tgoop.com/Hubbuna/8521
Last Update:
«Asal oyi emas, asal hayot» kitobi haqida
Oila mavzusida kitob oʻqimaganimga ancha boʻlgan edi. Odam ancha sogʻingan ekan. Diydor ham sogʻinchga yarasha boʻldi. Sevimli mavzudagi munosib kitoblardan birini oʻqidim. Boshida kitob nomining oʻzi meni qiziqtirgandi «Asal oyi emas, asal hayot».
Chindan ham asal oyini koʻpchilik rejalashtiradi va shu bir oyni oʻzgacha oʻtkazishadi, lekin bu oʻzgachalik faqatgina bir oy yoki maʼlum bir muddat boʻlib qolishi yaxshi emas. Asal oyi koʻpchilikda bor, lekin asal hayot kechirayotganlar kam. Asal oyiga u yerga borishibdi, asal oyini bunday oʻtkazishibdi, degan gaplar baʼzida quloqqa chalinib qoladi. Boshlangʻich bir oyni goʻzal oʻtkazish bir jihatdan juda ham oson, buni koʻpchilik eplaydi, lekin butun hayotni goʻzal oʻtkazish sadoqatli va vafodor juftliklarning ishidir.
Ishxonamda bir juftlik bor. Er-xotin birga ishlashadi. Er ishxonamiz haydovchisi, ayol esa farrosh. Shu juftlikka havasim keladi. Baʼzida oshxonaga u bu narsa olishga chiqqanimda birga choy ichib oʻtirishganiga guvohi boʻlib qolaman (Ishlarni qilib, boʻsh vaqtda albatta). Munosabatlari shunday samimiyki, odam men ham shunday boʻlaman, deb niyat qiladi. Juftlikning yoshi 50-60 lar atrofida! Oʻtirishlari yangi uchrashuvga chiqqan yoshlardek. Mana sizga bir oyini emas, hayotini asal qilganlar.
Kitobga qaytsak. Kitobda juda ham sodda va yengil, hayotiy va amaliy tavsiyalar berilgan. Kitob uch qismdan iborat:
Kitobni oʻqish jarayonida bir ikkita tavsiyalarga oʻzim ham amal qilib koʻrdim, manfaatli boʻldi. Tavsiyalar shunday berilganki oʻqigan joyingizni oʻzida bemalol amal qilib koʻrishingiz mumkin. Kitobdan oilam uchun qilishim kerak boʻlgan koʻp narsalarni ham oʻrgandim.
Kitobni yangi oila qurgan va quradiganlarga, oila hayotini goʻzallashtirmoqchi boʻlganlarga tavsiya qilaman. Oilaviy munosabatlarni bir daraja yuqoriga olib chiqishga vosita boʻladigan kitob bo'libdi.
Oʻzi kitobning hajmi ham, ichidagi tavsiyalar ham uzun emas. Uch kunda tugadi. Vaqti-vaqti bilan oʻqib turishli kitob boʻlibdi. Muallif Gʻiyosiddin Yusufdan Alloh rozi boʻlsin!
«Oʻqivoradigan joyi lekin» dermidi?
#kitob_haqida
Dilshod Bahrom
Kitobni xarid qilish
Yanada ko'proq taqrizlar
