاهر
بينه صول وكابر ... لمــن تضيـج
ياضمير الغيره
ياسماء الديره
الخيام بحيره ... ونسمع ضجيج
نوگع والخيمه ادوم
نرفع راسك هـاليوم
ابطال ... ابطال
ــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــ
لا تحير بهايه
شاهد الوفايه
الفرات ومايه ... يمـك يجـيــك
لو يطير انصيـده
لو يمـوت انعيـده
انته كلشي تريده ... يصبح بيديك
لا تفكــر عــــوفــه
هسه دوف اندوفه
يمـك مــن تشوفه ... خطوه عليك
انفره نغير مجراه
المنبع يفتر وياه
ابطال ... ابطال
ــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــ
الواگف بنص گومه
خل نجيب اعلومه
مـن يذب اهدومـه ... نثبت نريد
جده ذاك الحاقد
النـزع و الشـارد
هسه صاير قائد ... يتبـع يـزيـد
خل نذبحه الساعه
خل نَكسـر ذراعــه
خـــل تُفـــر اتباعه ... تشرد بعيد
خـاتـل ما بين اجنود
خل يبرز لوبيه الزود
ابطال ... ابطال
ــــــــــــــــــــــــــــــــــــــــــــــــــــــــ
حيدر العمار الخزعلي .
BY الشاعر حيدر العمار الخزعلي
Share with your friend now:
tgoop.com/Hauij/11380