tgoop.com/ISHGA_MARHAMAT_ANDIJON/38042
Create:
Last Update:
Last Update:
ОТА-ОНАНГ ЎТГАНДАН СЎНГ...
Савлат тўккан тоғинг бўлмас,
Яшнаб турган боғинг бўлмас,
Бу дунёдан кўнглинг тўлмас,
Ота-онанг ўтгандан сўнг...
Кўзинг бежо, дўст излайсан,
Дўст қидириб ҳўп музлайсан,
Тополмай ҳўнг-ҳўнг йиғлайсан,
Ота-онанг ўтгандан сўнг...
Кўкка боқсанг кўк йиғлайди,
Юлдузлар пўк-пўк йиғлайди,
Ой йиғлайди, сой йиғлайди,
Ота-онанг ўтгандан сўнг...
Саратонда соянг қани?
Тоғингдаги қоянг қани?
Фақат армон қийнар сани,
Ота-онанг ўтгандан сўнг...
Суратларда қолиб кетар,
Бор дардини олиб кетар,
Ўтгандан сўнг бўзлаб қолма,
Тирик бўлса бошда кўтар...
Савлат тўккан тоғинг бўлмас,
Яшнаб турган боғинг бўлмас,
Бу дунёдан кўнглинг тўлмас,
Ота-онанг ўтгандан сўнг...
➖➖➖➖➖➖
Серфайз Бозор
BY ИШГА МАРҲАМАТ 👤🔍
Share with your friend now:
tgoop.com/ISHGA_MARHAMAT_ANDIJON/38042