tgoop.com/Hossain1_2/7125
Last Update:
الشاعر ابواياد البيجاوي
محافظة بغداد
٢٧
علي بتغسيل فاطم طَـبْ عليهه
غيور يخاف كلّش طبعه ليهه
كسرهه يشوفه ماصح طِبْ عليهه
كَعد ينحب علي وماخذ زويّه
الشاعر حسام الناصري
محافظة بابل
٢٨
علي الرد الشمس بيده وفرها
وكت ماجان كلها أتسن وفرها
عجيبه السمه ماكلها وفرها
تمطره بحرك فاطمة الزجيه
الشاعر محمد الموالي
محافظة بغداد
٢٩
وحگ عباس والظهره
تحنه
حن فاطم ولا ثكله تحنه
عجيبه الباب هليله تحنه بدمه الضلعين والمحسن ضحيه
الشاعر ابو عمار الدراجي
محافظة بغداد
٣٠
علی الدنیه الحقوده مارد اني
جور الصحبه بویه مار داني
بظلعي نبت سمهم مارداني
وان کلهم علیه ابن الدعیه
الشاعر ابو علي الاسدي
محافظة بغداد
٣١
احب بنت النبي الهادي وجله
ودوم اتعنه مجلسها وجله
ربي زيح هاالغمه وجله
وعجل بالفرج الابن الزجيه
الشاعر هادي المهاجر
محافظة الكوت
٣٢
يريت الواره جثمانج وره الباب
عساها عيون ماعندي وره الباب
رعايه للستر لاذت وره الباب
حس بيها وعصرها إبن الدَنِيّه
الشاعر ابو علي الكربلائي
محافظة كربلاء
٣٣
يدنيه ياذنب إحنه جنيناه
وجزات الطيب بس الهم جنيناه
صحت يابويه من ضلعي وجنينيآه
سگط وظلمت الدنيه عليه
الشاعر عقيل العلياوي العلياوي
الكوفه العلوية المقدسة
٣٤
اميره عله النِسَه الزهره وجنها
المصايب خضّرن بيــها وجنها
ظلعها مصوّب ويـنـزف وجنها
أثر سطرت الظالم للزچيّه
الشاعر سيد زيد الفحام
محافظة الديوانيه
٣٥
هجمت گوم عالزهره خفتها
اهواي جروح عن حيدر خفتها
الباب بنار من وجت خفتها
تطاير يم ابو الزهره الزچيه
الشاعر وفي الحلي
محافظة بابل
٣٦
گبر للزهره ظل مدفون منشاف
وعليه جفني نهر سچّاب منشاف
صرت عگبه بألم معلول منشاف
عليل ولوعتي إمخيمه عليّه
الشاعر ألميرزا كريم ألفرج
محافظة بغداد
٣٧
بجينه ادموم موش ادموع لمنه
ونار الحزن ما تطفه والمنه
بيت الجان يجمعنه والمنه
نطبه اشلون بعد أمنه الزجيه
الشاعر هادي الساعدي
محافظة بغداد
٣٨
باب الحصن حيدر من حملها
وام حسين يرعش من حملها
گلبه انصاب منها ومن حملها
دفنها ومات من ذيچ المسيه
الشاعر عقيل القاسمي
محافظة بابل
٣٩
انا بگلبي مئاتم ليل ونهار
وريد ابدمعي اغرگ ابحور ونهار
على الزهره يكون انهظم وانهار
لحد ما اوگع ابحضن المنيه
الشاعر مرتصى السراي
محافظة ذي قار
٤٠
الدار وباب ام الحسن وجن
اگلوب الشيعه من الصار وجن
فاطم تسجدلها الانس وجن
خلف الباب مكسوره ورميه
الشاعر محمد الهليجي
محافظة بغداد
٤١
بعد عشرين ماكملت سنها وعليها اسيوف غدره ابحقد سنها
هذا الثاني هالاحكام سنها
وحرمها من ورثها للزجيه
الشاعر ابو بسام الخفاجي
محافظة الحله
٤٢
اجاني الما تحاشم منه بيه (من نبيه)
وراثه ورث حقده منه بيه(من ابيه )
الهسه بوجهي ظلت منه بيه
سطره وأثر لسياطه عليه
الشاعر جعفر عطيه البزوني
محافظة البصرة
اللهم تقبل هذا القليل ببركة محمد وال محمد
خادمكم
BY 🇮🇶الأَبوذية_والنعي️
Share with your friend now:
tgoop.com/Hossain1_2/7125