tgoop.com/Hubbuna/7507
Last Update:
#Savol: Assalom alaykum. Mening oilamni buzishdi. Hozir ota uyimdaman, akam meniyam, qizimniyam kaltaklash darajasigacha boryapti. Ketsin deb onamga aytyapti, akam hali uylanmagan ham, men qayerga ketishni qayerda yashashni bilmayapman. Nima qilsam bo'ladi? Bitta qizim bor.
G'iyosiddin Yusuf:
— Va alaykum assalom.
1. Oilangizni qayta tiklash imkoni bo'lsa, tiklang.
2. Buning imkoni bo'lmasa, akangizga biroz sabr qilib turishini yotig'i bilan tushuntiring. Odamiylik, diyonat tushunchalarini eslating. Turmushi bo'lmagan qizga yaxshi qaragan otaga ulug' mukofotlar va'da qilingan, aka otaning o'rinbosaridir. Ota-onangiz va boshqa kattalar nasihat qilsin. Zarur bo'lsa, qattiqroq gapirib, tiyib olishsin.
3. Tezroq turmushga chiqing. Albatta, bu gal oila buzilib ketmaydigan qilib juft tanlang, shoshilganda yana xatoga yo'l qo'ymang.
4. Agar akangiz insoniyligini yo'qotgan bo'lib, sizlarga sabr qilmay, yomon muomalasini qilaveradigan bo'lsa, turmushga chiqquningizga ham chidamasa, unda ish topib, ijaraga uy olib chiqib turish eng oxirgi chorangiz bo'ladi. Aks holda turmushga chiqquningizcha undan zulm ko'rib yashaysiz.
Ogohlantirish: oilalilar, ajrashishdan oldin keyingi hayotingizni ham o'ylang. Akalar, otalar turmushi buzilgan qizlarga himmatli bo'ling va ularni uzatishga harakat qiling. Buning uchun o'zingiz og'iz solsangiz ham bo'ladi — hazrati Umar kabi.
#muammo
✍ @Hubbuna — oila qurish, oilaviy muhabbat, baxt va farzand tarbiyasi haqida
BY Hubbuna
Share with your friend now:
tgoop.com/Hubbuna/7507